زوجك خاين وقدرتي تسيطري على مشاعرك !طيب اهتدى وترك هذي الخيانات تعالي علمي المجروحة!؟

سبحان الله وبحمده سبحان الله العظيم


يااااااااااااارب.....

سخر لنا ازواجنا واولادنا......

اللهم لا تجعل لازواجنا نظره او شهوه او رغبه او فكره في اي انثى لا بحلال ولا بحرام.....

يارب اني استودعتك زوجي واولادي اعينهم وسمعهم وبصرهم وايديهم وارجلهم وفروجهم والسنتهم.....

اللهم ابعدنا واياهم والمسلمين عن الحرام...... وزوجي عن الحريم حلالهم وحرامهم.........

اللهم اجعلني اعظم واحلى نساء الكون في عينيه.......

اللهم اجعلني كالحور العين في عينيه....

اللهم لا تقم له شهوه في الحرام ولا في حلال غيري يارب العالمين............

يااااااااااااااارب لي ولاخواتي المسلمات

(ربنا هب لنا من ازواجنا وذرياتنا قرة اعين واجعلنا للمتقين اماما)


هذي دعواي دوم..............

ااااااااااااه قلبتي المواجع اللي بقلبي
بصراحه كانت ردة فعلي قويه لأني مثل كل الخوات ما توقعت هالشئ نهائيا
ولميت اغراضي وعيالي ورحت بيت اهلي لكن للأسف بعد يوم واحد رجعت لأنه اهلي وبالأخص امي
ما خلت احد بالعائله وقالت انه خان حرمته وزنا وغيره وانا زوجي المصون بس تلفون
ورجعت بخاطر وقلب وعين مكسوره مع انه اخوه كان يكلمني واهو اكبر عن زوجي واهو مربي زوجي لأنه ابوه متوفي وهو صغير
فأهو بمثابة الأب لي انا بعد وكان رافض اني ارجع لأخوه كان يرديه يتربى وما ارجع بسهوله لكن صار اللي صار
وعشت بهم ومراره ما يعلمها إلا ربي ودعيت وبكيت واااايد وصارلي سنتين حاليا
بكل امانه مقدر اقول توقف عن خيانتي لأني ما اعلم بشئ لأني طنشت وقاعده اطنش ولا افتش وراه ومحتسبه الأجر عند الله سبحانه وتعالى وما افكر بغير عيالي هم اكبر همي واهو يوميا يسمعني كلام الحب والمسجات وغيره لكن ما عدت اوثق او اصدق اي كلمه مع العلم اللي كان يكلمها انا كلمتها وكانت تقولي زوجي المصون من البدايه قالها بالصريح انا متزوج وعندي ولدين وزوجتي احبها واموت فيها وانت للتسليه اذا موافقه اوكي اذا لا من البدايه اختصري المشوار اهي تقولي انا وافقت لأني انقهرت وبغيت ايب راسه لكن ما قدرت كان طول ما يكلمني يسولف عن جمالك ودلعك واهتمامك فيه وفالعيال لكن هالكلام ما شفعله بقلبي الخيانه خيانه اذا حاب يتسلى يتسلى معي انا الأولى فيه لكن ما اقول غير الله يسامحه ويجعله ذخر لعيالنا
والله يعوضني عوض خير يا رب
هذي تجربتي مع الخيانه المؤلمه

الله يصلح الاحوال

موضوع مهم لكل متزوجه ............

اييييييييييه فعلا قلبتي المواجع

انا لي 15 سنه متزوجه وزوجي علي هالحال مكالمات ويرسل لهم فلوس

ترجيت بكيت وهددته بالفضح

بجي يتاسف ويراضيني بكم كلمه ويحلف انه مابعيدها ولا يسويها ثانيه بس بالكثير سنه والاقيه مع وحده ثانيه والقهر انها مغربيه حيوانه الله ياخذها

واخر مشكله لي كانت قبل يومين لنفس السبب طلبت الطلاق ولميت عفشي بروح بيت اهلي
لاني تعبت بس المشكله عيالي خفت عليهم يضيعون وتضيع ثقتهم بنفسهم

والمشكله ايش العذر اللي راح تقولين لهم وحتي بعد عشرين سنه ماتقدرين تقولين ابوكم كان كذا
لانك تبغين ابوهم في نظرهم رجل صالح ماودك تكسرين صورته

فلعشان كذا رفعت يديني للواحد الاحد اللي عينه ماتنام ودعيت في يوم الجمعه المباركه ان الله يكفينا شر هالبنات

ولما شفافني زوجي ادعي وابكي جاء وتعذر وحب راسي وحلف انه مايرجع لهالامور بس اانا عارفه انه سنه بالكثير ويرجع

تعرفين وش يقهرني زود لمايكون بخيل ويغازل صدق شين وقوي عين

بس وش نقول وهذا الكلام قلته لزوجي
الله لايحللك حيه او ميته علي كل خيانه سويتها معي سواء في التلفون او في النت

وحسبي الله وكفي