كوبونات الراقية تسجيل الدخول

أغليك يانجدالحبيبة

زوجها تغير فكره بالسجن!!!ماذا تفعل؟؟؟أرجوكم ساعدوهالو بدعوة

الأسرة والمجتمع •

بسم الله الرحمن الرحيم



السلام عليكم ورحمة الله وبركاته


مساء الخير\صباح الخير



قبل أبدا بالمشكلة أرجو من كل من يقرأ ألا يدعو على أحد بل يدعو بالهداية والصلاح للجميع وأن لا يضع في ﺫمته نوايا الناس أو مايفكرون فيه فإن للجميع رب أعلم بما في قلوبهم وجزاهم عند ربهم .



نبدأ بطرح المشكلة وهي تخص زميلة وصديقة وقريبة أيضا واللتي قابلتها قبل شهر بعد إنقطاع عن بعضنا ومن ﺫلك الوقت وأنا دائمة التفكير فيها وفي مشكلتها وكيف أساعدها رغم إني على علم بأن زوجها مسجون تقريبا من 5 أو 6 سنوات ولا أعلم ما التهمة بالضبط , وعندما قبض عليه كان وزوجته وأولاده في مدينة بعيدة عن أهله وأهلها وهي مقر عمله وهي أيضا وجلست هي وأولادها في هذه المدينة حتى تم لها النقل أخر السنة إلى مدينة أهل زوجها وجلست هناك تقريبا سنتين ونقلت إلى مدينة أهلها وعندما أقابلها أو أكلمها وأسألها عن زوجها تقول طيب وماتذكر أي مشكلة رغم إن راتبه قطع بعد سنتين تقريبا وأصبحت هي المسؤلة عن أولادها وفي البداية ماكان أولادها يعرفون إن أبوهم في السجن وهي صابرة على أمل إن الزوج والحبيب وأبو الأولاد يخرج ويعوضها عن ﺫلك كله ولكن اللي حصل إنه نقل إلى سجن أخر قبل كم شهر ووجد فيه بعض من أصحاب الفكر الضال واللذين كما يبدو أثرو على فكره لدرجة إنها تقول إنني أنظر إليه وأسمعه وأقول معقولة هذا زوجي وحبيبي اللي حبيته وحبني لا لا هذا واحد ثاني فهو يقول لها سألت الشيخ وأفتاني طبعا هذا شيخهم في السجن ويقول إنني إﺫا خرجت سوف نذهب لنعيش في البر وأولادي أنا أدرسهم القرآن أو شيخ يدرسهم والبنات أزوجهم تخيلوا بنته اللي في خامس بيزوجها قريبه عمره بأخر العشرين وأيضا زوجته تترك العمل طيب منين يعيشون يقول نربي غنم ونأكل ونشرب منها والمسكينة تقول في البداية كانت تتناقش معاه لكن شافت إنه عنده إسلوب إقناع عجيب فخافت إنها تتأثر وإلتزمت الصمت وإﺫا رجعت للبيت ماعندها إلا الدموع والهم والتفكير تقول حتى أولاده ماهم مرتاحين تقول مرة إشترت لبنتها الصغيرة جزمة الله يكرمكم وتقول البنت بوريها بابا إﺫا زرناه قالت إختها بيقولك حرام وفعلا قالها .


أيش الحل يابنات تكفون قولولي كيف أساعدها وأحللها مشكلتها أنا قلتلها كلمي لجنة إصلاح ﺫات البين يمكن عندهم حل، ولا أحد يقول أهلها أو أهله أنا أعرف مجتمعنا أهلها بيوقفو معاها و مالك شغل فيه وأهله بيوقفو مع ولدهم وماراح يخسر إلا الأولاد المساكين مهما كان هذا أبوهم وسمعتهم من سمعته والأن لما أحد يقولهم أبوكم مسجون أو إرهابي يقدرو يردو عليهم ويقولو أبونا ما قتل أحد ولا كفر أحد وكل إنسان يخطي وأخذ جزاه على خطأه لكن بكرة لما يغير فكرهم أو يقتل أحد أو يسوي مصيبة كيف راح يكون ردهم ونفسيتهم



الله يسعدكم دنيا وأخرة أي أحد يعرف كيف تحل مشكلتها يقول أو يعرف أحد ممكن يساعدها يرد علي أو يرسل على الخاص ولو أقدر أضع إيميل أو رقم جوال كان سويتها لكن ما أقدر لعدة أسباب
31
5K

يلزم عليك تسجيل الدخول أولًا لكتابة تعليق.

تسجيل دخول

خوووخــهـ
خوووخــهـ •
الله يهدي الجميع
اسراار القلووب
اسراار القلووب •
لاحول ولاقوة الا بالله


اعتقد انهم سوو له غسيل مخ


مافيه الا حل وااحد هو الطلاق لا ياثر عليها وعلى الاولاد ويصبحو مثله ..

والله يكون بعونها...
جراح نازفة
جراح نازفة •
يا اختي كلمي احد المشايخ الثقة واساليهم لابد ان ينصحه احد ويعرف توجهاته علشان بكرة لما يطلع ما يخسروه مرة ثانية والله يفرج لها ويجمع شملهم ويقر عينها به
أم رنووووده
أم رنووووده •
خير ان شاء الله يا اسرار وشو طلاق على طول طلاق...........
طبعا توقف مع زوجها وحبيبها وتوقف معه في الشده والله يسعدها....
أغليك يانجدالحبيبة
أغليك يانجدالحبيبة •
أم رنووووده أم رنووووده :
خير ان شاء الله يا اسرار وشو طلاق على طول طلاق........... طبعا توقف مع زوجها وحبيبها وتوقف معه في الشده والله يسعدها....
خير ان شاء الله يا اسرار وشو طلاق على طول طلاق........... طبعا توقف مع زوجها وحبيبها وتوقف معه في...
أمين يارب

جزاك الله خير




وأنتي الصادقة سوولة توسيخ مخ
جزاك الله خير الطلاق مو حل إلا هو رأس المشكلة لو تركنا حبها له على جنب الأولاد راح يأخدهم ويصبح تأثيره عليهم أكبر وهي قالت مسواله غسيل مخ وأبغى أحد يسويله غسيل مخ عشان يرجع زوجي اللي أعرف وكمان أنا قلتلها لو بعدين شفتي مافيه حل ولا قدرتي تحلين مشكلتك لما يخرج بلغي عنه و رجعيه للسجن أحسن شهقت بغت تموت كيف لو قلتلها مافيه حل إلا الطلاق






أمين يارب وجزاك الله خير
وهدا اللي أسأل عنه تعرفي أحد ثقة ممكن يساعدها أعطيني رقمه وأرسله لها على طول






جزاك الله خير
وهي واقفة معاه وتبغى تصلحه المهم كيف الطريقة