لفت انتباهي يابنات كثرة شكاوي الحريم من ازواجهم من ناحية غزل الجوالات
وعدم غض البصر بالاسواق
اقسم بالله اني ماكتبت الموضوع الا من بعد تجربه بالصميم , والله ان المتساهلات بالحجاب يمرن من زوجي قسم بالله ولا يطالع فيهن وانا مسئوله عن هالكلام قدام ربي
نرجع لموضوعنا :)
اللي زوجها كذا انصحها اولا بالصبر وطولة البال وعدم اختلاق المشاكل والتفكير بالطلاق لان هذي
بالغالب تكون نزوه وشوي يرجع الزوج لبيته وعياله باذن الله
واعرفي ان المهم زوجك لازم يخاف من ربه ويتذكر ان الله يراقبه بالسر والعلن
مو يخاف منك انتي ,, لانك لا صديتي بيكمل لعب ولا جيتي يوقف وتصير البلاوي من تحت لتحت
على شان كذا يابنات نصيحه ازرعي بقلبه الخوف من الله قد ماتقدرين
انصحك نصيحه شديده بسلسلة ( قصص الانبياء) للشيخ طارق السويدان .. ممتعه وشيقه
واسلوب الشيخ قصصي يجنن ويشعر الانسان بالخوف من الله
انصحك بعد بسلسلة( قصة النهايه ) لنفس الشيخ وابدي بالشريط الثاني
صدقيني بتتاثرين انتي وياه بس انتم شغلوها بالسياره لو مسافرين وياسلام علىا لروحانيه
وتراها عند اي تسجيلات كبيره بالغالب وبالمكتبات بعد
الله يسعكم ويهدي لكم ازواجكم يارب