زوجك يقدر أهلك؟؟

الحمد لله يحترمهم و السبب الرئيسي تعاملهم الكويس معه يحترموه و يقدروه و يحبوه كانه ابنهم و الحمد لله ......... اما انا فلا مجال ابدا للتقصير فيهم لانه لو قصر فيهم على طول :10_1_103v

كله الا اهلي .......:42:

الحمدلله مثل ما احترم اهله هو يعمل نفس الشي اتوقع الشغله تبتدي منك اذا بينتي له احترامك لوالدته والده واخواته وانك تحرصي على رضاهم هو بيعمل نفس الشي

انا احترم أهله جداً جداً جداً
وهو يشوف حركاتهم البايخة معي ومع ذلك ما منعني أني أحترمهم
وأوضح انه عشان عين تكرم ديرة
وعند اهلي بس أمدح فيه عند أبوي وامي وأخواني وأخواتي
ولا أسمح لأحد يتكلم فيه ولو أني أتخانق معه أحياناً
واكون أبكي في السيارة قبل لا أدخل بيت أهلي بس ذاك اليوم
لو أحد قال فيه شي كنه متكلم علي وأعصب وطبعا عيالي مرآتي
عند أبوهم فضايح كل شي يقولونه عند أبوهم ماما سوت
ماما قالت وهو يستانس معصبين ومتهاوشين وأمدحه
طبعاً أقوله الوالد والكل يسأل عنك اذا شفته من زمااااااان ما راح
اذا تعب وهو دايم يتعب أقول لأهلي أنه تعبان
وهم ما يقصرون دايم يكلمون يسألون عنه
والزوجة لالالالالازم يكون لها دور اياك تقولين له اهلي
تشرهوا عليك او زعلانين بيقول بالطقاق زعلوا والا قعدوا
بس قولي يمدحون فيك يحبونك يسألون عنك الين يجي يوم
هو من نفسه يقول باروح لأهلك أسلم عليهم

والله هالموضووع من جد حلو ..
أنا زوجي يقدر اهلي ويخدمهم ومايقصر معهم ..بس المشكلة انه علاقته فيهم جداً رسمية وهالشي باط جبدي ..وخصوصا مع رجال خواتي مايحاول يندمج معاهم ...ولما يتكلم مع امي وللا أحد من اخواني أحسه يتفلسف بقوه (يعني يتصنع) ومايكون على طبيعته .وهالشي قاهرني لأن ودي يحس انهم أهله ويشيل الكلافه...
شنو الحل؟
من ناحيتي أنا معطته حريته وما أحاول أأثر عليه ..

والله موضوعكم حلو
انا هالشي وايد افكر فيه بس احس ان المسأله مساءلة حظ اولا واخيرا
يعنى اهل امي طيبين وينحطون عالجرح يبرا وابوي طيب لكن سبحان الله مايحب يحتك فيهم يمكن طبيعته ..اما زوج خالتي فمندمج معاهم كأنه مو زوج بنتهم كأنه ولدهم يعنى كان بار بجدتي الله يرحمها كأنها امه .ان شاء الله حظى انا يكون نفس خالتي