زوجها بيزوج عليها بسبب كلمه قالتها ..

تقول صديقتي حصلت مشكله بينها وبين زوجها .. سبها وشتمها وذكر لها عيوبها وجرحها .. المهم تقول بدأ يتمادى ويتكلم في شرفي ويقول كلمات قذره تنقال للبنات الساقطات :eek: ... تقول عصبت ماقدرت أتحكم في أعصابي .. ورديت عليه وقلت له ( الــــ ..... هي أمك ) ..

المهم هو عصب عليها زياده .. وقال لها كلام أقذر من الأول .. ورماها في بيت أهلها وقال لها خليك قاعده عندهم طول عمرك معلقه .. وأنا راح أشوف حياتي مع غيرك .. وفضى الشقه من العفش وخلاها تأخذ ملابسها
وحلف إنه يتزوج عليها .. وهو حاليا قاعد يخطب .. الله لا يوفقه إن شاء الله .. والله صديقتي طيبه وما تستاهل .. بس الله المستعان على رجال هذا الزمن .. زوجها من النوع العنيد اللي إذا قال شئ لازم ينفذه ..

تقول أنا رديت عليه بهذاك الرد كان مقصدي إنه ما يعيد الكلمه هذه ثاني .. ما تدري إن الأمور راح تكبر .. هي ندمانه الحين .. ورسلت له رسالتين إعتذار على جواله بس ما رد ..

هي تحبه وتبغاه وتتمنى ترجع له ثاني .. الله يسخره لها ويهديه ويرده لها إن شاء الله ..ويألف بين قلوبهم

أدعوا لها يابنات والله حالها يحزن .. ولا تقصروا في نصايحكم لها ..
وأنا راح أطبع لها الكلام كله وارسله لها بإذن الله