لؤلؤة بيضاء :

والله من كثر ماني مزحومة مع شغل البيت والعيال هذا غير الزيارات والمجاملات مع الأهل والأصدقاء ما عدت أحس إذا كان موجود أو لا بالأول كنت مثلك أحاصره وأملله من كثر حنتي وأتصالاتي بس بعدين لا صرت أطنش وأكتشفت أنه لازم الوحده ما تخلي زوجها محور أهتمامها الأول والأخير يعني بهالطريقة يطفش وكلما لفدتي فيه هرب من البيت أكثر ألحين حياتي معاه مميزة أكثر تحسين فيه شوق ووله أكثر لأني قدرت أشغل وقتي رتبي البيت وعطريه وبخريه ولا تخلين ولا تفصيل صغير يروح منك روحي المزين غيري قصة شعرك سوي لوك جديد حاولي تغيرين نفسك من بره وراح تحسين أنك تتغيرين من الداخل وتتأثرين بالحياة الجديدة المزحومة تسوقي مقاضي البيت لأنها فيها متعة خصوصا ً انك تحسين بالمسئولية شووي أقعدي مع عيالك شاغليهم أرسمي لهم رسمة ولا أشتري دفتر تلاوين وعطيهم ألوان ولونوا مع بعض اعملي زيارات عائلية تغير من نفسيتك وشوي شوي راح تتعودين عالحياة المثيرة وزوجك راح يكتشف فيك شغلات جديدة ومثيرة لأنه بكون مل من ست البيت وراح يشوف فيك إنسانه جديدة تعجبه عكس إلي كنتي عليها

والله من كثر ماني مزحومة مع شغل البيت والعيال هذا غير الزيارات والمجاملات مع الأهل والأصدقاء...

أنوار البحرين :

والله يااختي اغلب الرجال جدي ..وزوجي واحد منهم يروح الدوام 6.30 يجي يتغدى معانا ودايركت الشغل ويخلص ست وما نشوفه الا تسع او تسع ونص يجيب العشى ويرد يكمل مشاويره احيااااااانا يتعشى معانا..وفي وحدة من الأخوات قالت شىء مهم ((دلة المزاين)) فعلا هالشىء هو اللي يصير اذكر ايام الخطوبة كل قاعد معاي وطلعات واني اقول له ليش ما اشوفك تزور ربعك ..ليش كل حاكر نفسك طبعا اذا انا مو معاه ايقول لي وين اروح ما عندي ربع واطلع وش اسوي ..وتعالي له الحين اذا خلص شغله يروح يعد معاهم وما يجي البيت الا حزة الوجبة والنوم فقطط واذا قلت ابي اطلع او او بروح اتسوق ايقول لي لا لا ما اقدر تعبان توني جاي من الشغل ..الحين هو تعبان يودينا لكن ما هو تعبان يروح يقعد مع ربعه..تقريبا اغلب الرجال جدي بالأول كنت اتحاور معاه بهالشىء لكن وش جاب نتيجة؟؟غير وجع الراس وياليته فاد يقعد في البيت متحطلم وحزين..خليه يطلع فهو يجد راحته وحديثه مع من هو في جنسه ..

والله يااختي اغلب الرجال جدي ..وزوجي واحد منهم يروح الدوام 6.30 يجي يتغدى معانا ودايركت...