حلا11 نجد @hla11_ngd

محررة فضية

زوجك في المزاد؟!!

السلام عليكم

وصباح الخير للجميع

تصدقون جلست 7 دقايق افكر بالعنوان ولا لقيت شئ مناسب

والهدف مو للجذب قد ماهو اني احسن التعبير

البارحة قال لي زوجي تعالي نتمشى بحكم انه بيسافر يومين وقلت اوكي

ما دريت اني لو جلست ببيتي انا وياه كان اسلم لنا

طلعنا ورحنا لكوفي معرووووووووف ولاهي اول مرة نروح له

يعني متعودين ان اللي هناك ناس محترمة وكلن بحاله مع ان مافيه بارتيشينز (حواجز)

المهم مالكم بالطويلة عقب ما جلسنا بربع ساعة ومع السوالف فجأة قلبي انقبض وقلت في نفسي الظاهر

انه عشان بيسافر مابي انكد على جلستنا وسكت ما قلت له شئ

بعد شوي جوا 4 بنات وجلسوا على طاولة بعيد عننا بحيث ما يقدر يشوفهم ومن جلسوا وهم يطقطقون بالكاميرا

تقول قراوى واول مرة يدخلون مكان وبعد شوي صاروا يعلون صوتهم بالضحك عشان يلفتون النظر انا اختلست النظرة لهم لقيت 2 منهم يأشرون على زوجي والثالثة تتلفت علينا تقول ما قد شافوا رجال

وسألني وقال وش فيه قلت ابد خبرك بحركات المراهقات اللي صارت مهنتهم يضايقون الواحد مع زوجته قال يا ثقل الدم

ما امدى السالفة تخلص الا جت حرمة كبيرة بالسن ومعها بنتين وحدة سمرا ووحده بيضاء وجلسوا بالطاولة اللي جنبنا علما ان الكوفي ثلاث ارباعه فاضي يعني كنك تقولين ضااااقت

وزاد انقباض قلبي بعد ما جوا هذولي علما ان البنات الاربع وهذولي الجدد من جنسية عربية

فجأة قال زوجي عاجبتك الجلسة قلت ايه اكيد قال انا حاس بدوخة وودي اطلع <<< استغربت وقلت يالله على راحتك قال يالله

يوم ركبنا السيارة سألني وقال : صار شئ بالكوفي ضايقك؟؟؟ قلت انا لا ليش

قال طيب لاحظتي شئ على اللي كانوا ورانا يقصد 4 بنات قلت والله ما لاحظت الا انهم كانوا يصورون ويضحكون وفجأة كن احد جاء وهجدهم سكت شوي وقال طيب حسيتي انه كان فيه تواصل بينهم وبين اللي وراك؟؟

قلت لا انا وش يعرفني باللي وراي وانا ماشوف قال اهااا

ابقول لك بس ما تتضايقين

تذكرت انقباض قلبي وقلت هات ما عندك

قال سلمك الله اللي وراك جالسين وحده منهم اشرت له كنها تقول عطني رقمك والعجوز يا غافلين لكم الله

ويوم انك عدلتي جلستك صارت ما تقدر تشوفني وراحت للحمام ورجعت وغيرت مكانها عشان تضمن تشوفه

وشوي الا اشوفها تأشر للبنات الاربع وتقول لهم بيدها هذا مو لكم هذا لي <<<<<< شوفوا الانحطاط

صار الرجال يزايدون عليه ويشوفونه صيدة ولو ان زوجته معه يعني الحيوانة << عذرا << ما تدري ان الرجال ما يغازل واهله معه؟!! ناس معميتهم شهوتهم الله لا يبلانا

المهم وفسر لي ان الدوخة ما حس بها ولا شئ بس عشان نقوم

اخر زمن الرجال يقوم من مكانه عشان حفنة واطيات مثلهم والله شئ يقهر

يعني خلاص نتزوج ونصك على رجالنا بدال ما كانوا يصكون علينا؟؟

ولا بننحرم من الطلعات عشان هالاشكال؟؟

والله مدري وش اعبر مدري وش اقول من امس وانا مقهورة مو قهر الغيرة لاااا قهر انك فعلا ما عاد تتهنين بالطلعة مع زوجك

حسبي الله على ذيك الوجيه الله لا يردهااا

يلزم عليك تسجيل الدخول أولًا لكتابة تعليق.

تسجيل دخول

دنيامالهاصاحب • 14 سنة

والله انك صادقه اللحين مانتهنى لابسوق ولاكوفي ...

حدن ناخذ كوفي وندور بالسيـآره احسن لنـآ واسلم لروسنـآ ...

اهم شيء دايم استودعي الله زوجك

حلا11 نجد • 14 سنة

ايووووووووووه جبتيها

نقاشي مع زوجي استمر الى الساعة 2 ويسألني يقول ظنك وش يبون بالمتزوج

قلت والله اذا نيتها تبي تتزوجه فهي ببالها انه جاهز ومكون نفسه

واذا تبي تلعب فهي عارفه انه بيكون حريص عليها ما يفضحها عشان ما ينفضح

واذا هي من النوع اللي بس تبي تستانس وتغيض اللي تبي بلحظتها فهذي حالة مزرية والله يعينها على نفسها

بكرة الايام تدور ووتشوف بعينها وتطيح على راسهاااااا

قال المشكلة اني مديون <<< ينكت بعد

يقول ابحط كشف حسابي واعلقه على جيبي والرصيد صفر ههههههههه

اسود وابيض • 14 سنة

سبحان الله صار البنات هم اللي يطاردون الرجال

اووووهــــاااام • 14 سنة

سبحان الله نفس اللي صار لي
كانو حريم وراي بمنتزه ..
ومستغربه والله العظيم ان زوجي جامد مايسولف كالعاده .. معي ولا هو معي
حتى انا حسسسسيت وربي..
وكل شوي يقول يلااا نمششي
ونا عاجبني الجو ورافضه ..
وقالي بالسياره ..
في وحده وراك بس تراقبني ..
آآآآآآآآآآه يالقهر
صارو الرجال يهربووون؟؟؟؟؟
عجب
...........
ورب الببيت لو قالي بالنتزه لاقوم عليها واوريها اللي ماقد شافته ..
...
المشكله يابنات صرنا مع هالحركات نشك وتجينا حالة وسوسه فضييييعه
انا صرت من اطلع معاه .. عين عليه وعين ع المكان اللي انا فيه
اوووف ماعاد نتهنى :(

حلا11 نجد • 14 سنة

سمكة فضية :

لا يمكنك مشاهدة هذا التعليق لانتهاكه شروط الاستخدام.

هذي المصيبة