شفت العجب @shft_alaagb
محررة
زوجك حبيبك كيف شفتيه وش رايك فيه
مساء الخير بنات حواء على طول دايركت على الموضوع ماحب المقدامات اقصد مااعرف مقدمات طويله== زوجك حبيبك كيف شفتيه وش راك فيه- هذا موضوع يمكن واكيد انه مكرر بس حبيت نفرفش ونفس الوقت يستفيد الي مابعدتزوجن لانه فيه كثير اعجبهن ازواجهن وبعد الزواج اكتشفن شي ماتوقعنه والعكس فيه حريم مااعجبوهن ازواجهن وبعد الزواج حبت الارض الي يمشي عليها ودي كل وحده تكتب كيف شافت زوجها وش المناسبه وهل اعجبها وهل استمر ام تغير بعد الزواج هالاعجاب ونفس الشي الي تزوجت وهي مااقتنعت او ماحبت زوجها هل اعجبها وحبته بعد الزواج والمناسبه هل هي صدفه ام داريه انها بتشوفه ابي كل شي يكتب مضحك =محزن الله لا يجيب الحزن = طريف =غريب= كما قلت موضوع للفرفشه والوناسه والاستفاده مع بعض = ويالله انا ابدى :icon28::icon28::icon28:انا ياطويلات العمر زوجي ولد خال امي ولاعمري شفته هو واهله بحياتي كان الحدث قصدى شوفتي له بعطلة الربيع كنا طالعين لمزرعة ابوي وكان بيتهم قريب من مزرعة ابوي وابوه عازم ابوي على كشته ورحنا لمهم وخبركم الكشته يصير كل شي على المكشوف ويوم جاء الغدا جاء ياخذه وقعد يغرفه هو وخواته قدامنا وصراحه اعجبني مره وعمري مافكرت انه بيصير زوجي بالمستقبل لانه كان خاطب بنت خاله وسبحان الله يوم جاء موعد زواجه تهاوشوا هم واهل خطيبة وعلى طول خطبني والحمدلله الى الان رااضيه وعاجبني الى الان== عاد ابي تفاعلكم وردودكم المضحكه والفرفوشه نبيها فله ووناسه ولا تخلوا من الفايده
0
757
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️