فيه ناس سبحان الله يموتون على عيشة الصراخ والنكد سالفتك تشبه نوعا ما لسالفة اختي من ابوي هي اكبر خوانها وامها كانت عصبيه جدا جدا رغم انها معنا ومع الناس طيبه لكن مع بنتها يووه نار والله انو دايم كنا نسمعها تجلدها جلد عالمذاكره وعلى كل شي ولو تجيب الدرجه ناقصه ذبحتها من الظرب وياويلها لو مانتبهت لاخوانها امحملتها مسووليه من وهي صغيره واي شي يقهرها فابوي تحط الحره فاختي اذكر مره ابوي شرى لاخوي سياره بحكم انه الكبير واحنا عيال الزوجه الاولى والله العظيم بغت تنجن رغم ان عيالها صغار محد محتاج سياره الزبده عصبت من ابوي وحطت الحره فاختي وقامت تضرب فيها وتشد شعرها والصراخ يسمعونه الجيران احنا معاد تحملنا وطقينا عليهم الباب وفكيناها منها ومره كنا طالعين منتزه احنا وزوجات ابوي وبيت عمي يعني حريم ورجال وضاع اخوي الصغير اللي من ابوي اخو هالبنت والله العظيم صفقتها تصفيق ورجفتها قدام الناس وهي كبيره بعبايتها عمرها تقريبا ذاك الوقت 19 المهم قامت تسبها وتتفل عليها انتي اصلا ماعليك شرهه يالفاهيه يالبقره وهي مسكينه ماتدري تبكي من الالم والا من الفشيله قسم بالله ما انسى هالموقف تنكدنا بشكل مو طبيعي والحين اختي ذي متزوجه وعندها ولدين لكن مازالت تنفر من امها وماتكن لها اي محبه لو تجي من سفر وتزورهم ماترحب فيها وطول الوقت تشتكي من عيالها وتفشلها مع زوجها ودايم تقول شوفي اختك فلانه كل ماجتنا عبت البيت وانتي ماخذه ولد فقر يعني صارت اول ماتجي تقعد عندنا فبيتنا وترتاح معنا ومع امي لان امي تحبها وترحمها

الله يعوضك بزوجك وعيالك يارب أهم شي زوجك لايدري عن ماضيك مع اهلك وانا ضد الي يقولون قاطعيهم لا زوريهم اولا عشان ربي يرضى عليك وثانيا قدام زوجك عشان مايعرف نقطة ضعفك بس خليك رسميه معهم وحاولي تهدين امك هدايا حتى لو ماتقبلتها ممكن تلين شوي عليك وتصدقي بنيه ربي يهدي امك وابوك وخلي دعاك دائما يارب سخر امي وابوي واخواني وزوجي لي)) الله يسخرهم لك يارب ويردهم لك ردا جميلا

يااااا اخوات الله يسعدكم دنيا واخرة بلاش الي ترد تقتبس الموضوع كامل لانه يتوه الي تقرا وتكثر الصفحات بدون فايدة


ياصاحبة الموضوع ولكل وحده في الردود لقيت متنفس واشتكت من اهلها اقول لها
لاتحزني في قصص اكثر رعب من قصتك وانا اعرفهم ومستحيل يفضفضون لان عارفين مستحيل احد يصدقهم ..لكن قررو ينهو حياة التعاسة ويستمتعو ببقية حياتهم سو زيهم رغم ان حياتهم الحالية ماتخلو من الابتلائات وهذا حال الدنيا .
مايسمحون لانفسهم تتذكر الماضي ابدا ويشغلو فكرهم ووقتهم باي شي مفيد بدل انهم يعيشو يتعذبو في الماضي ..واول ماتجي الذكريات السيئة يسالو انفسهم الى متى اضل كذا ؟ وترى كللل الناس تمر عليهم لحظات حزييينه وفيها موت وفراق احبه وجروح صعب تلتئم ...لكن مادام احنا نعبد رب حي قيوم مايموت ولايغفل عنا ولايفهمنا غلط ولايظلمنا سبحانه فالحمد لله والشكر احنا في خير ونعمه..اماي قلبك بحب الله وحده وبعدها اي نصيحة او قرار تتخذيه اسالي نفسك ربي يرضى اولا ..و اذا يرضيه سويه حتى لو لقيتي جحود ماراح تندمي لانك سويتيه لحبيبك الله جل في علاه
وحاااافظي على زوجك وبيتك ومو معناة انك تذلي نفسك وتنكسري عنده لا بالعكس الشخصية القوية المتفائلة هي اكثر قبول وحظ لانها واثقة بالله سبحانه


الله يحفظك ويفرج كربك وجميع الاخوات الي في الردود اشتكو من اهلهم وكل مظلوم مسلم

انتقلي لمدينه بعيدة عنهم عشان ترتاحين منهم
أهم شيء حياتك وزواجك أن شاء الله يعوضك ربي في عائلتك خير امين

يمكن امك وابوك مسحورين
او امك فيها مس
لانه تفتعل المشاكل وعصبيعه
الله يسخرهم لك ويرزقك محبتهم ورضاهم