والله فيه بعض البنات هما اللي ماعندهم ماعند جدتي

والله الموضوع استفدت منه اكتر من مجرد انه يكون رد وقرات كل ردود البنات وعرفت اساليب اكتر للتربيه

جزاك الله خير ياقلبي فعلا التربية

مشاركة بين الطرفين وتحتاج للمناقشة وتوزيع المهام

عشان لاتحصل ازدواجية في تصرفات الابناء ومشاعرهم

وفيه بعض البنات يبغالهم يطبقوا الأساليب دي علي نفسهم مو عليى عيالهم

اهلين ام لالخمائل شخبارج الغاليه :)

تعرفين اول ماقريت الموضوع كنت ضدك بس بعدين قعدت افكر زين وامخمخ واقرا كلامك وكلام بعض الخوات اللي وافقوك الراي وشفت انه كلامكم صحيح بالفعل !!

انا عندي بنت عمرها 3 سنوات وشوي انا من النوع اللي يدلع بس وقت الجد جد والغلط غلط وبصراحه اضرب ولا اتساهل بس زوجي خصوصا فالفترة الاخيره لانه يقعد اكثر مني بالبيت قريب جدا من بنته ولانها ماتروح المدرسه فتكون معاه بالبيت اول مايدخل يتغدى معاها ويلعب معاها البنت متعلقه بابوها وعيالي كلهم تقريبا بس هاي اكثر هي واخوها وانا مايعجبني الحال المايل والشقاوه والتخريب فلما ارجع تعرفين تعب دوام وبيت وبيبي صغير وووو فاطلع من طوري قامت بنتي كله تقول انا ماحبك احب ابوي ولما تبغي شي او تسوي شي تحتمي بابوها !!
حتى لما تغلط واقوله اكون واصله حدي ومعصببببببه وهو بكل حنان يطالعها ويضحك ويقولها مب شاطره !!!!!!!!! انا ضغطي يصير الففففففففف اموت قهر من بروده ههههههههههه وهي طبعا تضحك ولا كنها مسويه شي

طولت عليك ادري :)
الحل اتفقت انا وابوها على سياسه معينه يعني الغلط غلط وحتى لو مثلا انا كبرت الموضوع او كان له اعتراض على تصرفي معاها ما يتكلم قدامها نقعد بروحنا ونتناقش وبنفس الوقت قمت افوت بعض تصرفاتها واتقرب منها واحضنها واقولها انا احبك صح ساعات اطلع من طوري بس انا احاول
لاحظت ان تصرفاتها بدت تلين وشقاوتها تخف !!!

المهم الظاهر الغلط فينا احنا لانه مثل مايقولون الطفل مرآه لتربية والدينه يعني انعكاس لنا نحن فاذا علمناه على القسوه والضرب صار قاسي وشقي واذا عودناه على الحوار واللين صار هادي بس بعد اذا عودنا على الدلع صار فوضوي ودلوع ومانقدر نسيطر عليه وعلى طلباته وتصرفاته

فلااااااااازم الاب والام يتفقون عند نقطه معينه بخصوص تربية الاطفال فلا قسوه ولا لين مفرط والام بهالموضوع انصحها تراجع نفسها وسلوكها مع بنتها تحاول تتقرب من بنتها اكثر وتفهمها وتراقب تصرفاتها بعقل وبقلب الام وتحط نفسها مكان بنتها وتحس بشعورها وتفهم عقليتها الصغيره لانها مجرد طفله بعمر 5 سنوات يعني فهمها على قدها تفهم شي واحد
انتي تضربيني ابوي لا
انتي تقسين علي ابوي يحبني
انتي تتضايقين من وجودي ابوي لا


فلا توصلين معاها لحد انها تقول بنفسها انتي تكرهيني وابوي لا !!!

اقري ثقفي نفسك اكثر بمجال تربية الابناء ولا تنسين هالبنت بكره تكبر وتكبر مشاكلها ويكبر تمردها وراح تمر بمرحله المراهقه الصعبه وتحصل بينكم حالات شد وجذب ومناقر فلا تدمرين علاقتك فيها من اللحين

الام في خلل في نفسيتها وصلت لمرحلة الغيره من بنتها وهذا واضح جدا لما تقول انا ابكي لين تتورم عيوني

وينومها معنا على السرير واضربها وانا عند اهلي ولما زعلت ليه ابوها دافع عنها ضد العم

لو كانت ام سويه كان قومت الدنيا ولاقعدتها لو احد مد يده على بنتها مهما كانت بنتي شقيه ماراح ارضى احد يضربها

لكن طبعا هي تستغل سلطتها كأم وتفرغ مشاعرها بطريقه غلط وتقول انا ام مستحيل اضر بنتي

لا معليش انا اقولها اكثر شخص ممكن يضر البنت امها واذا الام كانت ماهي طبيعيه فهي اكثر شخص يحطم البنت

ويدمر نفسيتها لكن الله المستعان ماهي بس هي اللي كذا كثير امهات تغار من بنتها اذا الاب حبها واهتم فيها

وهذا راجع لنقص في نفسها لأنها هي ماكانت مدلله وهي صغيره من اهلها

وانا متأكده لو الاب شاف ان هالام عندها خبره في التربيه وانسانه سويه تجاه بنتها كان ترك لها تربيتها وريح راسه

اتمنى انها تتطلع على ردي وتراجع نفسها فعلا وتحاول تكتشف مشاعرها تجاه بنتها

ونترك الاسطوانه المشروخه الكذابه انا ام وانا اموت في عيالي وانا حره فيهم

لا ياحبيبتي منتي حره فيهم هذولا بشر لهم احاسيس ومشاعر

اللي فعلا ام ماتسخى ولاتقدر تمد يدها على طفله عمرها خمس سنوات

واعتقد قرينا حالات كثير عن عنف الامهات تجاه اطفالهم وكثير بنات وفي هذا المنتدى

سبق وحكو مواقف لأامهاتهم عنيفه جدا من ضرب وتعنيف وتهزئ وتفرقه بين الولد والبنت

عموما انا عارفه ان ردي راح يستفز الكثير ممن هم زيها

ولكن هو موجه للكل اللي وصلت لمرحلة انها تشعر انها مستفزه من بنتها

لازم تراجع نفسها وتحلل تفكيرها وتشوف وش المشكله اللي عندها