زوجه خالي وتصرفاتها الغريبه ..

السلام عليكم ..
راح ابدا على طول وربي راح اتعب وانا اقولكم قد ايش هالبنت دلوعه ومغروره ومو شايفه احد شي حتى خالي ماهي شايفته شي دايم يوم تقعد مع صديقاتها تخليه مسخره وتقول امسح رسايله قبل مااقراها مره قروي ومو قد المقام مدري وين كان عقلي يوم اخذته وتعيب عليه بالفراش وتقول ادائه غبي وغير هالكلام خالي الله يعافيه الله مبتليه بدمامل تطلع بظهره لها سنين لدرجه انها شوهته وتقعد تضحك عليه قدامهم يوم سالتها بعد ماراحو ليش تقولين كذا وامي موجوده تراه اخوها وبعدين تراه زوجك وابو عيالك تقول هو الحظ كذا حبيبتي من زان وجهه شان حظه واساسا مو مصبرني عليه غير اولادها التؤام الزبده ماعاد صرت اقولها ليه تسبينه ولا قلت لخالي ولا شي مابي اسوي مشاكل طول وقتها خلطات وكريمات ومكياج هذي باختصار فلتها حتى سكنت عند امي فتره ماتقول اساعدها باي شي   ولا حظرنا الغداء راحت طلبت من المطعم مانقولها ولا شي ولا نبي نسبب مشاكل مره من المرات جا خالي وقال بسافر عندي دوره في البحرين ورب البيت ماصدقت كانه يوم عيد عندها طبعا خالي بيقعد اسبوعين مايقدر يطلع وطول هالاسبوعين تطلع من العصر ماترجع الا الساعه 3 الفجر قعدت على هالوضع فتره ترمي عيالها عند امي ولاتسال عنهم نايمين صاحين عسا ماازعجوكم ولا جات الفجر ماتقول حتى مشكوره اذا لقيتهم نايمين تخليهم عند امي باختصار برودها شديد دقت علي بنت خالتي تبي السواق وتبيني اطلع معاها عشان ماتقدر تركب لحالها واستاذنت من امي ورحت نزلنا مول مشهور بجده مابي اذكر اسمه ووسط الزحمه والفرفره بالمحلات قالتلي امشي ناخذ شي نشربه الزبده يالله مسكت طاوله شوي الا قالو للعزاب العوايل داخل جيت عند اول غرفه الا الستاره مفتوحه وزوجه خالي داخل مع صديقاتها المشكله مو هنا المشكله انها فاكه الغطا والحجاب والعبايه باينه كل ملابسها انا هنا انجنيت ليش تسوي كذا من ورى خالي وربي مسكت بنت خالتي وكاني مسويه مصيبه وامشي ابي اطلع تقوللي وش فيك قعدت بعيد وخليتها تروح تشوف بنت خالتي انجنت مو معقوله كانت بتقول لامها وامي بس انا حلفتها بالقران ماتقول  
والله مدري ي بنات في افكار شينه تمر براسي منظرها كان استغفر الله ومابي اظن ظن السوء انتو وش رايكم بأللي صار وهل الافضل خالي يدري ولا  لا وانا قرفت منها بعد ماشفتها وهي ماتدري اني شفتها لو انتو مكاني وش بتسوون ..!!