زوجها يمووووووووت فيها

السلام عليكم ورحمة الله

اخواتي بنات حوا عندي لكم موضوع وهو عبارة عن تجربه شخصيه يمكن ثلاث ارباعنا اما كان كلنا نمر بها ونحكم بنفس الطريقه

ادخل في القصه

انا اتزوجت وانا ناجحه للثانوي ولظروف عمل زوجي اظطررت للنقل لمدرسه اخرى قريبه من منزلنا المهم كنت انا طالبه جديده اتاخر عن الطلعه من المدرسه كثيييييييير عشان لما يطلع زوجي وكانت فيه بنت ماشاء الله حلوه وتطلع اول ما ينفتح الباب وقالو لي البنات اللي يجلسون معي هذي متزوجه وكنت اطالعها واقول اكيد هذي زوجها يموووووووووووت فيها يجي ياخذها اول شي وهي فرفوشه ما شاء الله
قالو البنات ما تدرين مسكنها بفله دورين وجايب لها شغاله وهي ما عندها الا بنت وحده

تصدقون لولا الايمان بالله كان حسدتها

مرت الايام وصارت بفصلي وجنبي وصادقتها واكتشفت انها (مطلقه) من زمان وترجع للبيت بدري لانها تمشي (رجليه) والبيت اللي هي فيه هذا بيت امها وابوها متوفي والشغاله شغالة امها هههههههههههههههههههه

الغرض من هذي القصه اننا دائما نحكم على الحريم بالظاهر يعني اذا شفناه ماسك يدها نقول يمووووووت فيها طيب يمكن يراضيها عقب ما صفقها ههههههههههههه

خلونا نذكر ربنا ونحمد النعمه اللي احنا فيها سواء متزوجه ارمله مطلقه عزباء لكل شي حكمه من رب العالمين قاسمها ربي لكل وحده فينا سواء سعيده والا تعيسه احتسبي الاجر وربك كريم

ارجو ان ينال اعجابك لان هذي اول مره اكتب موضوع قصه