زوجها مايبيها تجيب عيال

السلام عليكم
المشكله خاصه بقريبه لي
بقولكم مشكلتها وايش ممكن تسوي وايش وضع زوجها
قريبتي متزوجه لها تقريبا سنتين
تقولكم
تزوجت وكان حلمي مثل كل بنت بيت وزوج حنون وعيال وبنات قد ماقدر اجيب
لان من كنت طفله احب الاطفال بشكل جنوني
تزوجت بعمر 27 سنه تقول اول سنه رفض يقول خلينا ننبسط لاحقين ع الهم تقول وكان كثير السب بالاطفال وكانهم نقمه
تقول كنت استغرب بس اطنش مرت سنه ونص تقريبا وهو رافض الحمل وجدا حريص وكان
يحاول يجبرها تاكل حبوب منع حمل لاكنها ترفض لانها تقول تتعب نفسيتها وتدمر نفسها
والى الان لها فوق ثلاث سنوات وتقول يعطيني على قد عقلي
مره يقول وش مستعجله عليه خلينا نستانس وش تبين بالعيال
وازعاجهم
مره يقول يع جسمك بيكون مقرف بعد الحمل والولاده
مره يقول انا مو مستعد ع المسوليه الان وهو عمره فوق 32
البنت تقول قرب عمري للثلاثين ومعروف سن الثلاثين تقل نسبة الانجاب للحرمه
وتقول اهلها ازعجوها يقولون لها ليش ماحملتي والمشكله مهددها ماتقول لاهلها ان الرفض منه
بس تقول لاهلها فيني ضعف والى الان الله ماكتب واكل كلوميد وهي تكذب على امها
تقول انقهر لما اشوف اللي متزوجات معي وقبلي ومعهم على ولدين لدرجه صديقاتها صارو يخبون عنها موضع حملهم
هي تقول زوجها يصرف مايقصر بس مشكلته كانه عديم مسوليه مايبي يرتبط بعيال ومسوليه
تقول بدون سبب يكرهه الاطفال كرهه العمى حتى بالمطاعم الكوفيهات اذا راح يطلب مكان مافي اطفال
ولما يسمع صوت طفل يتضايق وينرفز ويقول زياده على انه غثى جايبينه لمطاعم يسحبونه
هي اول زوجه له ولا عمره تزوج غيرها يعني حتى ماعنده عيال او شي تقولون مجرب ذا الشعور