الله يسكنه قلبك ويسكنك قلبه ويجملك في نظره ويجمله في نظرك انتي وكل بنات المسلمين امين

صراحه احترمت زوجك انه جالك وصارحك

الي يقولون لي يجرحك بالكلام ...
على الأقل حاول يوصل لك الي بباله وشكله كان يلمح من قبل ومافهمتي عليه

وعالعموم احسن من الي يسكت وتلاقيه طايح بالعلاقات المحرمه والبنات وهذا انتم كل يوم تشوفون وحده منزله موضوع عن خيانه الأزواج

زوجك مايقول هالكلام الا اذا حاس نفسه محتاجك تكوني جنبه وتعطيه من وقتك علشان يحصن نفسه ومايوقع بالحرام ...

وهذا حقه وهو ادرى بنفسه ...

حاولي تديري الموضوع بذكاء وحنكه وخلي هدفك الأسمى (رضا ربي باني أعف زوجي مو بس انه مايتزوج ) من جد خلي هذا هدفك ومبتغك وطالما صلحتي نيتك بتصلح أشياء كثير معك
وربي بيسهل امرك

ادعي وقولي يارب تعيني اني انظم وقتي وادعي ربي يبارك فيه ..
وترى مايصلح الي تسوي أحيانا انك تنامين عند الأولاد من التعب ..ادري مو بكيفك بس أحس تشعري بالاهمال ..

وعموما أهم شيء حاولي مع أولادك وبتتعبين يوم واثنين وثلاثه واسبوع وبيتعودا بالأخير ينامو بدري غصب..
حاولي وماتملي ,,لأنك حتى لو جبتي شغاله ولادك متعودين عليك..


قليلي من مجهودك قليلا في تنظيم البيت ..لكيلا يداهمك التعب ..
دلعي نفسك واهتمي فيها وطالما انت محتسبه الأجر بيهون عليك كل أمرك
**مره سمعت من شيخ بمحاضره يقول لوالحرمه جلست مده تتزين وتلبس من أجل زوجها لتكون سبب بغض بصره و.. خير لها من تعبدها بمحراب صلاتها بالسنن ..
-----
كلمي وقولي اذا قال محتاج وحده تدلعني قولي حتى أنا وفاقدتك بسبب العيال والشغل أتمنى تتعاون معي ....ودايم أتمنى الليل يجي وأقعد معك برواق انت الغالي وانت وانت ...عاد طلعي كيدك

ونصيحه لاتخلين عيالك أهم منه أبد لأن الرجال تغار ..حتى من عيالها

رجال مالهم امان اطلبي شغاله لو من عند اهلك وبهالفتره دلعيه دلع مو طبيعي وبالاخير ودي الشغاله لاهلك وارجعي ع نفس عادتك واذا قال شي قولي شغاله اهلي واذا تبي الدلع جيب لي شغاله

شوفي دام هذا عذره بس حاولي تسوين جدول لعيلك نظمي نومهم حتى لو تصحيهم بدري عشان ما يجي وقت نوم زوجك الاوهم يبون ينامون وتكشخي دايما وخلك اشيك حتى من وقت الطلعه ورتبي البيت وعطريه واذا جا استقبليه احلى استقبال وخلي وقت لجلستكم وحاولي تكونين رومانسيه بزييييياده ودلعيه اخر دل النتيجهع وكل ليله نومي العيال بدري وسوي لكم عصير او ححلا وشوفي

ياربي ياحبيبي لا تحرم من كل وحده ردت علي من الجنه يا حي ياقيوم والله العظيم ماقصرتوا يا الغاليات بس عندي ملاحظه ..

زوجي من النوع اللي نادر مايطلع من البيت حتى والله العظيم احياناً اتمنى يطلع عشان اقدر اخذ راحتي واهتم في نفسي ياليت اللي عندها افكار رومنسيه بسيطه ترسلها لي عشان اغير من الجو الكئيب اللي احنا فيه ..

انا كان عندي شغاله ولها سنه من راحت وبصراحه يوم كانت كان دايم يتذمر من وجودها في البيت وخاصة انها كانت من النوع الملقوف وسببت لي مشاكل الله يعلم فيها من غير الاغراض اللي لقيناها معاها يوم جت تسافر عشان كذا حلف مايجيب شغاله الا اذا ربي يسر لي حملي وانا من النوع اللي احمل بمنشطات ،حتى والله العظيم امه الله لا يحرمني منها اعطتني شغالتها الاسبوع اللي فات وهي راحت للعمره والله ماصدق امه تجي وهو بنفسه مودي لهم الشغاله قبل يوصلون للبيت يقول تنظف لهم البيت وانا والله طبخت لهم العشا .. لكن الله يغيرحاله للأحسن يارب ..