(زوجك على ماتعوديه وابنك على ماتربيه مثل لاخواننا المصريين(للمقبلين على الزواج)

السلام عليكم ورحمة الله وبركاته مساء الخير/صباح الخير على الجميع:)

أولا :احب اشكر المنتدى لسماحه للانظمام لكم كعضوه وهذا أول موضوع لي :icon28:تلمح تبي تشجيع
ثانيا :انا ماتزوجت ولكن موضوعي أتمنى جميع البنات الحلوين يطبقونه لاني ماكتبته الا حب فيكم وعن تجربه شفت النتيجه بعيني
راح ابدا من الخطبه بكل ترتيباتها وتجهيزاتها اذا تبين تعيشين ملكه ببيت زوجك طبقيها
بالخطبه لما احد يجي يخطبك لاتتازلين عن شيء نفسك فيه سواء زواج ذهب الماس انا ما اشجع على التبذير بس عيال اللحين ما يستاهلون احد يحن عليهم بزواج ما يقدر يدبر فلوس بس لو اصحابه قالوا خلينا نسافر طلعت الفلوس شلون الله واعلم بس عاد مو مره طلبات تقص الظهر بحدود لان هذا من حقك شرعا
اذا تملكتي جاء يكلمك حتى لو انك منتي دلوعه ببيت اهلك سوي نفسك دلوعه وغنوجه واهلك مدلعينك وترى بعض الشباب ايام الخطبه ومكالماتها يصير مو مكالمه اختبار من اختبار لاختبار انتبهي يعني يقولك انا والله ما اقدر على العرس ومصاريفه واهلك شرطوا عرس اهو يبي يختبرك يبي يشوف انتي بتحنين عليه وترحمينه او لا
قولي والله يا حبيبي كان ودي ما احط عرس واكلف عليك حتى ابوي كان رايه مثلي بس تعرف بيتنا صغير وجماعتنا كبيره وش يكفي البيت واذا كنا بنحط باستراحه اذا حاطين حاطين خليها بقاعه وخلاص ونجمع الكل لان جماعتنا بيزعلون وحتى اهلك وجماعتك يعني طلبيه بطريقه غير مباشرة وبدلع
بيني له انك كل شهر تسوين بدكيور ومنيكور وساونا ترى بالاخير الزين له وخليه اذا تزوجتوا اول ما ينزل راتبه تروحين معه تسوون ساونا وقولي ببيت اهلي كل شهر يعطيني بابا فلوس اغير شعري اقص اصبع اشيل شعر انظف بشرتي عند عياده وخليك غنج يقول فلانه قولي لبيه عيونها عودي لسانك على هالحكي بس اول شهر من الملكه شفقيه على الكلام الحلو لاتطلعين الكلمه الحلو حبيبي عمري الا بالمكالمه مره واذا حسيتي انه بدا يمون عليك فليها بس بادب (على فكره العيال ليش خاقين على حليمه بولند مع انها مو هذاك الحلى بس لانها دلوعه بكلامها موبس معه حتى مع اهلك واهله خلاص شيلي اسلوب العربجه بس عند خواتك هههههههههههه طلعيها
اذا بتطلعون السوق بشهر العسل اشتري لاتقولين استحي اهوا صلا اذا شافه عاجبك قال خذيه
ولاتعودينه على الاسواق مثل الراجحي والهرم وغيرها هذي اشتري منها اذا كنتي مع اهلك رايحه ولاتقولين له اذا رحتي الهرم قولي رحنا الهرم وحياة مول واشتريت من حياة مول بس امي راحت للهرم عشان تشتري مناشف ولبس للخدامه وانتي اشتري ووزي وحطيها باكياس حلوه وشيلي التسعيرهووزي فلوس الباقيه للحاجه عند امك
وعوديه انك تشترين من دون ماتناظرين السعر انتي ناظري بس من دون مايحس انك شفتي السعريعني خلاص عجبك وده الكاشير نحاسب
لبس دلع لاتخلين شيء ماتشترينه بجهازك ترى الرجال ليش بعضهم يقول لمرته وش شريتي بالمهر لما يشوف مافيه شورتات مافيه لبس دلع مافيه تنانير قصيره قمصان نوم كثري اهوا مايهمه الفساتين والمكياج اهوا يبي عطورات ولبس يسدح خلي بس قمصان اول اسبوع لين نصف الساق وابدي تدرجي بالقصر
عوديه اهلي يعني اهلي يوم زوات اهلك لاتتنازلين عنها الا اذا كان تعبان او عند اهله عزيمه ضروريه او شي ضروري بس بذوق موب بطقاقا وصراخ
احترمي اهله وقدريهم واستخدمي اسلوب التطنيش ولاتقولين له عن اي شيء يصير بينك وبين حماتك او سلفتك من مشاكل ليش تعكرين مزاج زوجك على شيء تافه اهم اصلا يبونك تتمشكلين معه فلا تخلين لهم مجال وبالاساس لاتخافين راح يوصله اي هواش الخبر بينتشر ببيتهم واذا جاء سالك ليش ماقلتي لي قولي كذا بالحرف الواحد انا احب اهلك ولا ابيك تتمشكل معهم على شيء تافه اهلك اهم اهلي وسالفه وانتهت ليش اجي اقولك عشان اعكر مزاجك اهم شيء راحتك حبيبي
ووجبي امه وفدريها اذا جتها عزيمه حطي وجيبي وخليك سنعه وعوديه كل مناسبه وعيد تشترين لامك ولامه وابوه وابوك على حسب المزانيه مثلاعيد الاضحى الفطر اشتري لامه ذهب ومثله ونفس السعر لامك وتولة دهن عود لابوك وابوه نفس السعر لاتفرقين واشتري ذهب بكل عيد لك
وهذا شيء مهم ذهبك دائما حطيه كله عند امك وابوك
او اختك تامنين عندها صيري خذي مثلا طقمين ذهب او الماس صغار على حسب لبسك وبدلي مثلالبستيها اول ماتزورين اهلك حطي ثنين وخذي ثنين اذا سالك ليش قولي احنا بتنا اذا كان شقه قولي اخاف ينسرق اذا بيت حموله قولي الدلخل والطالع ثير واخاف يضيع او يسرقونه الشغالات وببيت اهلي اامن واهلي مايطلعون كلهم لازم احد بالبيت وامي عندها تجوري صندوق ذهب كبير يتبع:39: