حبيبتي ندوn ..
ايش طريقة الاقامة الجبرية هاذي ؟؟ بيكرهني ما بيحبني بعدها .. رسالة ؟؟ وطويلة بعد!!!!
خله يستانس .. يسافر يغير جو .. وإن لف ودار .. ما راح يلقى أحلى من سكان هالدار .. داري :)


عروستي الحلوه (أحلى عروس)
شكلك يقول توك عروس .. ألف مبروك ..
والحركة حلوه .. بضمها لشنطة زوجي السفرة الجاية :)
أتمنى لم حياة زوجية سعيدة .. ويا ربي جعلها دنيا وآخرة من السعادة ..

اختكن/ زعفران

السلام عليكم :26:
مشكوره اختي زعفرانه على موضوعك الحلو مثلك ضحكت يوم قرأت عن قميص النوم لاني بصراحه عملت حركتك بس مو يوم سافر ارسلتها هديه بعد سفره بمده شريت له عطر حلو+ صور يوم العيد لفلذه كبدي + رساله كلها شوق +الاهم قميص النوم مبخر ما اعرف كيف جتني الجرأه لكنها حصلت وكانت ناتئجها اكثرررررر من رائعه فرحت من فرحه :27:
اما عن الشنطه فأكيد كل لاوزمه لكن من الحركات جبت ورقه وقصصته الى مربعات متوسطه كتبت في كل ورقه كلمه مثل: احبك - مشتاقه لك.....إلخ وحطيت كل وحده بجهه وحده بجيب بنطلونه المفضل ووحده بقميصه
وكمان لها تاثيرها القوي كان كل ما يلاقي ورقه يرسل لي مسج يقول لي كم يحبني:24:
غير الدخون اللي يفوح من ثيابه يخليه غصب عنه يذكرنا
وسوري عالطاله

الله حركااااااااات رايقه انا دايما احط رساله مكتوب فيها مشاعري ........

ومشكوورين على الحركاااااااات الرايقه:26:

أماانا يوم كان رايح لامريكا حطيت له رساله في شنطته بس للاسف شافها قبل يسافر

(0 راحت المفاجاه ) بس لحقت عليه قبل لا يفتحها وحلفت مايفتحها الا اذ وصل الفندق وبغى ينام فانه يقراها 00 كنت كاتبه كلام حزين أذكره بي وبأوقاتنا الحلوه مع بعض وكيف طاوعه قلبه يروح ويخليني 000 طبعا هو رايح عمل بس تخبروني :32:00 المهم نام هذيك الليله حزنان يابعد قلبي :(( أبوك ياالحركات ) ههههه

أخواتي الحبيبات في الله ..

نبض الحنان
قرية التوت، و
مشاعل

حياكن الله .. تبغون عاد الصراحة لليوم من بعد رجعة زوجي من السفر وهو هيمان .. مع إنها حركات بسيطة وما تتعب الواحدة فينا .. بس السر فيها (المشاعر الحقيقية) .. يعني لازم تكون مشاعرك حقيقية وصادقة علشان توصل له .. أما علشان الحركات بس ... فهذا لا يفي بالغرض .. ولكن ما من ضرر من المحاولة لعلها تجدي أو تجيب منفعة ويتحرك .. وتتحرك مشاعره تجاهك .. التجديد مطلوب .. يا حلوات .. في جميع الأوقات ..

زعفران