زوجك مطنشك .. مهملك .. مايجلس في البيت .. اانا جبت لكم الحل ..

السلام عليكم

زوجك مطنشك ..مهملك..مايحس فيك.. تعالي اعطيك الحل

حبايبي بصراحه حبيت اكتبلكم موضوع جدا مهم وماابي غير ان الله ينفع بي المؤمنات حتى عن طريق النت.
مين فينا ماتحب زوجها او ماتعشقه وتتمنى تكون في نظره الحبيبه والقريبه وتتمنى تنال منه الرضى والدلال والمحبه والعشق بعد اكيد الكل
لكن!! قد تتفاجأ الزوجه ان ذاك الزوج الهائم والعاشق قد بدأ يتغير وبعد ان كانت محور اهتمامه اصبحت اخر شي يفكر فيه طيب ليه؟؟
وتسأل نفسها ليه بعد عني انا اللي اهتم فيه واحبه والبيله طلباته وكل شي تمام ليه هذا الجفا او البعد او بالاحرى الفتور والملل والطناااااااااااش؟؟؟
انا اقلك ليه بس اتمنى تقرون كل الموضوع لأن الموضوع مجزأ لقسمين قسم اقتبسته يعني منقول وقسم مني انا
نبدا بالمنقول واسألكم بالله تمعنوا فيه وايقنوا انه هو الحل الصح والله يجزى الله كاتبه الخير


((موضوع مهم جدا لكل متزوجه خصوصا من تبحث عن راحة البال قرأته في احد المنتديات فأعجبني جدا اسلوب الكاتبه تفضلي بالاطلاع عليه اختي ناصحه .ــــــــــــــــــــــــــــــــــــــــــــ ـــــ ـ ـــــــــــــــــــــــــــــــــــــــــــــ ـــــ ــــ

إن الرجل القاسي الغليظ يعتبر من أشد الابتلاءات في هذه الحياة اذ ان الرسول صلى الله عليه وسلم يقول : (من يحرم الرفق يحرم الخير كله )

لــــــــــــــــــكن .......

لا يعني هذا ان نيأس منه ونغفل باقي الجوانب الحسنة فيه اذ أن الله قسم الاخلاق كما قسم الارزاق وتغيير الطباع ليس محال كما أثبتت الدراسات النفسية
لكنه يحتاج لصبر

ليس هذد ما أريد التركيز علية وانما ........
قال الشاعر...

لاتظهرن مودة لحبيب

فترى بعينك منه كل عجيب

أظهرت يوما للحبيب مودتي

فأخذت من هجرانه بنصيب

فعلا هذه قاعدة في أظهار العواطف ...... لا تبالغي في حب أي مخلوق ... وأقتصدي في أظهار عواطفك
لا تبخلي ولا تسرفي فيضمنك ويبحث عن صيدة أخرى

يحب الرجل أن يسعى خلف المرأة لا أن تسعى هي خلفه ....

عمتي ....كم شكت لي من تعلقها الشديد بزوجها ........ وقد كان يحبها لكن بعد أن تأكد من تعلقها به

بدأ يجفوها ويذيقها الاكدار

وكذالك كل من تعلق بغير الله قال الرسول صلى الله عليه وسلم من أحب شي عذب به او كما جاء
الحب الذي يصل للتعلق

وقال (من تعلق شي وكل اليه)

وفعلا المفترض أن لاتجعل المرأة العاقلة كل همها الزوج وكانها لم تخلق الا له لا شك ان طاعة مهمة

لكن علاقتها مع ربها والله هي الاهم كم امرأة تعصي الله لأجل رضى زوجها فلا تزيد منه الا
بعدا هذه سنة الله في أرضه

ان المرأة التي تعلقت بالله جل جلاله وصرفت كريم عواطفها للكريم سبحانة يراها الناس عالية رفيعة ويحاولون التقرب منها بشتى الوسائل

والله أعرف لك إنسانة وأعرفها جيداً متعلقة القلب بالله تحب الله حبا شديد ولا يعني

هذا أنها دائما في محرابها بل اجتماعية ومرحة وأنيقة لكن جل حديثها عن الله ومن

أحب شي أكثر من ذكره أرى زوجها يخاف عليها من نسمة الهواء ..... كما يقولون يكرمها وكأنها أمه .

وأذكر قصة ذكرتها أحدى الاخوات

تقول احدى النساء زوجي معرض عني رغم سعي الشديد خلفه وخلف ما يرضيه حتى تفننت

في ارتداء الازياء والمكياج وتقليد الفاجرات ولكن دون جدوى حتى استيقظت من غفلتي يوما

ورجعت لله تعالى وامتل قلبي بحبه جل جلاله وبدأت أخلو بربي في ظلمات الليل ووقت الاسحار

أصلى وأناجيه تقول فستقامت حياتي وتبدلت أحوالي وأقبل اللي زوجي وأصبح يسعى لكل ما فيه رضاي
......... أن حساباتنا لابد أن تراجع ونعيد صياغة أنفسنا الصياغة الصحيحة لتستقيم لنا الحياة

ونعيش حقيقة قول الحق

( وما خلقت الجن والانس الا ليعبدون)

أعتذر على الاطالة ...... واتمنى ان لايكون في كلامي قسوة
ـــــــــــــــــــــــــــــــــــــــــــــ ـــــ ـــــــــــــــــــــــــــــــــ


التوقيع :

(التوقيع منقول وفق الله صاحبه لكل خير)
سبحان الله وبحمده عدد خلقه ورضى نفسه ومداد كلماته وزنة عرشه))


نجي للجزء الثاني وهي حركات النص كم ههههههههههه


المهم يامتزوجات طبقوها وبتشوفون نتايج زينه وسبق وكتبتها بس ناسيه وين المهم

شوفي ياقلبي اول شي خلي حياتك لربك وعليك بالاستغفار تراه هو المفتاح السحري لجميع الامور مو بس الزوجيه.

ثانيا اذا انتي من النوع اللي تراكضين ورى زوجك خفي يعني اثقلي خلاص انتي الحين لك برستيجك اللي مايسمحلك تراكضين ورى احد.

ثالثاوهو الاهم والاخطر وهو ((جسمك)) اذا انتي تعانين من السمنه لاااااازم تنحفين سوي رجيم

والافضل تشتركين بنادي للسيدات افضلك مع مدربه لأنها رح تنحفك وتشدلك جسمك والله شفت

حريم لا اله الا الله ونحفوا واجسامهم صارت روعه اذا لبست اي شي صار عليها جناااان ايش حال

وايش تتوقعين زوجك لو شاف جسمك الرشيق واللبس اللي يطلع كشخه عليه!

وانا اتوقع ان كم وحده عندها من اللبس والذوق والدلع اللي مابعده بس مشكلتها بجسمها خلاص

اليك الحل واعقدي العزيمه وادعي ربك انه يثبتك ويصبرك اهم شي.

في حاجه مهمه جدا بقولها اذا سويتي رجيم لاتبينين للزوج انه عشانه لاااااااااااااااا أكبر غلط.

تبينه معجب فيك حسسيه انك بتنحفين عشان نفسك وعشان صحتك اولا.

بينيله ان هالامور تهمك اصلا حاولي تسوين لك برنامج يومي تنشغلين فيه شوي عن زوجك

مااقولك اهمليه لا جهزي كل شي له اكله ثيابه اجلسي معاه واضحكي لكن لاتنتظرين لما هو يمل

ويقوم لأ هنا تبدأ الشطاره انتي قومي قولي تذكرت وراي اشغال مهمه واذا سألك قولي مثلا بقرأ

كتاب او بتفرج عالتلفزيون او او خليه هو اللي يتتبعك مو انتي.


اذا جلستوا مع بعض مافي داعي تناظرين فيه وتنتظرين ابتسامته لكي لأ ناظري اي شي سوي

نفسك مشغوله عنه اكتبي رسايل بالجوال وارسليها تصفحي الجرايد وحبذا لو مجلة او كتاب قصايد

او اي شي يسليك مو هم يسون كذا يتشيغلون عنا.المهم نجي للجوال وهذا شي بعد مهم اذا

جاك اتصال حاولي وانتي تكلمين تقومين من عنده وروحي غرفه ثانيه وحاولي تطولين وسمعيه

صوتك وانتي تضحكين بالجوال خليكي مسخسخه اوي بس بنعومه هو من جواته بينقهر وبيطل

عليكي وبيقولك طولتي عشان وده تجلسين معاه.


طبعا انتي الحين نحفتي وصار جسمك روعه ابدئي اهتمي بشعرك وبشرتك زمان كانت في قاعده

ان الزوجه ماتحط شي بوجهها وزوجها موجود وانا اقولك العكس حطي وهو موجود خاصة وانتي

طالعه من الحمام بس مو اشياء لها ريحه زي حليب بيض ماادري ايش لا

حطي ماسكات دلع اللي تجي جاهزه او ماسكات تقشير واجلسي تصفحي مجله او سوي رياضة

للأعصاب عشان تهدين بالك وهو موجود عشان يحط في باله انك تهتمين بنفسك عشان

((نفسك)) ترى اذا بينتي ان كل هذا عشانه مااستفدنا شي.

نجي للبس بعد الرشاقه كل شي لايقلك بس الافضل انك تركزين عالبناطيل بالذات الجينز سبحان

الله لها مفعول سحري في جذب الانتباه خلي عندك مجموعه طويل قصير برمودا شورت وادلعي

فيها وتمايلي قدامه ونرجع لنفس قاعدتنا لا تبينين له ان هاللبس وهالتمايل عشانه عشان انتي

شخصيتك كذا كلها دلع وطبعا لابد تنوعي بالملابس اختاري الوان وموديلات جريئه النت مليان

والتي في مليان مايحتاج احد يعلمك

نجي للعطور: خلي لكي عطر مميز برفان ولازم يكون عندك قوارير مسك ترى انواع المسك اللي

في محلات أجمل خطيره وتميزك عند زوجك انا جربتها وترى مو دعايه الله شاهد علي خلي كل

شي حولك فيه ريحتك جوالك مفاتيحك غرفة نومك عشان يصير عنده ارتباط لأن حاسة الشم هي

اقوى حاسة في التذكر تخيلوا!!!!

نجي للملابس الداخليه ابيك الحين تجيبين صندوق او كيس وطلعي كل ملابس اللي استهلكتيها

خلااااااااااص مابدهاش وارمي ماعليك وروحي السوق وحبذا هالمره مع اهلك عشان تاخذين

راحتك وانتي تختارين وخذي مجموعه جديده ونعومي والوانها جديده وخليها اطقم مو الكلوت لحال

والسنتيان لحال لااااااا خليها اطقم وخلي عليها حركات واضحه يعني ربطات شرايط ورود كلف اي

شي جديد ومميز واقولك ليه.

البسي بيوم الطقم اللي اشتريتيه السنتيان والكلوت وهو يكون جالس في الصاله وسوي نفسك

ماتدرين انه موجود وعدي على اساس بتاخذين حاجه وادخلي عليه وطيرررررررررري من عنده

وقولي ماتوقعتك فيه هو عشانه رجال سعودي بيلمح جسمك الا بقزه قز وبيشوف اللبس الجديد

وبكذا رسخ في باله واذا ناداك تمنعي وتغلي لحد ما...............

طيب الحين جينا للزيارات حاولي اذا طلع ماتحسسينه انه خلاص بيعم الملل في البيت لحد

مايجي لأ ياقلبو حسسيه انه جزء من يومك لا اكثر يعني اطلعي وزري صحباتك جاراتك روحي

لرياضتك بالنادي خلي لك جزء من نهارك وكأنك مواعده احد تدرين ايش هو ((قراءة القرأن)) روحي

المجلس مثلا واقرئي كل يوم جزء مارح ينقص منك شي الا يزيدك اجر وبركه.

امر آخر جدا مههههههههههههههم بس يبغاله قوة قلب هههههههههههههه


اذا شفتيه بالصاله جالس اخينا يتابع فلم قومي البسي قميص نوم ملفت وسوي شعرك ومكياج

خفيف وحطي عطر هذاك اللي ريحته تسبقك وتعالي عنده واجلسي جنبه هو طبعا رح يفكر ان

تبين شي منه انتي اقطعي هالفكره وقوليله طيب حبيبي تبي شي قبل انام تصبح على خير

رح يفكر متشيكه كل هالشياكه والحين ماتبيني؟؟ وانتي قيسيها على باقي الامور صدقيني شوي

شوي بتصيرين محور تفكيره لأن سبحان الله من زمان سمعناها الثقل صنعه وخلك بعيد حبك يزيد

والممنوع مرغوب ومن بغانا مابغيناه ومن بغيناه عيا البخت لا يجيبه كل هالكلام خلاصته ان التغلي

زين والله زين بس للي تعرف تستخدمه سبحان الله طبيعة الرجل ينجذب للمرأه المتمنعه اللي

تحب نفسها اولا وتدلعها.

انتي اذا شفتي ولد مدلل وامه وابوه طول الوقت يدللونه غصب بدللينه لاكن لا شفت ولد مكروف

وامه وابوه كارفينه بتكرفينه ياختي لا شعوري عشان كذا خليك انتي الولد المدلل اللي غصب زوجك

يدللك وعلى فكره حسسي زوجك ان عندك جانب هو مايعرفه لاتكشفين كل اوراقك عنده تذكروا

ايام الملكه كانت روعه لان فيها جوانب عن بعضكم ماتعرفونها انتي تقدرين ترجعين هالشعور خلي

كل كلامك حلو ابتكري كلمات ملفته وفيها تدليل له اجلسي لحالك سوي اجواء لكي اكتبي قصايد

مارسي هواياتك وعيشي حياة البنت المراهقه واللي الرجال يفضلونها لهذي الاسباب ..

اتمنى اني افدكم ولو بشي بسيط وطبعا اللي قلته مو قاعده ثابته لكنها الارجح ومعليش طولت

عليكم وسامحوني اذا الافكار مو مرتبه.

وسلامتكم للامانهـ انه منقوووووووووول ..

ولاتنسون تدعون لصاحبة الموضوع ولي:biggrin:

سلام