زوجك يتمهزا فيك قدام اهله,,,, شتسويييين

السلام عليكم
كيفكم بنات حواء
ابسالكم سؤال عن رده فعلكم اذا حطك زوجك في موقف محرج قدام اهله

يعني تخيلو شكلي مبسوطة و مستناسة و سوالف وضحك
وما ادري الا جايتني ذيك التريقة اللي تنزل راسي للارض

الموقف اللي صار بالتفصيل
انا ساكنة مع اهل زوجي في نفس البيت ولي بس غرفتين ودورة مياه
علاقتي فيهم كويسة
بس الغيرة لازم خصوصا اني ادرس في الجامعة و خواته ولا وحدة منهم مخلصة الثانوي
اللي ماكملت متوسط والثانية كل شوي راسبة
فهذي مسوية لهم عقدة
والا عموما ما في مشاكل يعني بس شغلات بنات بسيطة

زوجي من النوع المزوح بس احيانا مزحه يشطح شوي
ويزودها بقووووة بعد

مثال على المزح السامج ثقيل الدم
قاعدين يمكن عشر انفار مابين خواته واخوانه في الثانوي وامه وابوه
وهو عليه حركات صراحة ترفع الضغط
يعني يلمس صدر امه:eek: ادري انها قوية بس والله ما كذبت
يرفع فستانها يناظر مع تحت وهي متشققة ضحك
وانا صادة وجهي كاني مااشوف شي وانا قلبي يحترق مو غيرة
بس يااخي احترمني شوي انت متزوجني والا متزوج امك :angry2:

وفي الاخير تقول ياوليدي عندك مرتك لمسها و دغدغها
قال انتي لحم لحم والا هي تراها جلد على عظم

يابنات انا هنا حسيت الدنيا تدور فيني يعني الكلمة يابنات في هالموقف وربي قوية
خصوصا لما تكونين في مكان مليان ومن مين زوجك ابو عيالك
والمشكلة خواته الباقين ازواجهم مايروضون فيهم
وانا هالسالفة بتنمسك فيني طووول العمر
وبصير مرت الولد اللي مامليت عين زوجها
خصوصا اني عارفتهم زيييين من النوع اللي يمشي السالفة في جميع انحاء العائلة
يابنات المشكلة وان جسمي حلووووو
يعني ماني نحيفة بالعكس
وهذا اللي باط كبدي
كل اللي يعرفني يقول لا تسمنين جسمك روعة
بس هذا حطمني تحطييييم
والله مارديت ولا كلمة كل العيون علي وانا سااااكتة واناظر التلفزيون
والصغار يضحكون
وهو يقول اذا طلعتي من النفاس كلي بر لان حضرتي باقي لي اسبوع واولد
وامه تقول سمعتي اكلي عشان تسمنين

بنات والله ماعاد لي وجه اناظرهم
ولا ابي اشوفهم ولا اشوفه
مقهورة مرة
وش المفروض اسوي ما ودي يتعودها وهو داري اني ضايقة من كلامه لانه بان علي