أبي أضيف كم اضافة
ما يمنع كل الكلام اللي قلته قبل اني صرت زنانة من تزوجت(لأن فعلا هذا اللي ينفع مع زوجي)

وبرضو أحب اقولك اني استفدت كثير من كتب الشخصية
واقصد كتاب بوصلة الشخصية
واكتشفت ان زوجي شرقي وأنا غربية(وهذا أصعب شي لكا يكون الزوجين ضد بعض)
بس هالكتاب وضحلي ان الطريقة اللي استخدمها للاقناع يمكن تجيب عكس النتيجة
لأن تفكيرة عكس تفكيري
كمثال: أنا أحب التغيير والتجديد وهو يحب الروتين والتراث)
وهالكتاب يعطيك طرق للتعامل مع كل شخصية
وطرق تقدرين فيها تعدلين من شخصيتك انتي بالاول

وذكرت شي بعد
سمعت مرة محاضرة(ماسمعتها كلها)
بس كان يتكلم ان فيه انسان ابتعادي وانسان اقترابي(أحس الغربي اقترابي والشرقي ابتعادي)
والدرجة تختلف بين انسان وآخر(لكن في كل انسان شوية من الصفتين)
فمثلا أنا ذا شفت بنتي ترقى على الكنب وتنطط
اقول رياضة واكتشاف ومغامرة
زوجي أول شي يقول لاتطيح وينزلها
والمدرب حق المحاضرة قال المفروض نعامل كل شخص بهالطريقة
يعني حرمة تبي زوجها يشتري سيارة لولدها اللي توه مراهق
كيف تقنع زوجها؟؟؟
اذا كان ابتعادي تقوله:خل نشتريله سيارة عشان مايتأخر في المدرسة وانت تعرف البلاوي اللي في المدارس , وعشان مايصير يركب مع اصدقائة اللي ماندري عنهم صالحين أو طالحين, ومن هالأشياء اللي تخوف....هذا بسرعة بيركض يشتريها
واذا كان اقترابي تقول له: خل نشتري له سيارة يكشخ عند ربعة, ويصير يودينا لمشاويرنا وتفتك مننا, واللي يتعلم وهو صغير يصير خبير, ومن الأشياء اللي تقرب ...من بكرة السيارة عندهم


لا تنسينا من الدعاء
والموضوع حلو ومفيد وتبادل خبرات أتمنى يثبت

أكيد يالغالية نورت صفحتك زي ما إنتي أضأتي صفحاتي بردودك وترى غاليتي رديت عليكي لتساؤلك وبالتفصيل في أخر ردودي ومن الممكن تسويله كوبي إذا عجبك وتنقله على موضوعك للإستفادة .
وأنا أرجع وأرجح إنه مافي أفضل من الدعاء كي يكون زوجك كما تريدين ويريد دينك وعقيدتك ولنكن مع الله ليكن الله معنا جميعا .
تقبلي مروري ولكي مني فائق الإحترام والتقدير وأعتذر للمرة الألف لتأخري على الرد.
وعلى فكرة ردود الأخوات رائعة وفيها الكثير من الخبرة والإستفادة خاصة أختي سعودية فخورة نفتخر بوجود عقلية رزينة مثلها بارك الله فيها ووفقك وإيانا.:26::26::26:

ماشاء الله عليك يااخت سعوديه فخوره 0

كلامك جميل 00 الله يعطي كل وحده اذكرت مواقفها

الصحه + الهدايه + التوفيق + الذريه الصالحه + الزوج المخلص + الجنننننننننه

على حسب نوع الزوج ونوع الطلب ياديول
انا زوجي احيانا ينفع معاه الترجي واحيانا الدلع
واحيانا التمسكن واحيانا ولاشي مهما حاولت!!
زي سالفة النادي الرياضي رافضها مرررره وعجزت
اقنعه..مع ان اختي مشتركه بالنادي بس من غير فايده
بس الحمد لله هو احيانا يتراجع عن رايه بنفسه..يندم
الله يسخرهم ويهديهم ويفرج همي ونرجع زي اول واحسن