السلام عليـــكم
اكيد كلكم داخلين بتهاوشون :35:
موضوعي اليوم عن زوجه الولد او زوجه الاخ وحمولتها
في هالمنتدى حسستونا ان فيه حرب يشنونها اهل الولد على بنت الناس اللي ماخذينها لولدهم
مدري ليه هالفكره ثااابته عند الاغلبيه :mad:
صح فيه بعض الحمولات الله يهديهم شديدين وقاسين ووو مع حريم عيالهم ومع عيالهم بعد بس مو الاغلبيه كذا
الاغلبيه تكون طيبه وتعامل زوجه ولدها كانها بنتهم خاصه اذا كانت زوجه ولدهم حبوبه وطيبه معهم :)
للاسف دايم اقراء في هالمنتدى خاصه اذا وحده ساكنه عند اهل زوجها او بتسكن عندهم ينصحونها البنات انها تصير قويه معهم وماتسكت عن حقها وتعاملهم بنفس الطريقه اللي يعاملونها فيها
بكذا الوحده تسكن عندهم وهي حاطه في بالها انهم مايحبونها وانو راح يصير مشاكل معهم وتشوفونها من اول موقف تكبر الموضوع وتزعل وتهاوش وو :icon33:
ياقلبي انتي ساكنه عندهم يعني طبيعي يصير فيه شويه مشاجرات وسوء فهم يعني مثل لما كنتي في بيت اهلك مستحيل انو ماكان فيه هوشات مع خواتك واخوانك ويمكن امك بعد :)
فالمفروض الوحده تصفي نيتها وتخلي لها شخصيه قويه وفي نفس الوقت تصير لينه وتحاول قد ماتقدر تحل المشكله في وقتها ولا تكبرها
ونصيحه اقدمها لكل زوجه ولد خاصه الجدد اكسبي اهل زوجك باي طريقه لانك اذا كسبتيهم كسبتي ولدهم لانهم راح يوقفون بصفك دااايم
واهل الزوج والله مايبون منك شي
مايبون الا الكلام الطيب والحبابه والبشاشه وانك تكونين واصله معهم وتبينين لهم محبتك لهم وانك تعتبرينهم مثل اهلك
اذا رحتي السوق اشتري جلابيه وعطيها ام زوجك قولي اعجبتني هالجلابيه وجبت لك انتي وامي منها
كذا راح تحس خالتك انك تعتبرينها مثل امك
اخوات زوجك سولفي معهم مثل ماتسولفين مع اخواتك لاتقولين اخوات الزوج ماينعطون وجه ووو
اذا صار عندهم مناسبه افزعي معهم مثل ماتفزعين مع اهلك في مناسبتهم
بالعربي خليك طيييبه مع الكل بس بحدوووود :)
زوجات اخواني الله يحفظهم والله اني اعتبرهم اخواتي
وكثير اوقف بصفهم ضد اخواني
زوجه اخوي الجديده في يوم الشبكه قالت لي اعتبريني اختك الجديده تخيلو من هالكلمه بس كسبتني ماشاءالله عليها
وبسم الله عليهم مايقصرون بشي معي ونفس الشي انا
دايم اقدم لهم الاعذار حتى قبل يغلطون لاني عارفه طيبتهم
وبقولك نقطه اهل الزوج راح يدققون على كل شي تسوينه خاصه في البدايه وقبل يعرفونك لانك جديده عليهم ولا يعرفون طيبتك من رداك فبيني لهم الطيبه عشان تكسبينهم ووقتها لو تطلبين عيونهم ماقالو لا :)
ونفس الشي لاهل الزوج زوجه الولد راح تكون متخوفه وماتدري كيف طبيعتكم فاظهروا لها الطيبه وانكم حابينها ومعتبرينها مثل بنتكم عشان ترتاح وتشيل الخوف منها وتريحكم معها
فيه نقطه احيانا اسمعها او اقراها وهي ان اخوات زوجي يغارون مني لاني حلوه !!!!
من جد استغرب من هالشي
طيب اهل زوجك هم اللي اختاروك .. لو مايبون وحده حلوه على قولتك كان سوو اللي يقدرون عليه عشان ماياخذك ولدهم
بالعكس اللي اشوفه ان اهل الزوج يفتخرون اذا كانت زوجه ولدهم حلوه
فشيلي هالفكره من راسك لانها غلط كبير ولو حصلت تحصل لوحده من 1000
حبيت اقول هالكلمتين واتمنى ان احد يستفيد منها خاصه العرايس الجدد واللي لسى ماتزوجو
وياليت اللي عندها اضافه او موقف تضيفه :)
مشكووووووووورة
من جد واقعية واتمنى من الكل انو يستفيد من كلامك
جزاك الله خير والله يديم المحبة بينكم يارب ولا يغيرعليكم