زوجها يخونا ساعودها....

السلام عليكم ورحمة الله وبركاتة.....

بقولكم سالفة رفيجتي باختصار شديد لاني امنتني اكتب قصتها بالمنتدى واجيب لها الحل لان صراحة عجزنا نحلة انا وياها على امل ان نلاقية عندكم...

رفيجتي مالكة صارلها مدة طويلة المهم زوجها يكلمها تلفون بس كلمها مكالمة وبعدها قالها مابي اكلمج لان مو حاب هالشغلة قبل الزواج يبية بعد الزواج...
المهم بعد فترة رجع كلمها بس طبعا مو حابها بس يكلمها باعتبار انها زوجتة او بنت والسلام وقررت رفيجتي انها تقابلة عشان تجذبة لها وفعلا بعد ما شافها انصدم وانقلبت شخصيتة ومعاملتة الخايسة الي كان يعاملها فيه وصار يحب يكلمها ومدري ايش...

ومع هذا كل ما دقت علية تحسوون انة يبي يكلمها بس فية شي يمنعةيعني دايم يتهرب بس دايم يقولها تكفين خلينا نكلم بعض ونشوف بعض بعد ما نتزوج...

هذي كلمتة دايم واذا تهاوشت معاه يبي فرقاها بعد شهر يدز مسج يعبر عنة انة مشتاق تخيلو بعد شهر يالله يالله يستوعب...
المهم البت زادت جرعة الشوفات عشان بس تجذبة لها صارت هي تطلب الشوفة عشان تقابلة وتطيح راسة (راسة يطيح بعد الشوفة باسبوع وبعدين يرجع يتكبر مرة ثانية)
ومرة من المرات اكتشفت عندة صور بنات ورسايل واجد لا تعد ولا تحصى بدون لا يدري شافتهم بس طبعا سوت نفسها ما شافتهم...
ومع ذالك مسوية نفسها مطنشة كانها ما شافت شي وما تطري لة انها شاكة فية...
بس لما جا امس دقت علية وطلع معاه انتظار الساعة5 الفجر(تخيلو الناس صيام)البنت اشتغلت ورى بعض تدق علية وطبعا بعد مرور نص ساعة من اتصالها علية رفع السماعة وطبع هي الصبح بعد داقة علية بس مادق علية ماكان يرد على مكالماتها..وطبعا بعد الانتظار رد عليها قالت ليش ماتدق علي ما الصبح ماشفت مكالمتي؟؟؟
قال كنت مشغول وجيت بدق عليج دق رفيجي وانتي دخلتي علينا انتظار والحين اكلمج؟؟ قالت:طيب انا مشتاقة لك كلمني قال:يا قلبي انا الحين بروح اصلي واني نامي انا بكلم رفيجي؟؟البنت عصبت قالت لا صل ودق علي قال يصير خير؟؟؟البنت بكت من القهر وسدت السماعة؟؟؟وراحت تصلي وتدعي ربها طبعا هو ما اثر فية البكى ولا فكر يدق ولما البنت خلصت صلاتها راحت تدق علية لقت معاه انتظار مرة ثانية؟؟
تخيلو راح رجع يكلم الانتظار وطنشها؟؟؟
ومرة ثانية دقت البنت علية باستمرار وكلمتة قالت ليش تكلم رفيجك ومطنشني وقعد يخرب بالكلام قالت طيب اسهر معي قال انا بنام وراح نام وخلاها...والبنت بعد ما راح ينام دقت علية تبي تتاكد انة نام والا راح يكلمها؟؟
المهم لما جا اليوم الثاني ما دقت علية رفيجتي وهو دق تقريبا الساعة8 بليل وكلمتة بس بدون نفس مالها خلق لة وقالها انا بنتزل دوانية ولما ارجع ادق عليج وتخيلو لغاية الساعة3 الفجر..
دقت طلع جهازة محولة مس يو (يعني مسكر الجهاز بس يقدر يدق عالناس واذا احد دق علية يوصلة مسج انة صاحب الرقم داق عليك)المهم دقت رفيجتي علية لغاية ما بطل الجهاز قالت ليش مسكر جهازك؟؟قال طافي الشحن؟؟
وبعد مرور ساعة رجع طفى جهازة عشان زوجتة ما تدق علية ويكلم البنات على راحتة؟؟
وبعد مرور ساعة رجع مرة ثالثة بطلة دقت علية زوجتة قالت لة جهازك مو مسكر جهازك محول طبعا هو تفشل وانحرج قال مدري والله انا مسوي خدمة المس يووو؟؟؟
قالت لة زوجتة ليش قال عشان الي ما ابي يكلمني ما يقدر يدق ويزعجني؟؟قالت زوجتة وانا من ظمنهم قال لا ؟انتي بس دزي مسج انا ادق عليج؟؟ وكلمتة شوي البنت وسدتة وللحين ما كلمتة من بعد هالامور الي صارت ما لها خلق البنت تسمع حتى صوتة؟؟
البنت تخيلو مو مقصرة معاه بشي حتى الهدايا تعطية وتهدية ودلع وكلام حلو تعطية بس الكلام الي بالي بالكم ما تعطية مجال :09:
بنات اشرايكم تناقشة والا تسوي نفسها غبية وما تحاول تبين لة انها شاكة فية؟؟؟؟
او اشرايكم تساله عن ليش حاط الخدمة هذي(لانة صراحة غبي مكشوفة سالفتة لانة يسوي الخدمة بس ساعة ويرجعها يبين انه كلم احد لمدة ساعة ورجع الخط)تواجههة بهالكلام بس ما تقولة انها شاكة فية؟؟
هل تتوقعون انة بيترك هالبنات بعد الزواج؟؟
هل تواجهة؟؟؟انا قلتلها لا تواجهينة خلية يخاف منج؟؟؟احسن من واحد يوقلج انة يغازل وطقي راسج بالطوفة؟؟؟
بنات ربي يرزقكم ساعدوها ربي يوفقكم؟؟؟
عطوناااااا الحل تكفوووووووووووووووووووووووووووووووووووووووووووووووووون:(