زوجك يجلس بالبيت اذا زاروك اهلك ؟

اختي الهنديه
كل هذا يعتمد على مدى قرب الزوج من اهل زوجته او الموضوع الى هم راح بيتكلمون بخصوصه او مثلاً يعتمد على عدد الزيارات اذا الاهل يتزاورون بكثرة مثلاً مرتين كل اسبوع او اكثر مااعتقد بيزعلون اذا الزوج ماكان موجود خلال بعض هذه الزيارات لان الزيارات بينهم مفتوحة على طول (لاحظي اني قلت بعض الزيارات مو ايزوده عاد وايزوخ منهم على طول اكيد بيزعلون). اما اذا كانوا من النوع الى ايزورون بعض مرة كل شهر اكيد الزوج لازماً ايكون متواجد لاستقبال اخو زوجته واهلها وبعض الاحيان اتكون الموضوع بين الخوات والاخوان وبشكل حساس وايحس الزوج من الافضل مايكون متواجد خلال مناقشتهم لهذا الموضوع حتى ياخذون راحتهم في المناقشة وهذا الشئ مااعتقد بيزعل اهل الزوجة. والله يهدي جميع الرجال والنساء ويعرفون ان صلة الرحم مهم جداً وما احلى ان الخوات والاخوان ايكون دائماً مع بعض. وطبعاً صلة الرحم المقصود جميع الاهل مو بس الاخوان والخوات.
وبالنسبة لي شخصياً اهلى ايزوروني مرة في الشهر تقريباً ودائماً زوجي ايكون متواجد لاستقبالهم وحتى اذا كان عنده موعد يلغيها ويجلس مع اهلي وهو ايحب اهلى لان اهلي يحترمونه وايحبونه كثير. اما اذا زاروني خواتي بدون ازواجهم او اخواني فطبعاً زوجي يدخل غرفة ثانية حتى ايخلينا على راحتنا وهذا شئ طبيعي.

شكرا اختي ام روبى على المشاركه

بس اختي الزيارت هذي تكون غير رسميه و الرجال عندنا ما يجلسون مع الحريم يعني اذا الاهل زارو ... الزوج اذا كان موجود يضطرون انهم يتفرقون و يكون الاخوان مع الزوج و الام و الخوات مع الزوجه ... فهذا يخلي الموضوع رسمي شوي ... انا ما ادري ايش الحل الامثل ... لان كل خيار فيه ميزه و عيب .. علشان كذا طرحت الموضوع .

حبيبتي الهنديه
اذا الزوج ايحب زوجته لازم ايجامل اهلها عشان خاطرها وخصوصاً اذا كانت هذه الزيارات نادرة اما اذا كانت الزيارات بينهم مفتوحه على طول نفس ماقلت سابقاً الزوج ماهو ملزوم ايكون موجود على طول والاهل لازم يتفهمون هذا الشئ اما بالنسبة لى زوجي واخواني اصدقاء ولله الحمد وما يستملون من الحديث مع بعض.

صراحة على حسب نوعية الزيارة


يعني إذا زيارة اخوات مع بعضهم بعد شلون يقعد وسطنا بروحة رجال واحنا حريم


وإذا مثلا اخوي وزوجتة اخبرة إن اخوي بزورنا ويقعد ينتظرة ويسولف ويرحب فيهم لأن زوجي اجتماعي درجة اولى

وشكراً

أختي الهندية ...

زوجي يستقبل أهلي بمعظم زياراتهم إلا في حالالت معينة ,

مثلا بيزورني معهم زوجة أخي , فلا يجلس معنا ويتركني أجلس مع أخي وزوجته ,
فقط يدخل أخي يسلم عليه وهو في الغرفة ويعود للجلوس معنا.

لو زارتني أمي وأخواتي دون رجال ,
أيضا قد يخرج في مشوار ليترك لنا الجو ,
أو قد يسلم على أمي سلام سريع ويغادر

لو كانت الزيارة جماعية فيها الرجال والنساء , نفصل في الجلسة , نساء في مكان ورجال في مكان
ولكن إخوتي يدخلون عندنا ويجلسون معنا أنا وأمي واخواتي قليلا ويعودون عند الرجال , وهكذا.