زوجـي وامــه

الســلام عليـكم ورحمة الله وبركاته
انـا ي بنـات عنـدي ام زوجـي دايم تقعد تدقق في
الصغيره والكبيره وتقعد تقول عيالكم مو متربين
وكلامهم مب زين وانتـي مـره تخربين النعمه
وانتـي تخربون كل شي وتقعد تمـدح خلق الله
وتقول انتـي م تصيرين زي فلانه ماشاءالله عليها
انتـي م شفتي فلانه م احد مثلها وتقعد تحرش
زوجي فيني ويجيني يقول لي نفس كلام امــه
وصاير يدقق في كل شي وصاير عصبـي
أمس كان جاي من برى وانا كنت تو طالعه من عند
امـه قال لـي تعالـي قلت جايـتك قال غيري
القهـوه قلت أمك تقول لا اخـوك بيجيب قهوه
وقام أخذ الترمس وبغى يحذفه علي وحذف به
الجـدار وقام حذف علي المفتاح بس م جاء علي
وراح وانا رحت انظف القزاز اللي تكسر وقَعَدت
وقبل المغرب جاني قال م تحترميني وتقعدين
تراددين لاتكلمنا وهم بالأصل كلمهم ينرفز
اذا سكـت احس يتمــادون علي وإذا تكلمت قالو
م انتـي محترمه وانا والله ي بنات م بقى شي
م احرموني منه الجيران ويقطعوني منهم بسبب امه
ولا أكلم احـد ولا احد يجينا مغير نفسيتي تعبت
وكل يوم يسمعونك كلام يغثك والبارحه نمت بعد
التعب والبكـاء ومع ذَا البـرد وقمت وصليت الفجر
ورجعـت انـام ووقت المنبه عشان أقوم اسوي فطور
ام زوجي وراحت علي نومه وصحيت ١٠ وسويت
حليب وقهوه يوم جيتها قلت وين كنتي قلت معليش
تأخرت عليك ب الفطور قالت تبيني أصوم
وقالت وين كنتي وين طرشتي م انتـي ب البيت
قلت نايمه ونفسها في خشمها قالت واحد بيجيب
لي فطور قلت معليه حصل خير وقمت من عندها
أكيد بتقول لزوجي أني م فطرتها وتقعد تحرش
امـانه لو أنتم مكاني وش بتسوون وعطوني نصائح و
وتشوفون كلمته قوم قالت وين طرشتي عاديه ولالا