سؤال: أهله محتاجيييييييييين؟؟؟

اذا محتاجين ممكن نلقاله عذر نوعا ما...

واذا راتبه ضعيف جدا صحيح صعبه يصرف عليها وعلى أهله..

خل توصل معاه لحل وسط هو يصرف على ايدام البيت وهي تصرف على الباقي يعني تشوف شاللي تقدر تطلعه منه وتفرح فيه..لأن ان شالله اذا ربي رزقه بيصرف عليها أكثر..

بس الظاهر يا اختي هي قلبها محروق ليش انه يصرف على أهله وهي مب قادر يصرف عليها!!

أقولها لا تحرق قلبها ولا شي اذا هم محتاجين أتوقع لازم يصرف عليهم...وهو الظاهر انه مو بخيل لأنه لو بخيل كان لو عنده راتب الااااف الدنانير ما صرف لا عليها ولا على أهله..

خلها تهدي الوضع ما بينهم و تشغل نفسها بنفسها وعيالها وشوي شوي تحاول ترجع العلاقة ما بينهم لأن اذا هي طول الوقت منكدة عليه وعلى نفسها ماراح يذكر لها اي تضحية قامت بها لأنه بيحس انها متمننه بها..

عشان كذا خليها تقعد مع نفسها اذا هي تبي حياة زوجية سعيدة وتصرف على نفسها وعيالها خل تبدا من الحين ..

واذا تبي زوج يصرف عليها من_ الى.... أتوقع بتكون هذي مجرد أمنية ....لأنها حتى لو تطلقت بيكون وضعها صعب وممكن تتزوج وممكن لا!!! وبينحرمون العيال من أبوهم...

قوليلها مشاكلها لا تطلع برا وما عليها من كلام الناس اللي كل وحدة تفاخر بزوجها ...ترى ورا كل وحدة قصة يشيب لها الراس بس يحبون الحريم يتفاخرون عشان يغيضون بعض...

واذا تبي تبدا من جديد عندها كثييييييييير مصادر من كتب والا مواقع انترنت او حتى مواضيع أختي مرج الزهور عن الزواج جدا رااااااااائعة...

وأخيرا : (عسى أن تكرهوا شيئا وهو خير لكم)

هي أمس راحت عند أهلها والله تحلف أنها ما قدرت تنام مثل الناس عشان عيالها وخصوصاً الولد الصغير لأنه متعلق فيها وايد (4سنوات )
فعلاً هي اليوم ناوية ترجع بيتها بس بدون ما تتكلم معاه لأن أهانها وأهلها وأخوانها وقال هم مو رجال وكرامتها ما تسمح لها
لكن ؟؟
كل شي عشان عيالها وإذا تكلم معاها ما راح تقبل إلا بإعتذار صريح على ما بدر من غلط بحقها وحق أهلها وبعد يروح لهم يعتذر وإلا بتحسبه ميت ماله وجود
وخوفها من الله لأن رضى الزوج سبب دخول الزوجة الجنة


أهله حتي لو مو محتاجين يشكون أنه ما عندهم
يعتبر هو الكبير ووالدهم متوفي وعلى فكرة هو مو كويتي بس حالته المادية مو تمام راتبه جدا ضعيف وما يسمح له يساعد
ودي أعرف ليش زوجوه ؟ عشان بنت الناس تتحمل وفوق هذا ما يذكرونها بالخير ؟؟؟

وللعلم البنات الكبار خواته يشتغلون ويصرفون على البيت فوق ما أخوانهم الأثنين يعطونهم وجدام الناس ما يقولون أن الشباب أخوانهم يساعدونهم عشان حريمهم ما يعرفون
وما يدرون أن الحريم زوجات أخوانهم يدرون أن أزواجهم يعطونهم جزء من رواتبهم ساكنين بشقة ايجارها غالي لا وعندهم خدامة بعد ؟؟؟

الله أكبر شنو هذا الظلم ، بالصيف ما رضى يسفرهم حجته ما عنده فلوس بالعطلة فالمسكينة كانت مجمعة مبلغ من راتبها 1800 د.ك ( سنة كاملة وهي تجمع ) عشان السفرة وكلها دفعتها من حسابها وهو ما دفع لها شي كان عنده مبلغ بسيط حق نفسه واللي موتها أنه بالسفر بس يدور بالسوق حق خواته عشان يشتري لهم اللي طلبوه وكان أخوه الصغير معاهم بالسفرة وقلبها حاس أنه مشارك له بفلوس سفرته لأن هذا الولد أصلاً ما يشتغل فمن وين جاب هذه الفلوس كلها ؟؟؟


ولا قالها كلمة وحدة تطيب خاطرها على كل اللي سوته دافعة كل مصاريف السفر من فلوسها وما يقدرها ؟؟؟؟؟؟؟؟؟
بذمتكم معاها حق وإلا لأ أنها تزعل وتنقهر على حالها ، وعلى فكرة بنت مزيونة وجميلة بس حظها زفت
أنا لو مكانها وما في عيال أقوله باي ما تستاهل ظفر ريولي !!!!

من سنة صارت نفس المشكلة وغلط عليها وطردها لبيت أهلها وقعدت عندهم 45 يوم وبعدها رجع ياخذها وللاسف حتى خايف من أهله يقول انه راح يرجعها عرفت أنه قايلهم هي رجعت بروحها ساعات تحس أنه يحبها بس خوفه من أهله يبعد عنها

حتى هدية عيد ميلادها ياخذ أهله مهاه وهم يختارون لها ؟؟ بس عاد شي مش قد القيمة أرخص شي ؟؟؟

الله يعينها خايفة عليها من القهر لأن من فترة من الشماكل صار فيها ضغط وصحتها بدت تتدهور وجمالها بدا يروح مع إنها بالثلاثينات بس اللي يشوفها من الهم كأنها بالأربعين
الحين الله يستر من الجاي