صباحكم خير
ومبارك عليكم العشر واسأل الله ان يرزقني وإياكن بلوغ ليلة القدر
حابه استشيركم بما ان هالفتره نازله وظايف تعليمية انا بقدم ع جميع المناطق ومن ضمنها الجنوب
لكن زوجي رافض الوظيفة ياتحطين منطقتك او بلاها والمشكله المنطقه اللي انا فيها نقاطها مره عاليه والمناطق الثانيه اقرب لنقاطي
علما اني قبل كنت مااحط المناطق البعيده ورافض الا درجة يا انا يالوظيفه
و زوجي الراتب يادوب يكفي الاساسيات الحمدالله يعني سفر ووناسه وكماليات يبي لها جمع ميزانيه ولامصروف ولاهم يحزنون
وصراحه ودي اتوظف واحقق اللي نفسي فيه بس مره مافيه مجال معه والوظايف الفتره الاخيره بالقطاره
اقنعته اغترب مع معلمات لكنه مره معقد من ناحية هالامور
شورو علي اخاف احط وتجيني وانا جد ابي الوظيفه وهو واقف لي واحيانا اقول الحياة ماتوقف ع احد

عبق القهوة @aabk_alkho
عضوة نشيطة
يلزم عليك تسجيل الدخول أولًا لكتابة تعليق.

انا عني وظيفتي ما اقبل احد يساومني فيها
وش الفايده تعبت سنوات عشان اخليها ديكور
انتي وضعك استخيري
وفكري زين لو زعل وانفصلتي لاقدر الله او تزوج عليك
انتي قد الموقف وقد قرارك والا بتجلسين تندبين حظك وليت وليت
والا توظفتي وعزيتي نفسك وسفره وتحققين ذاتك ومن نجاح الى نجاح واقل راتب ٨ الالاف اتحدى زوجك يعطيك نصه بالشهر
وانتي تقولين راتبه مايكفي يعني ليته معيشك زين تقولين لا مكتفيه
الزبده كتبت لك الاحتمالات كلها وانتي اللي تقررين
والله يكتب لك الخيره
وش الفايده تعبت سنوات عشان اخليها ديكور
انتي وضعك استخيري
وفكري زين لو زعل وانفصلتي لاقدر الله او تزوج عليك
انتي قد الموقف وقد قرارك والا بتجلسين تندبين حظك وليت وليت
والا توظفتي وعزيتي نفسك وسفره وتحققين ذاتك ومن نجاح الى نجاح واقل راتب ٨ الالاف اتحدى زوجك يعطيك نصه بالشهر
وانتي تقولين راتبه مايكفي يعني ليته معيشك زين تقولين لا مكتفيه
الزبده كتبت لك الاحتمالات كلها وانتي اللي تقررين
والله يكتب لك الخيره

انا مع الوظيفه ولكن اذا الموضوع فيه اغتراب و تشتت وعدم استقرار فالصراحه انا ضد هذا الشي
الله يرزقك بالوظيفه اللي تتمنينها وتكون قريبه من بيتك من غير اغتراب وساعات العمل تكون معقوله ماتاثر على حياتك الزوجيه
الله يرزقك بالوظيفه اللي تتمنينها وتكون قريبه من بيتك من غير اغتراب وساعات العمل تكون معقوله ماتاثر على حياتك الزوجيه


الله يسعدكم اللي رديتو مُمتنه للطافتكم 💜
وفيه وحده تقول انتي ادرى صحيح انا ادرى بزوجي بس انا حطيت موضوعي للإستشاره وتبادل الاراء خصوصاً ان فيه كثير يمر بنفس موقفي حطيته لان فيه بنات مرو بهالتجربه وعاشوها عادي ينقلون تجربتهم عشان انا استفيد وغيري يستفيد
اسأل مجرب ....
وفيه وحده تقول انتي ادرى صحيح انا ادرى بزوجي بس انا حطيت موضوعي للإستشاره وتبادل الاراء خصوصاً ان فيه كثير يمر بنفس موقفي حطيته لان فيه بنات مرو بهالتجربه وعاشوها عادي ينقلون تجربتهم عشان انا استفيد وغيري يستفيد
اسأل مجرب ....
الصفحة الأخيرة
انا من رايي امشي وراى عقلك وهذا الموضوع بيخصك مارح تستفيدي من الاراء الي هناء الي بتقولك اهم شي وظيفتك والي بتقول بيتك اهم
انتي ادرى بوضعك وبقرارك
يارب يكتب لك الخيره