السلام عليكم ورحمة الله وبركاته
كتبت الموضوع وطار قبل اعتمد :angry2:
بس يلللا نرجع نكتبه لعيون الامورات
......................................................
بكتب لكم نظام بسيط ومريح ممكن تسوينه لزوجك واذا انتي مليانه سوي معه :icon28:
...................................................
اول خطوه في البرنامج تنظيف الجسم
وهالخطوه تكرر كل الايام والمفروض تستمر مدى الحياة
اللي هي شرب ماء ع الريق (( ماء عادي لا حار ولا بارد ولا دافي ))
المهم شرب اكبر كميه ممكن اقلها كاس واكثرها 5 كاسات
تبدا من اول الاستيقاظ الى قبل الفطور بربع ساعه
واللي بيلتزم في هالخطوه بيتنظف جهازه الهضمي وبيدعيلي
وافضل شي 4 اكواب ماتشرب دفعه واحده تكون ع دفعات من يصحى من النوم
.................................................
الفطور
(( اول وأهم وجبه والمفروض ماتتكنسل ابدا مهما كان ايام شغل او ويكند ))
يتكون من :
شريحتين توست محمص (( التوست المحمص اقل سعرات)) (( والاسمر افضل من الابيض علشان الالياف))
+
شريحة جبن قليل الدسم أو ملعقتين لبنه أو ملعقة عسل أو بيضه مسلوقه او شكشوكه بالتاوه تيفال بدون زيت وتقليل الملح (( وافضلهم البيض لانه يرفع الحرق غير فوائده ))
+
شرايح خيار وطماطم
+
شاي او قهوه عربيه او تركيه بسكر خفيف (( لا تستخدمون سكر الدايت وخففوا من السكر لحد ماتشربون مر عادي))
.................................
ولا تنسون يافنانات تزينون الاطباق علشان يتعدل مزاج اللي يتبع النظام وتنفتح نفسه للفطور :p
ـــــــــــــــــــــــــــــــــــــــــــــــــــــــ
الغداء ..
السلطات اهم نقطه في الغداء كثري منها وتفنني وشكلي فيها وكل انواع السلطات مسموحه طبعا بدون مايونيز واضيفي لها ملعقة زيت زيتون
+
اللحوم دجاج غنم سمك .... طبعا افضلها واخفها السمك وضروري يكون ع الغداء مرتين بالاسبوع ع الاقل
الدجاج واللحم يسلق ويحمر بالفرن وبكميه معقوله يعني كل شخص يحسب له ربع دجاجه فقط
+
الرز - المكرونه ... بمقدار 10 ملاعق فقط وممنوع الاكل بصحن يغرف كل واحد اكله بصحنه ويحسب
وماننسى تزيين الاطباق والتفنن بالتقديم :p
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وجبة العشاء ...
راح تكون وجبه خفيييفه علشان ننام خفيفين
فيه خيارات كثيره ..
فواكه وممكن تنعمل سلطه وبأي كميه
أو
زبادي وخيار وبأي كميه
أو
سلطه مع تونه او قطع دجاج مشوي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
انتهى نظام الاكل
وضروري يكون فيه مشي نصف ساعه يوميا او 5 ايام ع الاقل بالاسبوع
بالنسبه للقهوه والشاي خلال اليوم مسموحه بس بسكر خفيف
والتمر مسموح الى 3 تمرات مع القهوه
ومع الشاي حطي خس :22:
وبعد شهر بيكون نازل 5 كيلو بإذن الله
وبالتوفيييق
حلو النظام بس اهم شي هو يكون عندو إراده لآن لو ما عنده ارادة راح ياكل برا ولا كانك سويتي شي :42: