زوجك خانك وحرق قلبك ....تعالي اقولك كلمتين

اخواتي هذا رد كتبته لاحدى الاخوات وحبيت انزله بموضوع مستقل عشان الكل يستفيد

دايما اقرأ بالمنتدى اخوات يسألوا عن اسباب الخيانه
او ايش الموقف اللي تتخذه اللي يخونها زوجها
هذا غير الدمار النفسي اللي يسببه لها وبعضهم توصل انها تطلب الطلاق
لانها ماتتخيل انه بعد تفانيها وصبرها وعطائها يجي بكل سهوله ويخونها


حبوبه تذكري ان الزوج الخائن قبل مايخونك خان ربه ماخانك
ووش اعظم من هذا
وش اعظم من انه مايستحي من نظر الله اليه وهو يرتكب المعصيه
شي واحد تخافي منه ومو غيره
لا تخافي عليه ولاتنقهري
بس ذكريه انه ارتكب معصيه بحق الله وسيمحق الله البركه من بيته وماله
قال احد السلف
اني لأعصي الله وارى ذلك في زوجي ودابتي
من المحزن انه انه يهوي بنفسه وبيته للحضيض عشان لذة ساعه

ولازم تفتخري بنفسك انك انسانه مخلصه ووفيه وتخافي الله وما حتردي الاساءه بمثلها
وانتي ماتملكي للزوج الخائن الا الدعااااااااااااااااااااااااااااء بالهدايه وبس
واذا كنتي تحبيه اجتهدي بهالدعاء
ولا تفكري بنفسك كبريائك لانك ارقى بكثير من اللي سواه



حبيبتي الرجال عيونهم فارغه ومايمليها الاالتراب
الحرمه تتعب نفسها شوفي العروس كم تدفع فلوس ومجهود عشان ترضيه
والنفاس تخلص الاربعين وتدهر بعمرها عشان ترضيه
ويجي من سفر والحرمه شغاله مفاجأآت عشان ترضيه
وهمها الاول والاخير انها تملي عيونه جعلها الرمد
حبايب
الرجال لوما خان راح تزوج وحرق قلبك قال ايه قال الدين اجاز اربع وهو وحده تخب عليه
واللي حرمته موناقصها شي نظيفه ومهتمه بعمرها ويروح يخونها ومع مين؟
مع الخداااااااااااااااااااااااااا ااااااااااااااامه
اللي طول الاسبوع بقميص وايشارب على شعرها والله اعلم العفن اللي تحت الايشارب
ولا عطر ولا شي ويادوب مزيل عرق وياليته يغطي
ومن يوم ماوصلت عمرها ماطلبت موس حلاقه يعني كدش كديش
الله يقرفهم
وياليتها نزوة ويوم ولا يومين لا
يكييف الين تكشفه مرته
وان دل هذا الشي مايدل الا عن
دناءة الرجل


وابدا مالوم المراه في خيانة زوجها
ومافيه اي مبرر للخيانه الزوجيه
لان لو فيه خير يصارحها ويتقرب منها
لو فيه خوف من الله مايتردد انه يقول لحلاله ايش يبغى وايش ناقصها


ضعف الوازع الديني والبعد عن الله هو السبب


الحل::::::


انه كل ماحرقك قلبك لما تفتكري خيانته
تذكري انه اغضب الله قبل ان يغضبك وارتكب اكبر الكبائر
تذكري انه ومن زنى بها حطب جهنم
تذكري انه ظلمك والظالم عقابه في الدنيا قبل الاخره



حسبي الله ونعم الوكيل على كل خائن





الى كل امرأه عانت وذاقت مرارة الخيانه :
انت افضل منه عند الله وسيقتص الله لك مايفعله خلفك
انت الطاهره العفيفه الحافظه لفرجك وبيتك وجزاءك الجنه باذن الله
لا تخلي خيانة زوجك تفقدك ثقتك بنفسك وتاكدي ماخانك الا لنقص فيه وانه غير قادر على اسعادك
لا تخلي خيانته باب للامراض النفسيه يفتح عليك
صدقيني لو تخيلتي انه في الوحل وانه انسان منحط مايستاهل دمعتك ولا حرقة قلبك
راح تهون خيانته عندك

لو اهتميتي بنفسك او سويتي شي فحياتك اجعليه لك انتي وبس مو عشانه
واطلبي رضى ربك هو الاولى ان تنشغلي بطلب رضاه
واذا رضى عليك رب العباد ارضى الناس عنك
زوجك اذا خانك خلي حياتك ماشيه زي ماهي
وتذكري انه واجهه اجتماعيه وبنك متنقل لك استنزفيه قد ماتقدري
انتي اولى بفلوسه الله يصلح قلوبكم هذا بس في حالة اذا عفتيه
لا تفكري بالطلاق ابدا


اللهم انزل على قلوبهم بردا وسلاما ورضا وامانا
وارزقهم ذكرك وشكرك وحسن عبادتك

اخواتي اللي مايعجبها كلامي ترى هذا مجرد رأي والرأي لايفسد للود قضيه
اتقبل النقد البناء اثراء الموضوع بما يثلج الصدر
لان الخيانه امر آآآآآآآآرق الكثير منا :26:


ياليت كل وحده تدخل تمرن اصابعها وتسوي رفع للموضوع
الله يشرح صدوركم وينولكم مرادكم