زوجه اخوي الكسوله

مساء الخيرات والليرات كيفكم بنات كيفكم صبايا
خلوني ادخل في القصه على طووووووووووووووووووول :27::27:
الله يسلمكم اخوي شاب يحب الكشخه والذوق
يحب النظافه والطبخ الي يفتح النفس
يعني نقول عنده دوريه كل راس شهر تقريبا عشرين شخص من اصدقائه وامي الله يطول عمرها وخواتي مايحتاج يمدون هذاك السفره الي تفتح النفس المحاشي والمحمر والمقليات والحلويات
يعني تعود على كذا
ولايروح للستراحه مع ربعه الا ماخذ شوي وشويات من قهاوي ومن حلويات او معجنات يعني مايروح ابد يده فاضيه
نبداء الحين في منتصف القصه
كتب الله وتزوج وحده من عائله محترمه بنت عقل وثقل بسسس فيها عيب
ماترفع شي عن الارض ولا تعرف تسوي حتى قرص البيض لا تعرف حتى تغسل ملابسهم للعلم انها ساكنه عند اهلي يعني بيت حموله بس اهلها الله يهديهم ماعلموها كانت تدرس والخدامه تسوي كل شي عنها
المهم نجي لزبده الموضوووووع
اخوي عصب من كذا يبغى حرمه تبيض وجهه عند ربعه وترفع راسه عند امي بس ماش الحرمه ما تعر ف كوعها من بوعها
المهم اخوي مشاء الله رجال عاقل وفاهم الله يكمله بعقله
وش سوى
قالها روحي عند اهلك كم شهر وتعلمي انتي فيك صفات حلوه وصفات ماتوصل للطلاق
لكن روحي تعلمي والله يكتب الي فيه الخير
والله ياخواتي مافيه احد يعرف بالقصه الا اخوي وامي
اذا سئلنا عن زوجه اخوي قالت امي تعبانه وعند امها
المهم جلست زوجه اخوي عند اهلها شهر بس ورجعها بس بعدها ماتتقن الطبخ
يعني يبيلها وقت لان الطبخ لازم اتقان
يعني راحت ايام وايام وشهور والبنت تبغى تثبت وجودها
وتبغى تبيض وجه زوجها
صارت تشتري كتب بسيطه وتتعلم منها
صارت تشوف امي كيف تلقم اللقيمات وصارت تحط لها الظهر شوي زيت وعجين وتبداء تلقم مره تخرب ومره تزبط
وصارت تكبس الكبسات وتحاول تعرف سر الطبخ
سافر اخوي انتداب وتركها عند اهلها صارت تسئل خواتها عن كل طبخه جديده
وتحاول تتعلم لف ورق العنب ولف الملفوف وتحاول تعرف كيف تلف السنبوسه بجميع انواع الحشوات
يعني تجرب على قدها
وصارت تروح لمحلات المواعين كل فتره وتشوف الجديد
من انواع التيفال ومن انواع الصياني ومن انواع الزينه للمعجنات
يعني والله يااخوات بعد سنه وكم شهر قسم بالله صارت شي ثاني
الحين غطت على كل زوجات اخوي بالطبخ والسناعه قسم يابنات سفرتها تفتح النفس وحلوياتها على مستوى
ومواعينها تفتح النفس كل شي جديد عندها مشاء الله عليها
شفتو يابنات بالعزيمه والاراده الوحده ماتقول مااقدر
لازم ياخواتي الوحده ماتروح لزوجها وهي جاهله ماتعرف تطبخ ولا تنضف ولا تغسل
لازم ترفع راسه وتبيض وجهه عند اصدقائه
وبس انتهت القصه
حبيت اقولها للبنات الي على وجه زواج ومايعرفون يطبخون ترى لازم يااخواتي مايصلح تتزوجين وانتي ماتعرفين للطبخ ترى زوجك لو سكت فتره بيتضايق وبيمل
يعني لازم يااخواتي تروحين وانتي مايحتاج عشان يعرف انه متزوج ولا يحتاج لامه او اهله بعد كذاااااااا سلااااااااااااااااااام