قولوا أمين يا بنات الله يوسع صدوركم زي ما وسعتوا صدري

وأختي الغادة الله يضحك سنك والله تقطع قلبي من الضحك على قولة



عاد سمعوا قصتي <<<<<<الله بدت بالهذرة
أنا ساكنة بالخبر وأهلي بالرياض وكنت مقررة أولد عند أهلي ودكتورتي و يوم دخلت بالشهر التاسع أخذ زوجي إجازة شهر وهو يقول البكر دايم ما تكمل التاسع <<<< ياعيني على الخبرة
وقالت الدكتورة يوم 7 فبراير تكملين التاسع وهو أخذ إجازة الى يوم 12

وجاء يوم 7 وكان الاحد قال لي عندي اجتماع في الخبر يوم الأثنين بروح بالطيارة بالليل وأجي العصر من بكرا قبل ما تولدين يعني أقل من يوم إن شاء الله وكان ذاك اليوم خوات زوجي عازمينا أنا وخواتي في بيت أهل زوجي وهو وودانا وقال خلي أبوك يرجعكم لأني بطلع للمطار
هو طلع من البيت الساعة 10 وأربعين دقيقة وأنا جاني الطلق الساعة 11 والعالم اللي حولي ضحك ووناسة وسواليف وأنا اتلوى بس ما ابي ابين وقمت ارتعش وجاني برد بعظامي من الخوف وادق على أبوي وقلت له تعال قال يا بنيتي انا بالاستراحة يبيلي ساعة الا ربع خلكم والمين

<<<< ساعة إلا ربع؟؟؟؟؟؟؟:eek:

وارجع ادق عليه يبااااااااه تعاااااااااااال انا فيني ولادة

ياعمري 5 دقايق وأبوي الله يرزقني رضاه وهو عند الباب

وأطلع خواتي وأنا أجرهم بقوة حتى وحدة تقول لي : اااي وش فيك عورتيني ونرجع للبيت
ويجيكيم النشااااااااط واركض مع الدرج عشان اقفل شنطة المستشفى وأنا اصك باب البيت وتفتح اختي اللي اصغر مني الباب وهي لابسة العباية بروح معك :42:
واشيل جزمتي وانتم كرامة واقولها انقلعي انا فاضية لك ويوم رحنا للمستشفى وتجي دكتورتي الله يفرحها بعيالها وتضمني وتقول: حبيبة قلبي هنا ؟؟؟ وانا انواع الصياح والدموع وقال لي ابوي اصحى تقولين لزوجك والله أزعل عليك
ويوم دخلت الغرفة طبعا أبوي ممنوع يدخل وحتى لو يسمحون له <<<<<<فشلة

وأنا بين معاناة لطلق والألام يدق زوجي على جوالي ويقول أهلين حبيبتي أنا الحمدلله وصلت بالسلامة

<<<<<<<<<<أنا سمعت صوته الله يخليه لي من هنا و:06: :icon33: :icon36: من هناااا

قال وش فييييييييييك قلت له بقولك شي بس أحلف ما تقول لأبوي والله يذبحني :024:
<<<<<الحمدلله والشكر هذا وقت اسرار وحلوف
قال والله ما أقول قلت له أنا بغرفة الولادة قال الله يهديك ليه ما مسكتي نفسك ليما أجي <<<:22: ياعمري من الهبلة مايدر وش يقول
قال أنا برجع اللحين قلت له انت نام إرتاح وأول ما أولد اخبرك
وتنقز فيني الممرضة :43: هيه ليه تروعي الزلمة وهو بعيد حرام عليك

وتجي الممرضة الثانية تشكي لي أبوك برا ما هو راضي يرتاح لا يشرب موية ولا عصير ولا يجلس إيش أسوي فيه
<<<<<<<<<الله يقطع شيطانكم أنا فاضية اللحين أحد يشكي لي واللي يهاوشني
وأدق على أبوي <<<مصلحة اجتماعية : يبه الله يرضى عليك ارتاح وهد بالك وإن شاء الله ما يصير إلا الخير

وأنا تعذبت كان نفسي قصير والدكتورة تعبت معي وآخرتها هاوشتني قالت تدفعين مثل الناس وإلا والله أدخل إيدي وأطلعه :eek: قلت لالالا خلاص بأدفع <<<<مايمشي معها إلا الهواش
ويوم ولدت الحمدلله <<<<<<< مابغيتي صار مسلسل مكسيكي
ودخت من التعب يوم صحيت إلا حبيب القلب عندي ويقول الحمدلله على السلامة وانا أول شي قلت له
إسمعععععععع تبي ولد ثاني تزوج غيري ما عندي إستعداد أعيد التجربة ثانية

بس إن شاء الله البيبي الثاني على خير بربط رجلي برجله ولا يروح إلا أنا والده

أخت زوجي ولدت ولا صارخت مثل باقي الحريم مع إنها مسكييييينه تعبت مرة ويقول زوجها الحمدلله أنتي ماتعبتي مساكين الحريم اللي يصارخون أكيد متعذبين :09:

(تمنيت ان يكون زوجي معي ، ولا زلت اتمنى ذلك ، ليس لاني اريده ان يرى معاناتي كما يقول البعض ولكن ؛ لكي اشعر بالامان من رعب الولادة عندما يكون الى جواري.....)
نفس إحساسي والله خاصة الوحده مالها غير زوجها يكفيك وقفته جنبك لو مايسوي شيء ..

اه ه ه ه ه ه ....
ذكرتوني والله .انا صار عندي ولادتين ...الولد الاول ما جفت ريلي كلششششششش الا اول ما دخلوني غرفة الولادة الصبح الساعه 8الصبح .لين بليل ربيت الساعه 8...والثانية نفس الشي ......
بس الثالث ربيت بمستشفى خاص ووخلوه عادي معاي لين اخر لحظة بغى يطلع النونو قالوا له اطلع بس اهو من البدايه ما جاف شي معطيهم ظهرة ومغطيني بشرشف والله احلى لحظات ماسك ايدي ..ويخفف عني .حتى بعد الولادة قالي والله كنتي تقولين اتعذبت ما كان اتصور هالشكل حشى انتي شفتي الموت .....ويقولي لو انتي تنسين ماراح انسى عذابج ....

انا ولدت من اربع شهوور

جاني الطلق بليل

ورحت المستشفى انا وابوي وامي وزوجي

وقالوا اني بطول رحمي مو راضي يفتح وعطوني طلق صناعي وطولت


معي بالغرفه امي وزوجي

صار الظهر وانا بس ابكي واصيح يما عذبوني حرام عليهم

يما وينج تعالي وين زوجي تعال امسك ايدي

وهذي حالتي

لين زوجي كان عنده شغل ضروري طلع

يوم طلع نص ساعه إلا انا والده

بس والله تعبت تعب

هههههههههههههه
يا زينكم ويا زين سواليفكم..
موتوني من الضحك ، كل وحده لها مع ولادتها حكاية وقصص هنديه
خاصة الاخت الغاده ههههه ياني ضحكت عليها ضحك والا الاخت اللي صوها زوجها بكاميره فيديو وهيه تولد ..
ههههههه
بصراحة يا بنات انا كنت معارضه تماما فكرن دخول زوجي معي بس كلامكم خلاني اندم واتمنى انه كان معاي ولعلمكم انا اللي قلت هالكلام عن نفسي
لما رحت اولد سمعت الدكتورة تقول لزوجي اذا عاوز تكون معاها مافيش مشكلة!!!!
قمت انا وقفزت من على سرير الانتضار وصرخت فيهااااا لا لا لا ما ابيه معاي ، وهو ابتسم وراح ، وبعدها شفت الويل، وخصوصا اني بكرية وياما سمعت عن الولادة...
بصراحة الان كلما تذكرت هذاك الموقف اقول الحمد لله اني ما خليته يدخل معاي ، ولا كان رح يكون شكلي فشلة وااااااي.
وبعد ما راح قمت اصارخ صراخ على راحتي بصدق مليت المستشفى صرااااخ.

وشوفو اختكم الفالحه وش سوت صدق انها سواه ما بعدها سواه وانا وجهي احسب اني ذكيه

بعد ولادتي اخذت من شنطتي اللي مجهزتها للبيبي طبعا..
اخذت منها روج ومرايه ومشط وكل وظل على لون روب المستشفى اللي لبسوني اياه وتزينت وتعطرت بعد، حتى الممرضات استغربوا مني
قالو انتي كويس مدام ، قمت انا اخذت مقلب بنفسي....
وجا زوجي وشافني قال ماشا الله عروس عروس مين يقول انك طالعه من غرفة الولاده؟
بصراحه انا وقتها كلامه هذا نساني الألم بس بجد يا بنات انتم بكلامكم خليتوني اصحى لنفسي
تصدقون زوجي ما درى اني تالمت ابد ولا حتى سالني عن الولادة هل هي صعبه!!!!!!!!!

آآآآآآآآآآآآآآآآخ يا القهر.... لازم احمل مره ثانيه عشان اخليه معي لحظه بلحظه ،،،،

كانت فكرتي انو لازم زوجي يشوفني وانا في اجمل صوره وصعب اخليه يشوفني في لحظات الولاده ، وفعلا هذا اللي صار
بس وش استفدت؟
ولا شي :)

شوفو انتم بسم الله عليكم ازواجكم حبوكم اكثر وحنو عليكم اكثر لما حسو فيكم.... انا مقهوووووووووووره
ياني غبيه غباء ماله حد

شكرا يابنات حواء على تجاوبكم
وشكرا لكل وحده شرفت موضوعي بقراءه أوتعليق