استعيذ من ابليس وعيش حياتك طبيعي كوني ايجابيه واصنعي نفسك من اول وجديد وكوني كماتشاءين انتي انسي الماضي وعيشي حاضر مشرق فيه تفاؤل وفرح اصنعي السعادة بنفسك ولا تنظري الي الخلف فهناك ماضي يؤلم ولا الي الامام فهناك مستقبل مجهول ولكن انظري الي السماء وقوووولي يااااااااب فهو رب رحيم 🌹😘

عجزت انام هانت مصيبتي من قريت قصتك
امي كانت تضرب واذا ضربت ماتشوف وش اللي بيدها ابد ضربها خطر
من كبرت عرفت كيف جدي الله يرحمه كان يعاملهم مثل الجيش
وكانت جدتي يضربها وينزل الدم من واسها وياويل اللي يساعدها
ومره واحد من عياله عمره ثلاث سنوات وفيه حصبى والحراره مرتفعه ويصيح الولد قام الله يرحمه طلع الولد بالحوش وسكر الباب وقال ياويل تطلعين له من صار الفجر الولد ميت جعله شفيع لهم
وكان يصحيهم بالمسدس
عرفت ليش امي قاسيه ولا تشوف اذا زعلت
بس ارحمها لانها كانت تعاني وهذا اثر نفسي فيها
واذا هدت اعصابها تتحسف واذا شافت الكدمات عيونها علينا وتتقطع من الندم
واختي الكبيره ماعمرها امي ضربتها تحبها وتحترمها ومعتبرتها صديقتها عكسنا باقي البنات وكانت اختي تساعد امي على ضربي الله يسامحها وتكرهني لان ابوي مدللني من كبرت احتي اللي بعدي صارت تتقرب لها وانا تعاديني من تزوجت اختي الكبيره صارت مثل شخصية امي تضرب عيالها ضرب مبرح والغريبه هي ماجها ضرب ابد
وانا كنت اشوف امي واختي اذا ضربوا عيالهم كنت ادعي اذا ابضرب عيالي مثلهم بقسوه عساني ماجيب عيال
وتزوجت ولا حملت وضاق صدري وتطلقت ورجعت مره ثانيه وزاد همي اتضايق اسمع صراخ وضرب بالاطفال
بس اطبطب على نفسي واسمع صراخ امي على خواتي واقول مايهم تصرخ ولا لا اهم شي ماافقد حسها بالبيت
مااتخيل البيت بدونها الله يطول بعمرها ويسخرها لنا ويسخرنا لها
صحيح انا عصبيه مثلها وكنت انا ويها حرب لان جلدي مات من الضرب وصرت مااحس ابد وكنت اقف وهي تضربني بعصى المكنسه وينكسر على كتفي ومازلت واقفه قدامها ولا تنزل مني ولا دمعه
بعدها خافت امي تصير مثل جدي لان جدي من طاح بفراشه قام يبكي يبي عياله عنده بس يخافون منه
امي بعدها اتغيرت الحمدالله كثير

مهم اولا تبعدين عن اي دعاء شين او لعن
ادعي بالخير لك ولأهلك ولزوجك ولنفسك
وانتبهي اذا الله رزقك بأولاد لا تكررين نفس غلط امك
كوني معهم عطوفه حنونه
اسال الله ان يبدل كل آلامك ومعاناتك الى سعاده وراحة بال .... يارب

الله يهديك يااختي
وشهالنصيحه ،؟؟!
حتى لو امها كافره مايجوز تقاطعها
ممكن تبعد شوي عنها لحد ماعي اختنا تهدا وتستعيد ذاتها وشخصيتها وترجع تعاملها رسمي بالبدايه ومع الدعاء ربي بيهدي انها

عطيناك حلول لو جاده سويها جربي