زوجها هل يعدل ام لا

السلام عليكم

اللي عندها تجربه ولا نصيحه حلوه تقولها او تكتفي بالدعاءء

قريبه لي اكبر ابنائها 15 سنه تزوج عليها زوجها له ثلاث سنوات

طبعا تزوج موظفه ومو صغيره يوم يتزوجها يعني وزوجته مو كبيره يعني بس العيال ورا بعض تقريبا ويوم يتزوج كان عندها طفله ام سنتين

المهم هي توقعت بتسكن بشقه مستقله وقريب دوامها وهي ماعارضت فكره الزواج لان زوجها راكبه في راسها وقالها انتي وعيالك عين وهي عين بتصير

المفاجئه جابها عندها ولا اخفي عليكم حجم الالم اللي عاشت لين تعودت عليها لان زوجها ماقصر عليها ولا ازكي زوجته بس كلن يشهد ب اخلاقها

المهم تركت وظيفتها بعد سنه زواج لانها حملت وسقطت والاكل استغرب وهي شارطه ع زوجها لو جتها اذيه من زوجته وعياله تطلع شقه مستقله المهم رزقها بطفله و زوجته الاولى حملت بعدها وجابنت بنت

كلن لايم زوجته الاولى بس تفريخ !! يقلون لها اهتمي برجلك وعيالك واللي يقول لها صرتي دبه واللي واللي ونقد خارجي وضغط داخلي




للامانه تقول عيالي يحبون زوجته وتذاكر لهم مرات تقول حتى الغدا معنه يومي جت كم تقوليس اساعدك واقول لا ومره دخلت وقطعت سلطه مره عصير مره سفره

تقول انا مافكرت اساعدها بعد كذا استحيت ع وجهي وقمت اسوي معها مرات لانها تتعاون معي وتقول ماضرتني ابد

و زوجها يعدل بس من بدايه الزواج بيوم زوجته الاولى بعد مايصلي الفجر يروح عند زوجته الثانيه مرات هل يعتبر هذا عدم مبيت وظلم


تقول كنت اقول لهفهه وعشانها جديده تقول زاد قبل مره مرتين بالشهر الحين شبهه اكثر من مره بالاسبوع معنه يومي يقوم يصلي القيام وبعدها يستحب يروح لزوجته 2 ومره بعد الفجر

تقول مره رحت اتسمع اشوف هم صاحين وجالسين ليه يروح وتعوذت من بليس وتقول كررتها ثاني تقول احس نفسي مو مرغوبه

علما ماقد سواها اذا عند زوجته الثانيه يجي لها تقول جاذبته لها بطريقه مدري شلون

تقول مره كانت تعبانه وليلتي ماجت ودقت ولا خربت يوم جى قريب دوامه قالت له وقع وتعال ودني وهي مزكمه كانت من امس وبطنها وزاد عليها وصبرت عرفت انو العله من زوجها

تقول مرات يومها تدخل غرفته الزوجه 2 يلحقها ع 11 او 12 يبعدين يروح

هالتصرفات جابت لها الغيره وعدم الثقه وقله علاقتهم الخاصه تقول احسه كله معها ويوم اللي يجيني احس ماله رغبه

هل تصارحه وايش تقوله بالضبط ماتبي تبينه له انها غيره وانو ليه مايعاملها بالمثل

وفي حركه بعد هو يده طويله اذا عصب يعني عصب ع عياله يجلد كل من قدامه حتى لو زوجته تحامي عنهم تقول ماقد جاها شي الثانيه

ومرات يتركون البنت الصغيره مع اخوانهم وزوجته الاولى ويرحون الغرفه بالساعات تقول انا مش مسوله عنها شلون تبين له انو هي طفله ومحتاجتكم وامانه عندكم


هل معقول الزوج يتعلق بالثانيه ,!!

اكثر من الاولى وهل في امل يرجع لزوجته لان الاغلب قالها بيكبر وبيتعب وبيجيك ويبيك

هي تقول وش الفايده لاكبرنا وناس يقلون لها عشان الجديده وتعلق تقول3 سنوات وكل يوم يزيد علاقه معها تقول في اشياء ماكان يسويها لي بدايه الزواج والان يسويها

مثال تقول يشيل شنطها شنطه بنتها يدخل معها مرات المطبخ ومره شافته يسوي فطور ليوم زوجته ذيك

علما انو زوجته الاولى والثانيه متقاربين بالعمر ونفس لون البشره الاجسام في تقارب وهي تهتم بنفسها وشكلها

كيف تستعيد زوجها وتعلقه فيها