انا ناويه اخليه يدخل عشان يشوف كيف نتعب ونتألم

ما راح يشوف شئ هو لانه بيكون عند راسي

ما خليته يدخل معي في المتابعة ...

أدخله في غرفة الولادة ...

لا أن شاء الله ما أحتاج أنه يدخل بصراحة أستحي منه و أحس فشلة...

خليه كذا غشيم ما يدري ياللي يصير أحسن...

ذكرتوني بالذي مضى انا لي 4 اشهر والده ومن اول ماحملت وانا اقوله ابيك تدخل معي ومرررره مصره وهو كأنه خايف وهايب الموقف بس لاني مااقدر اخلي احد يكون معي غيره (امي الله يحفضها لي ويخليها ماتتحمل ابدااااااااا وقالتها بصريح العباره ماااقدر اروح معك ) وخالتي عرضت علي تجي بس مشكله فيها سكر وضغط وإن داخت علي ابلش فيها مشكله قلت مالك الا الله ثم ابو الشباب وخاصه اني بكريه ولا ادري وين الله حااااطني
ودخل معي من طأطأ الى سلامو عليكم وشاااااف كل شي بس كان عند راسي وانا كنت مرتبه وضعي قبل (شعري موناعم فلما حسيت ان الموضوع قرب استشورت المقدمه وكنت مشقره حواجبي قبلها بكم يوم )خفت تكش الشوشه عاد الله المستعان انواع الاشكال
لا اللي مت عليها من الضحك صديقتي كانت موصيه اهلها اذا بغت تالد كلهم يجون بالمستشفى امها وخواتها واخوانها وزوجها ويجيبون كاميرا الفيديو معاهم ويصورون من اول الطلق الى نهايه اليوم ((اقولها ليه ياخبله وش تبغين بالتصوير قالت عشان كل مابغيت احمل افتح الشريط واقول لنفس تستاهلي يابنت اللي يجرالك ولا اكررها ))انوااااااااااااااااااع الخبال

بالنسبه لي في ولادتي

كان زوجي قبل الولاده يقنعني انه يدخل معي

وانا رافضه هالشي بقوه قلت اوكي رح معي المستشفى بس ماتدخل غرفة الولاده

وكان يقولي الا بدخل معك واصورك بعد :eek:

قلت هذا الي ناقص تصورني وانا بهالحاله :22:

وسبحان الله الانسان مسير مو مخير

وكانت الدكتوره محدده ولادتي في نهاية ابريل وسبحان الله وولدت في 10 ابريل

كنت بكريه مااعرف وشي الولاده وكنت اطبخ

ونزل معي شوية مويه وكلمت زوجي بالدوام وارتاع قالي كلمي الدكتوره وقوليلها

لما كلمتها قالت ايش تنتظرين بسررررررررررعه تعالي انا خفت قلت الله يستر :eek:

جاء زوجي ورحنا وكشفت علي قالت الرحم مانفتح فرحت قلت يعني اروح للبيت قالت ايش هالكلام تروحين وانتي فيكي ولاده :hahaha: :hahaha: وعطتني طلق صناعي 3 مرات

لانه كان ينزل معي مويه ولاانفتح الرحم تخيلو من الساعه 4 العصر لحد بكره 9 الصباح وانا الطلق

يروح ويجي وجت امي واختي عندي بس يدعون لي وانا اسمع الحريم الي يولدون ويخلصون وانا

يالليل مااطولك :eek: وبعدين جت الدكتوره وقالت لازم عمليه جلست ابكي وزوجي وامي واختي

يدعون لي واخذوني لغرفة العمليات وحاول زوجي فيهم يدخل ورفضو مع انه دكتور وكان لابس بدلة

العمليات لانه جاني من الدوام مسيكين:( ودخلت لحالي وانا اصيح ابيه <<<< انقلبت الاوضاع:)

وجبت بنوته بالسلامه الحمدلله ولما طلعوني كان واقف عند الباب ينتظر لما شافني

(( انتم تعرفون وش سوا مايحتاج اعلمكم )) <<<<<<< ياعيني على الحياء

ومعه الكاميرا بس قاعد يصور هههههههههههههههههههههه وراح للبنت وصورها وجا وراني

بس منقهر انه مادخل معي يقول القهر اني دكتور ولابس زيهم عشان يدخلوني بس ماكتب الله

معليش اسفه للاطاله واني قصيت عليكم قصة حياتي :30:

انا والله دخل زوجي معي المرة الاخيرة (الثالثة) وأحس انه ماحس فيني الا هالمرة وعرف ان الولادة مو شي سهل ورحمني مرة وقال الله يعين كل الحريم...وانصحكم تدخلوون ازواجكم اسألوا مجربه:)