زوجها بيتزوج عليها

ياحبايب صباح ومساء الخير

حابه اخذ رايكم في موضوع وهذا الموضوع من عرفت فيه شاغل تفكيري

قعدت امس مع ام زوجي وانصدمت من كلامها عن ولدها اللي اصغر من زوجي انه يبي يتزوج على زوجته
انا بصراحه انصدمت المره ماشاء الله جمال وجسم واخلاق وادب واحترام ومهتمه في بيتها الى درجه عادي لو تقاطع اهلها عشان زوجها وعندها اولاد منه وغير هذا كله عمرها 20 سنه صغيره واجتماعيه مع اهله وحبوبه وكشخه في لبسها وماينقصها شي وصحيح في بدايه الزواج كان فيه شوية مشاكل او مو مشاكل بس ماتقبلنا بعض فالبدايه وهو كان السبب ماكان يبي اي احد يكلمها يبيها منعزله عن الكل يقول الحريم يخربون على بعض وكانت المسكينه تسمع كلامه في كل شي

وانصدمت يوم قالت ام زوجي انه يبي يتزوج عليها بنت عمه المشكله انهم من النوع اللي بينهم مشاكل مع عمامهم وكانوا حالفين ماياخذون من بنات عمهم وفجاءه حلو بالعين وطقت براسه يتزوج بنت عمه اول شي سمينه وعمرها 30 سنه وماتجي شي في جمال زوجته وام عياله

انا الحين مادري المسكينه تجي وتجلس معنا وماعندها خبر عن شي واحس بالذنب اني عارفه وساكته بس والله خايفه على مشاعرها
وخصوصا انها مره تغار عليه لدرجه رايحه تودي ولدها لموعد وكلم بنت عمه بالمستشفى طبعا هي موظفه بالمستشفى العروس المقصوده وصار بينهم مشكله بسبب كلامه معها

ابي اعرف انا ابلغها والا المح لها بس اخاف اكون سببت بينهم مشكلهم بس والله قهر