سلامي الحلوة @slamy_alhlo
عضوة نشيطة
زوجك ولا نفسك
شخباركم بنات وعلومكم من زمان والله تولهت عليكم وتولهت عالمنتدى بنات بغيت أرائكم وتفاعلكم وأتمنى تساعدوني بنات قررت ويا زوجي نشتري بيت ملك وأنا موظفة ولله الحمد وراتبي مب عليه أي قرض وزوجي عليه قرض يقصف الظهر المهم رغم اني عارضت الفكرة في البداية خوفا من الربا بس قلت يالله لو وفرت مهما وفرت ما راح اوفر قيمة البيت ولو بعد ألف سنة تسلفت وزوجي خلص اجراءات البيت بس فاجئني كونه كتب البيت باسمه ولما ناقشته وعدني انه يسدد القرض خلال الأشهر القادمة لانه داخل مشروع وان شاء الله ينجح والله أدعيله ليل ويا نهار ربي يوفقه عشان أسدد ديني بنات لو كنتن مكاني بيكون عادي انا من داخلي مرتاحة ومب حاسة بأي ضيجة لاني عارفة طبع زوجي ولا يمكن انه يظلمني واللي طمنني انه من تسلفت حق البيت وهو صار يعاملني أحسن معاملة ويحن علي ويدللني وحسيت هالشيء ايجابي ولما طرحت الفكرة عند صديقاتي الغالبية اعترضن وقالن هو الريال والمفروض يوفر البيت ولو تسلفن مستحيل يكتبن ملكية البيت حق ريايلهن هذا اللي خوفني شو رايكم عطوني أرائكم بليييييييييز لا تبخلن علي أنا صح ولا خطأ رغم اني حاطة ف بالي لو فشل مشروع زوجي لا سمح الله بخليه يكتب البيت باسمي بس ادعولي ينجح ويسدد قرضي وأفتك والله يا بنات ما في عيني البيت والفلوس بس خايفة عقاب ربي خايفة من الربا وربي يساعدني ويعطيني على قدر نيتي ويتسدد قرضي عاجل غير آجل يا رب.
25
1K
يلزم عليك تسجيل الدخول أولًا لكتابة تعليق.
مدمنه جلكسي
•
رفع
ما اعرف ليش ما يلي حض بالمنتدى كل ما نزلت موضوع محد يرد عليه واذا حد رد يا دوب اثنين أو ثلاث حتى لو الموضوع حساس
اهم شي اللي مرتاحه له ومافيها شي اذا صار باسمه مدامكم متفقين والرجال زين معك
اما من ناحية القروض والربا هذي ماافهم فيها
اما من ناحية القروض والربا هذي ماافهم فيها
الصفحة الأخيرة