Rseel** @rseel_1

محررة

زوجك يخونك و ودك تنفصلين وظروفك ماتسمح تعالي

بنات زوجي يخوني و ابتطلق منه و اهلي رافضين:(
العيشه مع زوجي صعبه و مضطره اعيش معه
ضاقت بي الدنيا و اتمنى الموت:o
زوجي تزوج علي واسوني
ودي اتزوج و ارتاح من الهم اللي عايشته

العناوين كثيره و المعنى واحد كلنا نبحث عن حل و كلنا نتمنى نعيش حياة سعيده متكامله بس اوقات مايكون عندك خيار انتي مجبوره على وضع معين فهل معنى هذا اني انهي حياتي عشان ماعندي خيار
طيب ليش ما اصنع انا الخيار لنفسي
المرأه بطبيعتها مخلوق ضعيف خصوصا في مجتمعنا اوقات كثيره تنجبر على انها تعيش بوضع معين بدون مايكون لها اي خيار فيه

يعني مثلا اللي زوجها يخونها اكثر من مره و عافته وكرهت الحياة معه بس في المقابل عندها عيال ولا عندها احد تسكن عنده بعد الطلاق او اهلها رافضين فكرة الطلاق وش تسوي؟؟؟؟ تتطلق و هي ماعندها مكان تسكن فيه او تعيش حياتها ولا كأن شي صاير خيارين كلاهم صعبين
واللي زوجها تزوج عليها وهي مقهوره ومو قادره تتحمل الوضع وفي نفس الوقت ماعندها خيار اخر وش تصلح:angry2:
واللي ودها تتزوج وعمرها راح وهي تنتظر عريس الغفله وش تصلح؟؟؟ تخطب لنفسها:arb: اكيد ماعندها خيار
كثيره المشاكل اللي ننحط فيها ومايكون لنا فيها اي قرار
طيب ليش مانصنع لانفسنا الخيار اللي يخلينا نعيش بسلام مو شرط نعيش بسعاده بس اقل شي نعيش براحه نفسيه بدال العصبيه والتوتر:angry2: اللي تاخذ من عمرنا وصحتنا الكثير

افتحي مع نفسك صفحه جديده واحمدي ربك انه خصك بالابتلاء لانه يحبك وبيشوف قوة ايمانك لا يلعب عليك الشيطان ويقولك شوفي فلانه و علانه مبسوطين بحياتهم وهم اقل منك بكل شي قولي الحمد لله ربي يحبني عشان كذا يبتليني بيشوف قوة ايماني وكل شي بنحرم منه في الدنيا بلقاه في الاخره ان شاء الله و اكثر في وقت الكل يتمنى يكون مكاني في الدنيا عشان يكون بمنزلتي في الاخره
اذا كان عندك هذا اليقين بترتاحين كثيرررر
وازني حياتك بطريقه تقدرين تتعايشين فيها مع الوضع اللي انتي فيه ماتزوجتي اشغلي نفسك بعمل تستفيدين منه في دنياك واخرتك تفاءلي و احسني الظن بالله وان شاء الله راح يجي اليوم اللي تتزوجين فيه

زوجك يخونك و تفكرين بالانفصال و ظروفك ماتسمح انفصلي عنه عاطفيا وعيشي حياتك لنفسك وعيالك وادعي له ربك اللي مايخيب من دعاه بس انتي لا تحرقين نفسك عشانه الذنب راجع له و ربي بيحاسبه هو مايستاهل تحرقين نفسك عشانه :( ادعي له بالهدايه و اعلمي انه كل ما اشتدت المصيبه قرب الفرج وان كل شي ربي كاتبه لنا اكيد فيه خيره ولو كنا نجهلها يكفي تقربك من ربك و دعائك والا الدنيا محد بيخلد فيها و ماراح ينفعنا الا العمل الصالح

لاتستسلمين للظروف وتخلينها تتحكم بحياتك مادام عندك رب قادر على تغييركل شي اصنعي حياتك بنفسك وادعي ربك يغيرحياتك للاحسن وتفائلي بان حياتك راح تكون افضل وربي ان شاء الله بيحقق كل امانيك كان ودي افصل اكثر في كل حاله بس ماودي يكون الموضوع طويل
اللي حبيت اوصله ان الحياة حلوه:) اذا قدرنا نتعايش معها بكل ظروفها وان الدنيا فتره نعيشها ونروح فما يحتاج اكدر عمري على شي ماراح يدوم لي ولا لغيري

يلزم عليك تسجيل الدخول أولًا لكتابة تعليق.

تسجيل دخول

زين الطبائع • 13 سنة

جزاك الله خير

أڪِـِۆس ڜخصيـۂ ≈ • 13 سنة

جزاك الله خير
اللهم اجرني في مصيبتي واخلف لي خير منها
ادعولي انا في ضيقة زوجي اتزوج وموقادرة استوعب واتحمل ومافي حل لان عندي عيال
وماعندي مكان اروح له

ابنة غريب • 13 سنة

الله ماجمل كلماتك اسال الله ان يجعلها في ميزان حسناتك والله الذي لا اله الا هو ما يخيب من التجا الى الله

@ الواااثقه @ • 13 سنة

هاذي هي الزبده اللي لازم نفهمها ..الا كل شيء ما خلا الله باطل وكل نعيم لا محالة زائل ..اجعلوا حياتكم لله وحده لانه سبحانه هو الحق وما غيره سراااااااااااب

Rseel** • 13 سنة

@ الواااثقه @ :

هاذي هي الزبده اللي لازم نفهمها ..الا كل شيء ما خلا الله باطل وكل نعيم لا محالة زائل ..اجعلوا حياتكم لله وحده لانه سبحانه هو الحق وما غيره سراااااااااااب

هاذي هي الزبده اللي لازم نفهمها ..الا كل شيء ما خلا الله باطل وكل نعيم لا محالة زائل ..اجعلوا...

مشكوره

الله يصبرك ويربط على قلبك تناسيه وعيشي حياتك عشان ماتفكرين كثير واذا تضايقتي استغفري واقري عن اجر الصبر و نعيم الجنه عشان تخف عليك مصيبتك
كان الله في عونك

جزاك الله خير

جزاك الله خير