السلام عليكم ياحكيمات
ابغا منكم استشاره
انا منفصله وعندي اطفال
طليقي متزوج اجنبيه
طبعا مااخذت العيال ونفقتهم الا عند طريق المحكمه
واتفقنا ع الزياره
جاء اجازه الترم اخذ العيال وسافرو خارج منطقتي لان هو مو بنفس المنطقه واذا طلع ترك العيال عندها
وهي شكلها حاقده عليهم صارت تضربهم وتقفل ع بنتي الكبيره عمرها7سنوات باب الغرفه لوحدها تقول لها عقاب لك واذا بكت تقول لها انا بس ضربتك لاذبحتك ولا قتلتك وبنتي الي عمرها5 تقول لها بقطع راسك بالسكين وولدي عمرو سنتين ونص تضربه بيدها وتدفو برجلها ع البلاط وتقوله روح ياولد ابكي هناك مع نفسك غير الكلام البذي تسب عيالي فيه واذا دخلت تحممت تدخلهم معاها وبنتي تغطي عيوني تقول استحي تقول عادي افتحي عيونك مافيها شي بناتي ماتعودو ع كذا لان سنهم سن يعرفو العادات والحشمه والعيب وهذي تخرب تربيتي فيهم وجاتني بنتي شعرها متشبك مره حاطه فيه شي ماعرفت ايش بالضبط والي صدمني اكثر يشتكون لبوهم يقول لهم هي عصبيه !! كيف عصبيه تهددهم وتقفل ع البنت لوحدها الغرفه وهذا كله اذا طلع ابوهم من البيت تقول لهم بسببكم أبوكم ماصار يطلعني ..
وبس تسألهم عني تاخذ اخباري منهم وبناتي يخافو منها لو ماتكلمو تصرخ عليهم
ابغا أتصرف تصرف حكيم لان خايفه ع عيالي ياما سمعنا قصص قتل وانا مره خايفه ومااقدر امنعو من الزياره معانا صك
وين الرحمه وين القلوب اطفال تسوي فيهم كذا محد قال لها تاخذ واحد عندو اطفال وحاقده لانو مايبغا عيال بس عيالي مالهم ذنب
افكر اسحب منه الزياره احسو مو كفؤ بس ماعندي دليل عقلي كله مشتت ع عيالي خصوصا اني ادرس جامعه لسه ولا عندي دخل اصرفهم غير مصروفهم
ام تاتو ونانو @am_tato_onano
عضوة جديدة
يلزم عليك تسجيل الدخول أولًا لكتابة تعليق.
الله يصبرك لا يروحون خلاص انتبهي انتبهي انتبهي واشكيهم وبياخذون اقوال عيالك انتبهي لا تسوي شي فيهم !!!! هذي مجرمة ممكن تسوي شي فيهم !!!
روحي المحكمه واشتكي عليها حسبي الله ونعم الوكيل فيها الله يجعل يدها الكسر حاولي تستدرجينها بمكالمه اورسايل خليها تعترف انها تضرب عيالك واشتكيها اول مره انقهر ع موضوع هنا او شوفي لك محامي يساعدك
جيبي إثبات وشتكي عشان يكونو بصفك الحين لازم إثبات قبل لتسوي فيهم شي أقلها يزورهم ومايحطهم عندها انتبهي لعيالك ورى مابوهم يحط كاميرا ويشوف بعينه حرام الأطفال وش ذنبهم
الصفحة الأخيرة
انا لو مكانك ماعاد ياخذهم ويحطهم عندها ياعند امه ويكون عندهم او يجيكم زياره ويسكن بمنطقتكم
او كلمو عاقل يكلمه واذا مانفع اشتكي عيالك امانه برقبتك حسبي الله عليها
ياليت يفيدونك بالجهه المسؤوله لان هذا ضرب وتعذيب وتخريب وشو تعري عند بنتك كبيره قليلة ادب 💔