زوجها يتجاوز حدوده مع الأخريات .. حتى الشغالات .. و ودها تساعدووونها .. أرجووووووكم

السلام عليكم و رحمة الله

كيف حالكم ؟
من غير مقدمات راح أبدأ بالموضوع على طول

وحده أعرفها طلبت مني أكتب معاناتها عندكم .. فأرجوووووكم لا تتركووووونها بدون حل ..

هي تشتكي من زوجها كثير المعاكسات مع الحريم سواء اللي يشوفهم أو عن طريق النت أو الجوال .. و إذا قالت له شي و إنها متضايقة قام يحلف أيمان أنه ما سوى شي غلط .. و من يوم تزوجت إلى الحين .. بخيل عليها يستكثر عليها ال500 و راتبه فوق ال12 ألف .. و إذا طلبت منه شي يقول ما عندي شي وما تدري و ين تروح فلوسه ..
و زيادة على كذا عنده خير في الأسهم !!!!!!

ولايطلعها السوق ولايخلي أحد إخوانها يطلها إلا بعد مشاكل ولاتعرف جلسة رومانسية منه في مطعم أو فندق أو أي مكان ... حياته عمل وبعدها نوم وبعدها سهر وهي مرميه في البيت

أما المغازلات فشيء يقهر .. حتى في تمشياته معها .. حتى إذا حاول يراضيها .. لازم يخرب السالفة بمكالمة أو غمزة لفلانة أو علانة .. و يا ليتها وقفت على كذا كان هانت

لكن حتى مع الشغالات .. تجي شغالتها كويسة لكن بتصرفاته معاها تخرب و تتدلع و ما تعطي أهمية لزوجته .. و السبب منه هو معطيهم وجه و بطريقته أهان زوجته قدامهم ما عاد لها كلمة ..
حتى إنه صار يدافع عنها .. يتفقد أكلها .. يخاف عليها .. يعطيها وجه أكثر من زوجته و هي وش هي شغااااااالة !!

عموماً العادة البايخة هذي متأصلة في نفسه و إخوانه و أبوه .. يعني ماخذها عادة .. و لا حول و لا قوة إلا بالله ..

وتقول إنه حتى الضمة اللي أسمع عنها من الحريم من أزواجهم ماأعرفها منه ، البنت رومانسية وهو تصرفاته قروية وسهر ومقاهي

نجي لجانب هذي الصديقة بتصرفاته صارت عصبية .. تقول أنها ما صارت تقدر تعطيه الكلمة الحلوة و لا الإهتمام و لا إحترام لأن شخص مثله لا يستحق أي احترام ..

والمشكلة عندها أطفال منه ويضربهم ضرب مبرح ماكأنه أبوهم فخايفة عليهم لو تركتهم وراحت لأهلها وتقول إذا حالهم كذا وهم معاي كيف بيكون حالهم لو أتركهم .. وهم صغاااااار الكبير مايتعدى 5 سنين
.. وهي ماشاء الله يابنات لو تشوفونها ماتصدقون جمالها ماشاء الله وأخلاق وبنت نسب وشياكة في نفسها ولبسها وصغيرة في السن

والظاهر من كثر ما أمه مسيطرة على أبوه وهي الكل في الكل صاير عنده ردة فعل من الحريم وإنه هو لازم يكون السيد المطاع بدون نقاش ولازم حتى لو زعل وحتى لو هو الغلطان إنها لازم تراضيه في رأيه هذه المرأه السنعة .... وإذا حصل وراضته صار يتدلع ولايقبل ويشوف نفسه

وهو إنسان متقلب المزاج أحيانا يشك فيها إنه أحد شافها أو إنه تكون لها علاقة
يغار عليها لدرجة الشك أو إنه علشانه يعاكس بيفكر الناس مثله
وأحيانا قليلة يكون مافي أحلى منه

وهي مع هذا كله ماودها تخسر حياتها ... وتبي الطريقة المثلى لإسترجاعه ويصير بيتها كله سعاااااده

مع إن أمه حفيت أقدامها وهي رايحه جايه عليهم علشان تسمع كلمة الموافقة

فرجااااااااااااءا .. رجاااااااااااااءا .. رجااااااااااااااءا

اللي عندها حل أو أي طريقة تساعدها ياليت ماتتأخر لأنها في دوامة مايعلم بها إلا الله

والله لايوريكم مكروه في حياتكم .. ولا في من تحبون

وتراها تنتظر ردودكم على أحر من الجمر

ولاتنسوووووووووها من دعاءكم يالغاااااااااااليات


.