واعجبني كثييير بحكم انه سرد لتجربه وحل..
لعل وعسى الكل ينتفع منه..
لاتنسونا من خالص دعواتكم..
اذا كان زوجك فيه اي عيب...مهما كان مهما صار بينكم..مهما كبرت المشاكل
أقدم لك هدية بسيطة كفيلة بإذن الله انها تنهي كل ذلك..
أنا هنا أكتب من واقع تجربه عشتها مع زوجي.....ثلاث سنين من التنافر والخلافاتى وانواع الجروح والاهانات............كل عيوب الدنيا كانت فيه:
الصلاة في البيت والعصر يصليه مع المغرب
يحب يطلع من البيت ومايصدق يلقى فرصة للخروج
يتاخر لدرجة انه ممكن يجلس ست اوسبع ساعات برا
اذا رجع يا ينام يا يطالع ام بي سي 2-او فور - وقناته المفضلة روتانا سينما
وانتم اعرف ببلاوي هالقنوات؟؟؟؟؟
عصبي
غيور جدا جدا
منغلق
يحب التحطيم
ثقافته اي كلام كل ما اساله عن شي يفغر-واذا كان مرة مثقف قال مدري..
هوايته الضرب...والله عليه كفوف تخلي البيت يدور
مايحب يكشخ لي ابدا ابدا ابد..واذا مرة كشخ لبس لي ثوب بدون شماغ..
المهم "خليتوني اغتابه وانا صايمة"سبحانك اللهم وبحمدك اشهد ان لا اله الا انت استغفرك واتوب اليك
يعني مافيه حيلة_ولابه امل_وعكسي تماااااااااااااااااااما
عانيت الين ربي من علي بالدواء لكل ماسبق من بلاوي
وانا هنا اخص هالمنتدى الحلو بتجربتي لاني والله احب لكم الخير من قلبي
وحاسة بكل متزوجة زوجها غثيث
الحل والدواء يالغاليات هو:
1)الاستغفار(والله العظيم اني شفت العجايب من الاستغفار-احاول كل ما اذكر استغفر مايهم كم العدد المهم قد ماتقدرين)
2)سورة البقرة(يابنات عجيبة هالسورة_لها اثر فوري جدا ومن اول جزء حسيت زوجي تغير 180 درجة)حاولي كل يوم تقرأين جزء وترى مو صعب الجزء يمكن ياخذ منك ثلث ساعة بالكثير-وحاولي بعض الاحيان تقراين وزوجك موجود عشان يسمعك ويحس ويستحي على دمه ويقرا هو بعد
ترى ياحلوات هالسورة عجيبة عجيبة عجيبة
3)الرواقة:خليك طوال اليوم رايقة-عيشي حياتك...اصحي متى ما صحيتي بدون منبه ولا خرابيط"الا اذا فيه موعد صلاة"افطري احلى فطور-افتحي التلفزيون على اي قناة فيها برنامج يفيدك-سحبي ارجولك في المشي"بس اذا جاء زوجك زيدي الحركة شوي لا يقول زوجتي عجوز
"البسي احلى ملابسك وسرحي شعرك بطريقة عفوية تمايلي قدام المرايه واضحكي لهالوجه الصبوح"يازينك"
دلعي عمرك-خلي زوجك يحس انك عايشه كأنثى طليقه
مو عبده تحت رجوله..او انك ماتتزينين الا على شانه..
لاااااااااااااااا تزيني وتدلعي لانك بالاصل انثى والله خلقك تحبين تدلعين عمرك
نشدي وانت تطبخين او تشتغلين حتى لو صوتك شين يمكن يحلى مع الايام
ويمكن يعجب زوجك...حتى لو ما اعجبه نشدي ولا عليك منه...اصلا يخب عليه صوتك الحلو...
حاولي تستفزين زوجك بالمزح حتى لوثقيل___
غصبا عليه يقبله هو ووجهه
اذا عاب زوجك شي فيك قولي له اتحدااااااااااااااااااك تلقى فيني عيب..تحديه من جد وخلي جملتك واثقة...واذا عند معك وطلع عيوب الدنيا اللي فيك قولي له:"ما لقوا في الورد عيب قالوا له ياأحمر الخدين"
ترى قوية هالعبارة وتسكته لو طول لسانه مترين
ولو قال ذوقك مو حلو بأي شئ..اعطيه ضحكه فيها كل الشموخ ولاتوضحين له انك
انكسرتي من كلامه وقولي له: طيب انت اخترتني ياحلو
وانا اخترتك من بين كل اللي طقوا بابنا
لو عصب عليك..صدقيني بيحفظها براسه..
اذا طلع عيب في اكلك قولي له وش عرفك باصول الطبخ الايطالي؟؟يعني اي طبخة تخترب قولي له ايطاليه لان الاكل الايطالي كله بهار وملح ومعجون على بعضه
الرجال بطبعهم مهايطيين ويموتون بشيء أسمه مدح يعني لو لبس شيء جديد مثل نظاره شمسيه قولي (لكن من دون شفاحه) : الله حلوه عليك وتناسب وجهك خلني أصورك وجيبي الكميرا أو الجوال (والله يتقطع من الفرحه) وصوريه....وأستمري بمدحه لكن من دون ماتكونين سخيفه أو غبيه يعني أمدحيه وكأنك ماتهتمين( يعني لا تبتسمين) صدقيني مع الأيام بلين
المهم روقي عمرك
الدنيا ماتسوى
خلي الابتسامة ميزتك
اكشخي لنفسك قبل ماتكشخين له
تفائلي دائما..وخلي املك باالله كبير
ولا تسوين ذكية وعصبية وعلى بالك كوندليزا رايس على غفلة
المهم طولت عليكم بس تلخيص كل هالهذرة:
الاستغفار+سورة البقرة+ذكرالله+الرواقة والاخلاق= حياة سعيدة باذن الله
:26: