السلام عليكم ورحمة الله وبركاته
موضوع جميل ماشاء الله لدرجة أني كنت داخلة المنتدى لموضوع آخر مهم لكن شدني هذا الموضوع جدا لأن عندي نصايح ودي أوجهها للأخوات العرايس الجدد وأسأل الله أن يتقبل مني ومنكم ولا تزعل الأخوات اللي ما رديت وان شاء الله يكون في ردي هذا فائدة للجميع .


الأشياء اللي يجب أن تعودي زوجك عليها في البداية مع الإستعانة بالله لأنه هو الهادي سبحانه واللا لو تموتين من المحاولات بدون الإستعانة بالله ماراح يهدي لك زوجك .

المهم : نصحتني وحدة من الأخوات أني أكون مع زوجي دائما وإذا عرض علي الخروج معه ألا أرفض وذكرت لي قصة وهي أن احدى الزوجات كان زوجها طبيعة عمله السفر الدائم وكان يريدها أن تسافر معه لكنها كانت ترفض وتتعلل بالأطفال وما أن يسافر حتى تذهب الى بيت أهلها ( ياسلام مافيه أحلى من جمعة الأهل والأخوات ) المهم بعدين لما كبروا العيال وتفرغت له صارت تقول له خذني معاك ... قام هو يرفض ويقول لها لما كنت محتاجك كنت ترفضين والحين لما تعودت أسافر خفيف تقولين لي بروح معاك ... لا ... وصار يسافر لوحده مع الأسف ..


النصيحة الثانية : في حملي الأول وكنت عروسة جديدة وصغيرة لما تعبت في الشهر السابع رحت عند أمي واعجبتني العقده عند أهلي وقلت لزوجي خلني عندهم ( حتى أفتك من شغل البيت ) وهو مسكين ما قصر وافق .. لكن أختي الكبيرة الله يجزاها الجنة لما اتصلت على أهلي ورديت عليها قالت لي : ليش قاعده هنا وتاركه زوجك ؟ قلت لها تعبانة وودي أرتاح كم يوم .. قالت لي : لا روحي لبيتك ولا تتركين زوجك وان شاء الله جايتك فترة النفاس وتقعدين عند أمي بس الحين زوجك لا تعودينه يقعد لحاله أبد .... الله يجزاها الجنة قولوا آمين .

النصيحة الثالثة كنت ذكرتها في موضوعي القديم ( القواعد المفيدة للعروس الجديدة ( لا يفوتكم لأن فيه مشاركات ممتازة من الأخوات الله يجزاهم خير ))
المهم نصحتني أمي الله يجزاها الجنة ويشافيها يارب أني أشجع زوجي على ممارسة هواياته داخل البيت حتى لو كانت ما تعجبني وأتحمل أي شيء يفعله لأن الزوج إذا ما ارتاح في بيته سيبحث عن الراحة في أماكن أخرى .. وذكرت لي قصة وحدة زوجها كان يحب النجارة وكان يوسخ الحوش من الخشب والمسامير وكانت تتأفف منه حتى ترك هوايته وصار لا يجلس في البيت أبدا وتعرف على أصحاب سوء .. نسأل الله العافية والسلامة .

هذا ما عندي اليوم يا أخواتي وسامحوني إذا كتابتب مو مرتبة لأني كتبتها بسرعة ..
بس أطلب منكم طلب إذا تذكرتوني أدعو لي بالشفاء العاجل وجزاكم الله خير .




0

انا كمان اقول انة هالمقولة صحيحيه90% اذا تعود على ابسط شى فنجان القهوة الصبح وقعدتي فترة ما تعملية يثور فيكي وهكذا لذلك يجب ان ناخذ الرجال بالتراضي وشوى شوى بنعودهم على الاشياء الى بنحبها والى هوة كمان بيريدها طعا ضمن رضى المولى عز وجل

ام يحيى اذا صدق ماتقدر تروح الا بزارينها وماعندها احد يمسكهم شو بتعمل لهم وماهي الطريقة الزينة لسفر

حلوووووووووو الموضوع

خلونا نستفيد منكم يالمتزوجات عشان يوم انعرس انطبق


شو الاشيا اللي انعودها عليه وشو اللي ما نعودها ؟؟؟؟؟

أنا رايي انج ممكن تعودينه على اللي تبينه بس اللي صعب بل المستحيل انج تحاولين تنسينه العادات اللي تعود عليها ...