زوجك ماجابلك هدية زوجك مايسفرك ؟؟ بسيطه تطلقي

السلام عليكم ورحمة الله وبركاته




كيفكم مع الصيام ياحلوات ؟؟


اول مرة اكتب موضوع عشان كذا بدخل بالسالفة على طول


خواتي المحبات للغير والمشمرات سواعدهن لتقديم الحلول السحريه لمن تعاني من مشكله زوجية


قبل أن تكتبي أي رد اقرأي هذا الحديث الشريف وتأمليه ( ليس منَّا من خبب امرأة على زوجها أو عبدًا على سيده ) رواه أبو داود وغيره

خبب أي أفســـد

تخيلو وحده بينها وبين زوجها مشكله ومعصبة وشايله على زوجها وطآآقها الزعل وحالتها حاله:angry:

وتجي تكتب مشكلتها هنا ..

فيه بنات الله يهديهم بدال مايهدونها يصبون على النار بنزين

وبعظهم ماعندها وقت تطلقي يختي انا لو منك ماجلست عنده ولا يوم


انا ما اقول الحرمة ترضى بالظلم وترضى بالغلط لا

لكن وربي ان فيه مشاكل ماتستاهل كل هاللي قاعد يصير

يعني وحدة زوجها ماسفرها .. تحرضونها عليه ليييش

وحده زوجها ماجابلها هديه .. توصلونها للزعل لييييش

وحده زوجها يفطر عند اهله بعض ايام الاسبوع .. تكبرون المشكله بعينها ليييييش

وحده زوجها يسافر كثير .. تشككونها باخلاقه ليييييش

وحده زوجها يحب يسهر مع اصحابه .. تنصحونها تتفرعن عليه لييييييش


انتبهو انتبهو انتبهو لاتدخلون تحت هالحديث

اذا عندك نصيحة تخفف عليها وتساعدها قدميها واذا ماعندك اقل شي ادعيلها


وبالاخير اخواتي والله اني احبكم ولا أشكك بنواياكم وحبكم للخير .. لكن الانسان احيانا يكون مندفع اذا شاف احد في مشكله ويطلب مشورته

فحيبت اذكركم واذكر نفسي قبلكم بهالحديث الشريف ..


:26: