ولافكرت احمله

للأسف حملته وانا في قمة ارتياحي النفسي والسعاده تملا حياتي ومن بعد مادخلته دخلت لنفسي مشاكل العين والحسد اللي مازلت اتعالج منها واتكركبت حياتي واتلخبطت موازين عيشتي رغم اني مو مشهوره ولا انا من هواة التصوير الكثير اللهم كنت اصور وقت قهوتي وابداعاتي بالحلا الحمدلله على كل حال بمجرد ماانزل قهوتي وصحن الحلا تنهل عليه رسايل الخاص وانبسط واحس اني مبدعه اللي تبي الريقه واللي تعلق ماكنت ادري ان هالبرنامج بيسبب تعب مستقبلي احرمني حتى الراحه وحتى دخولي للمطبخ زي زمان حذفته وحذفت كل برنامج في جوالي ومن ضمنها الواتس لي قرابة السنه متفرغه لعلاجي وبعيده كل البعد عن الناس والحمدلله مانقص مني يد ولا رجل لكل انسان اسلوبه في المتابعه والاستخدام
اسأل الله لي ولكم التوفيق والسداد ... دعواتكم ❤️

الحمدلله جوالي جوال عجوز واتس فقط ماحب
هالبرامج واذا حبيت ابحث عن شيء عمانا قوقل
ماقصر لاني عايشه بمجتمع حولي يستعرض وهياط
وشايفه كمية غيره مو طبيعيه… .


الحمدلله ع نعمة الصحة والعافية والأمن والأمان…

السناب جنن الحريم وللاسف بعضهن امعات يحبن التقليد وبعضهن مسرفات وبعضهن يغيضن قرايب وبعضهن حسودات تتفرج وتحسد خلق الله لو كل برنامج نستغله بالخير وتشر الخير كان ماهذا وضعنا يالحريم
الحمدلله على كل حال

كلامك صح بس انا الحمد لله ماحملت البرنامج من اساسه من كثر ماشفت الي حولي متعلقين فيه كذا