من قال البنات مايجون لحد الاولاد ؟؟ لا عيوني يجون يرقمونهم بعد آنا ولدي عمره 18 سنة واكتشفته يكلم وحدة ونفس الشي اختربت أخلاقه معانا وقصة طويلة بس أنا وش سويت ؟؟ طلعت رقم تلفونها واتصلت فيها وسكرت التلفون في وجهي دزيت لها مسج هددتها باسلوب راقي ههههههههه اني بفضحها عند اهلها واني اعرفها واعرف بيتهم وآنا على فكرة ما اعرف الا اسمها لأن عنده سلسلة باسمها وبعدها اشتكت علي عنده وفقدت التواصل مع ولدي شهر تقريبا ماكان يكلمني فيهم كلش ولا حتى يسلم ولا يصبح واذا شافني صد عني وشوي شوي تقربت منه وصار الوضع عادي وعرفت انها اهي اللي رقمته بالرغم ان ولدي يدرس في مدرسة خاصة وفيها خلط عمره ما التفت على وحدة من البنات ولاشفنا مشاكل ولا عنده هالجرأة بس هذي البنت جريئة هي ابتدأت ولاحقته ورقمته وكان معاه صديقه وهو اخذ الرقم من عندها وقال له جرب واتصل يعني ساعده وفتح عينه اكثر بس الحين يقول تركها ألحين لأن ابوه بعد هدده بيروح لأهل البنت
نصيحتي كلميها واذا ماقدرتي دخلي ابوه في السالفة بالغصب هذولي عياله مو لعبة وهو محاسب من الله على تربيتهم والاحسان لهم مو على كيفه وش بيقول الى الله سبحانه عن هالامانة اللي عطاها اياها ؟؟ قولي له المسألة ماتخصني تخص ولدك وهذا ولد مو بنت !!!!
واتقربي منه اكثر واحضنيه وقولي له أفا يافلان اهون عليك آنا امك تسوي فيني جذي ؟؟ تشغل نفسك بهالأشياء واحنا راسمين مع بعض المستقبل وحلمي اشوفك ناجح والبنات والزواج لاحق عليه لأنهم في هذي الحالة مايحبون احد يناقشهم من الجانب الديني فروحي له من جانب مستقبلي لا تتركين الفجوة تكبر بينكم انتي الام ولازم اضحين ومأجورة ان شاء الله

اللهم أغفر ذنبه وطهر قلبه وحصن فرجه وآيس الشيطان منه كم آيسته من رحمتك .. اللهم حبب اليه الايمان وزينه في قلبه وكره اليه الكفر والفسوق والعصيان ... اللهم أحفظه بما تحفظ به عبادك الصالحين ورده اللي ردا جميلا بارا نافعا صالحا مصلحا ... اللهم أنزع من قلبه السوء وكل مبتلى من المسلمين يارب العالمين اللهم ماسألناك من الخير فأعطنا ومانسيناه أو قصرت عنه مسألتنا فبه أبتدرنا يامبتدر النعم قبل أستحقاقها ,, آمين

الله يهديه ويصلحه انتي ادعي له واستغفري بنية ان الله يهديه
الله يهديه يارب ويسخره لكم

مريت بسرعه أقول لكم بهالأيام الفضيله أدعيلكم وجزى الله خير كل من نقلت تجربتها أو حاولت بنصيحتها تخفف علي
دعواتكم ياخير خوات وبنات .. الله يجعلنا واياكم من عتقاء النيران يارب وكل من دعت لنا بظهر الغيب أو شاركت تريد الأجر

اللهم أغفر ذنبه وطهر قلبه وحصن فرجه وآيس الشيطان منه كم آيسته من رحمتك .. اللهم حبب اليه الايمان وزينه في قلبه وكره اليه الكفر والفسوق والعصيان ... اللهم أحفظه بما تحفظ به عبادك الصالحين ورده اللي ردا جميلا بارا نافعا صالحا مصلحا ... اللهم أنزع من قلبه السوء وكل مبتلى من المسلمين يارب العالمين اللهم ماسألناك من الخير فأعطنا ومانسيناه أو قصرت عنه مسألتنا فبه أبتدرنا يامبتدر النعم قبل أستحقاقها ,, آمين


ياربيه هالزمن يخوووف خايفه على ولدي اللي بطني من هالفتن لا كبر

يارب ارحمنا