زوجها سحبها من عبايتها ورماها في الشارع

والله يابنات ما ادري وش اقول لكم وشلون ابدء با القصه عموما انا بقول لكم بس لاتبخلون علي بأرائكم.انا عندي صديقه عزيزه على قلبي من يوم كنا صغار وهي مثل اختي لدرجة ان احيانا تنام عندي وانام عندها عموما الله بلاها بزوج مدمن مخدرات وطلبت الطلاق منه المهم طلقها وهي معها ولدين منه عقب طلاقها بسنه ونص مات ابو عيالها بجرعة مخدرات عاليه كفانا الله واياكم الشر المهم مرت بها الايام وهي على ها الحال عند اهلها هي وايتامها الصغار تبهذلت عند اهلها شافت الويل لان عندها اطفال وكل ما صار شي في البيت قالو عيالك هم اللي خربو وعيالك هم اللي سوو .غير الاحراج اللي تتعرض له كل ما تعب واحد من عيالها وبغت احد من اخوانها يوديه للمستشفى وتعالو شوفو السبسبه والاهانات علشان يودونها غير الاحراج اذا احتاجت مصروف من ابوه لها او لعياله .المهم كنت دايم انصحها با الزواجلان هو المنقذ الوحيد للي مثل وضعهاوكانت ترفض تقول ابو عيالي واهلي ماتحملوني وشلون واحد غريب.المهموافقت وتزوجت واحد متزوجوحط لها شقه ومصروف وبدت حياتها تزين وحمدنا الله وقلنا جعله دوم.لكن زوجها مايعاملها مثل الاولى في كل شي الافضليه للاولى وقلنا لها يابنت الحلال تحملي وفي يوم من الايام قبل اربع ايام بس قالت لزوجها اليوم في عزيمه عند بنت عمي معليش اروح قال عادي انا بوديك وبنتظر في بيت اهلك عند اخوانك واذا خلصتي دقي علي قالت خلاصانا ماراح اطول عليك كلها ساعه وبدق عليك تجيني نروح بيتنا قال طيب لبست الحرمه وخلصت .وهم في الطريق مافيهم الا العافيه قال لها تراني ماني مرجعك الوقت متاخر الحين وفيني نوم حتى اخوانك ماني رايح لهم قالت ليش مواتفقنا .قال خلاص ماابي اسمع ولا كلمه قالت طيب ليه انا وش سويت قال قلت لك ولا كلمه قالت طيب يمكنك تعبان مومهم العزيمه اهم ماعلي انت خلاص خلينا نرجع بيتنا قال خلاص انتي ماتفهمين انتي بقره روحي عند الناس وبس قالت طيب تبيني اروح العزيمه واخلي احد اخواني يجيبني قال يا الحيوانه ياللي ماتفهمين انزلي ووقف السياره عند بيت اهلهاوقال انزلي وهي ميته من البكاء تسمرت مكانها من الخوف ومن شكله وهو يكلمها كذايوم ما انزلت بسرعه قام هو نزل مسرع وراح عند بابها وفتح لها باب السياره وسحبها من عبايتها ورماها في الشارع نزلت على رجله تبوسها في الشارع تقول ابي اعرف وش اللي صاير وراح للسياره واخذ شنطتها ورماها في وجهها وانكبت كل اغراضها في الشارع وكأنها شحاذه وراح وخلاها من شدة الموقف عليها وهي تكلمه كانت تكلمه بحروف غريبه هو مافهم منها شي وكان يقول لها انتي تستهبلين وهي يا عمري ماتستهبل ولا شي تدرون وش صار فيها صارت عندها صدمه نفسيه ادت الى احتباس الكلام والخرس صديقة عمري اصبحت خرساء ولاتستطيع الكلام من ذاك اليوم وهي في المستشفيات ادعو لها با الشفاء العاجل وحسبي الله ونعم الوكيل القصه هذي قالتها لي كتابه لانها ماتقدر تتكلم ادعو لها ارجوكم ان الله يقومها لعيالها وياخذ حقها من اللي ظلمها ياربولو انتم مكانها وش بتسوون وشلون تتصرفون هي تقول لي وش اسوي اخاف اقول لها اطلبي الطلاق وتطلق وترجع للذل اهلها والله انها تقطع القلب حسبي الله ونعم الوكيل على كل ظالم .