زوجها عقيم ورزقت بالحمل

قصة احدى الاخوات منقوله للفائده


السلام عليكم ورحمة الله وبركاته

عندي زوج للاسف يحبني ولكنه عقيم متزوجة من 6 سنوات وعمري 25 وهو عمره 31

زوجي عقيم حيواناته المنوية 0 ولا أمل في الشفاء كما قال الطبيب

للأسف ماصرت احتمل ابي اصير ام ابي يصير عندي اولاد وزوجي لمعلوميات مومقصر
معي بشي هدايا حفلات سفرات وممصروف شهري وخدامة بس طبعا مافي سواق لانه
يخاف ويغار علي وهويشتغل في شركة ارامكو وراتبه عالي وممتاز ومكفي
احتياجاتنا

بس انا مابغاه ابغا اصير ام كل هالاشياء ماتسوى عندي مقابل ولد أو بنت

قلت له هالكلام اكثر من مرة وكل ماقوله يروح الغرفة ويسكرها على نفسه ولما يطلع يقولي طلاق مافيه ويبان من عيونه انه يبكي

لمعلومات زوجي امه متوفية وابوه متزوج عاش حياة جدا قاسية في صغره وهو
صعبان كثير علي هو ماشاءالله وسيم وطويل ويتمرن في النادي يعني فارس احلام
كل بنت وقبل امس قلت له ابي اتطلق وشرحت له الاسباب انقض على كالوحش واخذ
يضربني بكل ما اوتي من قوة وهو اول مرة يسويها وبعدها راح من البيت وانا
جلست مكاني من الصدمة الخدامة لما شافتني بالهطريقة اتصلت عليه وجا مادري
كم اخذ من الوقت لاني كنت جالسة ابكي جا وحضني بقوة واخذ يبكي ويقولي
سامحيني بس مستحيل اسامحه هل هذا جزائي صبرت عليه وعلى عقمه ؟ ضربي ؟ كيف
تسمح له رجولته يضربني كيف كيف ؟

كيف ينسى العشرة ؟ سحبت نفسي عالغرفة وهو دخل سويت نفسي نايمة واخذ ينام
جنبي وصوت شهقاته واضحة قمت فالليل سمعته يقول وهو نايم لالا تاخذوها
ودموعة كثير وكان يقول الله يخليك كوني معي بصراحة بكيت من الكلام وهو اول
ماقام قام مفزوع شافني جنبه غطاني وباسني من جبيني وراح توضى وصلى ماذكر كم
ركعة الي اذكره انه كثير

ارجوكم ساعدوني انا حيرانة


بعدها بسنة كتبت الموضوع التالي


شكري وامتناني لكل اللي ردو علي بموضوعي السابق

اقسم بالله إن كلامكم اثر علي بشكل كبير وتغير معاملتي له حفزه جدا يبدا
يهتم بنفسه وسوينا الحقن المجهري وكانت نسبه النجاح 50% , واعتذرت له وبكيت
على كل شي سويته لاني حسيت نفسي حقيره بعد كلامكم لي , وماقدرت أودي وجهي
بينكم وهو بدوره اعتذر لي على ضربه ووعدني يظل معي طول العمر ويصبر علي
مهما سويت وانه كان متحملني لانه عارف شعور الامومةة وأخر مرهه واول مرهه
يمد يدهه عليها عقب اللي صار وقبل اسبوع رحنا نكشف والحمدلله حامل بالشهر
الثالث , وتوي متذكره المنتدى ودخلت اكتب لكم

لكل عقيم لاتياسي من رحمهه ربك , والله ان زوجي قالها لي فرحت على فرحك
اكثر من فرحتي على ان بيجينا ولد , وعلاقتنا توطدت كثير صار يحسني امه
واخته وزوجته وانا احسه كل دنيتي

ربي لايغير علينا , وشكري للكل اللي قست واللي جرحت واللي بكيت وتأثرت وتعايشت مع الموضوع واللي نصحتني واللي قدمت لي رسائل بالخاص

ربي يسعدكم , في امان الله









ماشاء الله تبارك الله




الصبر ثم الصبر




والتوكل على الله يصنع المعجزات