تحكي لي احد الاخوات قصتها وتقول :
انا ما حكيت القصه هذي الا ابغاها تكون عظة وعبرة للجميع من كل النواحي
واول شيء اسأل الله الغفور الرحيم ان يغفر لي زلاتي ويعفو عني
كنت متزوجه من حوالي 5 سنوات عندما بدأت المشكله
في بداية زواجي كنت احب زوجي بجنون وزوجي كذلك يحبني جدا لكن مع السنوات كان زوجي يمر بضائقة ماديه كبيرة لدرجة انه لم يكن يمتلك السيارة
صبرنا كثيرا ورزقنا الله بطفل احببناه جدا
كنت انا في اواخر دراستي الجامعية وكنت استعين بامي اللي تجلس مع طفلي وقت دوامي
واحيانا انام عند اهلي طوال السبوع وارجع في نهاية الاسبوع وهكذا
انتهى الفصل الدراسي و صار ما عندي دوام طبعا
وبغيت ارجع لبيتي والتفت لمسؤليتي
تفاجأت ان زوجي لا يرحب جدا بفكرة رجوعي للبيت بشكل دائم
وعذره انه يبيت عند صديقه ليوصله الى عمله لان زوجي لا يمتلك سياره !!
كنا ناخذ سياره بالايجار اليومي بس الايجاار يهد الحيل انا صحت وبكيت وتوسلت اني ابغا ارجع بيتي !!
بس زوجي كان عذره الدوام والسيارة .. وتركني عند اهلي
وكنت قبل الفترة هذي احس بفتور شديد من ناحيه زوجي انا اجيه ملهوفه وهو ولا يحرك ساكن..
استمر الوضع هذا حوالي السنه وكنت اشك بل متأكده ان زوجي له علاقات مشبوهة بس كنت اسوي نفسي غبيه تفادي للمشاكل
مرت السنوات وانا مشتته بين بيتي وبين اهلي وبين زوجي البارد اللي يثور على اشياء تافهه جدا !! ويسبني ويقسى علي بدون سبب وبشكل يومي انا كنت اموت من البكاء وهو لا يحس فيني ..
ولما كان وقت الفراغ كبير في بيت اهلي كنت اتسلى بالنت
وتماديت في التسليه ودخلت غرف الشات..
واسولف واضحك مع هذا وامزح مع ذاك ومرة لف علي واحد واخذت ايميله وسويت له اضافة مباشرة وبدينا نسولف .. طبعا في البداية ضحك واستهبال بعدين حسيت اني قاعده اسوي غلط سويت له حذف ورجع ارسل لي ايميل عتاب وانا ضعفت ورجعت اضفته
وبما ان الملل شدييد انا صرت ارجع لغرف الشات اذا كان غير متصل ( الرجل اللي اضفته)
وتعرفت على ثاني كانت بداية معرفتي به هواش على العام بعدين دخل معي خاص يبي يعتذر << اساليب مكر
وانا رحبت باعتذاره وما عطيته الايميل ومن بكرة رجع وبعد وبعده حتى قدر ياخذ اللي يبغا وتمت الاضافة !!
وسواليف مع شخصين !!
وتماديت اكثر واكثر وطلب مني الاول الرقم وعطيته بكل سهوله وكلمته !!
اول مرة في حياتي اتكلم مع رجل غريب ... حسبي الله ونعم الوكيل
كنت في بيت اهلي واخذت راحتي وتكلمنا كثير
والثاني بعد فتره محادثة بالماسنجر عطاني رقمة وقال بس ارسلي مسج وانا رحبت بالفكرة تماما
وبعد المسج مكالمات ( لا حول ولا قوة الا بالله )
استمر الوضع على المكالمات فتره طويله عدة شهور تقريبا وزوجي لا يدري ولا يسأل ولا كأن عنده مسؤليه !!
رجعت لبيتي وكانت علاقتي مع زوجي جدا بارده واقل شي يكدرها
ما نعرف بعض كل واحد عايش لحاله وانا همي متى يطلع عشان اكلم واخذ راحتي
وزوجي ما كان يشك فيني ولا 1% !!
بتقولون ليه ؟؟ لاني والحمد لله عائلتي محافظة جدا ومعروفه بالدين بس انا ........... حسبي الله ونعم الوكيل
كنت ارسل لهم المسجات واتلقاها منهم وانا جالسة مع زوجي !! وكان زوجي يسوي نفس الشي!!
انا ما ادري ليش سويت كذا هل هو من نوع الرد على كل من يغازل بنات الناس يجي احد ويغازل محارمه ؟؟؟
ما ادري بس كنت طول فترة ضياعي احس اني اسوي غلط ومرات لما اصلي ابكي واعزم على التوبه بس اضعف وارجع لهم !!
افتعلت هوشه كبيرة مع زوجي وزعلت عند اهلي عشان يخلا لي الجو واخذ راحتي في المكالمات !! وارسلت لهم صوري للاسف!!
بعد فتره عاد زوجي وكلمني وتراضينا ورجعت بيتي ومسحت الارقام من جوالي وحاولت ان كل شي رجع مثل اول
وسافر زوجي الله يهديه وانا عارفه ان زوجي سفراته ايضا مشبوهه
وانا رجعت للمكالمات !!
ورجع زوجي وانا كنت كلي شووق له ونسيت المكالمات وجاء اليوم اللي بغيت انفضح فيه بس الحمد لله ربي ستر علي ( اللهم استرنا من فوق الارض وتحت الارض ويوم العرض )
كان جوالي بيد زوجي وجاء مسج !!!!
واعطاني الجوال !! لو كان فاتحه يارب رحمتك !!
وكان هذا اخر مسج واخر عهدي بالطريق الشائك
اخذت الشريحة وكسرتها
وطلعت رقم جديد متعلله اني ابغا من شركة ثانيه وتبت الى الله
نعم تبت لان الله ستر علي امام زوجي انا تبت وبكيت وندمت ندم شديد ما ندمت علي شي في حياتي مثل ما ندمت على هالافعال الشنيعة
انا احمد الله واشكره الف مره اني لم اتمادى اكثر في العلاقة المشبوهة يارب لك الحمد
تبت الى الله وصليت ودعوت ربي يغفر لي ويستر علي في الدنيا والاخرة يارب استر علي يارب
حاولت اتقرب اكثر من زوجي وحاولت اخذ واعطي معه بالكلام اكثر
واذا حسيت فيه شي مزعلني اقول له مصراحه وباسلوب
لان الكبت يولد الانفجار وانا ولله الحمد ما ابغا ارجع لطريق الفساد
حاولت احفظ القرآن ودخلت حلقات تحفيظ وتعرفت على اخوات فاضلات والحمد لله والمنه على كل شي
اسألأ الله ان يغفر لي ويستر علي يارب العالمين
هذه القصه مر عليها 6 سنوات كل ما اتذكرها ابكي من شدة الندم
ادعو لي ان ربي يستر علي يوم القيامة ويغفر لي
اللهم اغفر لي اللهم استر علي اللهم آمين
منقول
تعليقي على القصة :
ان ما اصابها ما هو الاابتلاء من الله في دينها والحمد لله على ما اصابنا..
والحذر الحذر من غرف الدردشه لانها تجر من المصائب الكثير..
والله انه الفساد بعينه وزوجك حاولي تفهم حاجاته وظروفه بقدر الامكان وادعي الله في السراء والضراء..
انا نقلت هذه القصه لتكون عبرة لمن يعتبر ونورا لمن اراد التوبه والخروج من الظلماء
اللهم استر عليها في الدنيا والاخره وحبب زوجها اليها واغفر لها ما تقدم من ذنبها يارب العالمين
ادعوا لها بالثبات
sweet as candy @sweet_as_candy
محررة فضية
يلزم عليك تسجيل الدخول أولًا لكتابة تعليق.
حلم الحراير
•
جزاك الله خير علي القصه الحمدلله الذي عافان مما ابتلا غيرنا به0
شكرا اختى على القصة
وتكون عبرة لهواة الشات من باب التسلية ولكن الشيطان يكون قوى حينها
وربنا يهدى الجميع
ورنا يسخر لها زوجها ويثبتها على دينها
وتكون عبرة لهواة الشات من باب التسلية ولكن الشيطان يكون قوى حينها
وربنا يهدى الجميع
ورنا يسخر لها زوجها ويثبتها على دينها
malekh
•
الله يسترنا فوق الارض وتحت الارض ويوم العرض وربي شيء يشيب له الراس صدقيني البعد عن الله هو السبب الله يرحمنا برحمته التي وسعة كل شيء
الصفحة الأخيرة