الحمد لله على كل حال
ياشيخه وش تبين بوجع الراس؟؟
لاتحاولين تنشبين له كوني لك علاقات وصداقات
واشغلي نفسك بأشياء مفيده حتى لو هو موجود(ما اقول طنشيه بس حسسيه انك مو بحاجته)
صدقيني ان الرجال يمل من الحرمه الي تدور عليه وتنشب في بلعومه
اثقلي عليه يركض وراك بس عاد مو من اول يوم
فتره كذا لو شافك لاهيه بيغاااار
اشغلي نفسك بترتيب بحفظ قرآن بعمل حلويات وتجميدها بزيارات جيران بدعوة صديقات بعمل حفله للأولاد لفي ورق عنب فطاير وفرزنيه اقصد شي يشوفه قدامه وانت تسوينه مو نت ومكالمات فاضيه
الزبده انشغلي عنه عطيه الي يبي شاي قهوة غدا عشا طفوح اي شي يبيه صدي عنه
صدقيني بيدورك ولا تكثرين كلام معه خليك عاديه تماما لايحسبك زعلانه
وقولي لي النتيجه تكفين

انا اجلس 15 يوم وانا ام واب وكل شي ولاحظي بعد

اني عند حموله يعني الضغط مضاعف واهلي بعيدين

ولما يجي يكون تعبان من كرف 15 اللي اشتغل فيها

والطلعه تكون عائليه يعني ابدا مافي خصوصيه

الحمدالله على كل حال الله لايحرمنا الاجر

^
^
^
انا هالايام جالسة اسوي كذه مع زوجي لانه دايم لاهي عني اما عند امه او شغل برا البيت وطبعا اخر الليل على المقهى
وجالسه احسسه اني انا مو بحاجتك بس جالس ييلعومي على الطلعه والنزله اشفيك زعلانه ليش تكلميني كذا وانا عادي فالاخير زعل
وصار مايكلمني يقول لي يومين وانا اراضيك وانتي مو صوبي يعني بدل ما يعدل وضعه ويجلس معاي زعل بس قلعته ماهمني

ههههههههههههههههههههه كنت اظن هذي مشكله نادره طلعت كثيره تصدقين ظروفك احسن مني بكثير على الاقل تقدرين تطلعين لوحدك اذا فيه شي ضروري انا مستحيل اطلع من دونه او مع غيره حتى لو اخوي .... بعدين اللي قاهرني مواعيد المستشفى وزيارة اقرابي الضروريه (اهلي بمنطقه ثانيه )واللي قاهرني اكثر دوام زوجي شفتات والاولاد مدارس يعنى بالسنه مره نقدر نطلع خميس او جمعه وبعدين زوجك خميس وجمعه بالبيت ... اما انا ما يجلس ابد بالبيت دائما مشغول لدرجه احياناا نسولف ونناقش امورنا بالتليفون ...والحل ؟ اشغل نفسي بالبيت والاولاد والنت والجيران واذا طفشت مره اقول له ما ودك تستحي على وجهك وتطلعنا من البيت وساعتها ما يقصر ونطلع طول اليوم حتى لو مشغول .. اسفه على الاطاله بس ابيك تحمدين ربك وتدرين انه فيه وضع اسوا من وضعك ووضعي

يالله الحال من بعضة حتى الخيس والجمعة ليتة يجلس معي يوم واحد والله ما اطنشة لشيلة على راسي بس ما فية امل