السلام عليكم ورحمه الله وبركاته
خواتي هذا صديقتي الروح بالروح عندها مشكله وتتمني تشورون عليها
هي تزوجت رابع يوم العيد 4-10 من الشهر الي طاف واليوم الثاني سافرت لمده اسبوع ورجعت وزوجها ما جاها ولسي بنت :44:عافين وش اقصد المهم تقول انا مو مقصره بشي انواع العطور وكل ماجيت انام اخذ دش ومهتمه بنظااافتي بقووه والبس له في البدايه طويل وبعدها صرت البس الي تحت الركبه بشوي واهتم بالبس والكشخه علي سنقت عشره المهم ما نفع وقلت يمكن مستحي او خايف اتعب ويتوقه في الغربه رجعنا ونفس الحاله تقول يحط بيننا المخدات ومن اخذته والله لا كلمه حلوه ولا اسلوووب ولا مجامله حتي المشكله ان بينهم فارق بالعمر هي عمرها 24 سنه وهو 29 سنه تقول والله ما يعرف شي في الحياه اذا تقول لا بوسه لا لمسه ولا شي تقول حتي اسمي ابيه يدلعني ما فيه امل :mad: تقول والي قهرني اكثر كل ما قلت ابشتري هذا او نفسي في هذا قال مو لازم اسراف وتبذير تقول حتي لما جيت اروح لاهلي قلت بشتري حلا وفطاير قال ماله داعي قالت يكفي اني جيت من السفر ما جبت هديه لو رمزيه لابوي وامي
قلت بشتري هديه لامي قال لا غالي تقول والله انه يشوف التسعيره ويمشي المهم تقول دخلت علي بيتي ناقص ما حط الا غرفه نوم وصاله والمطبخ حتي ما كمله مع العلم انه مقتدر وبقوه وحتي ابوه قال له بأثث باقي البيت رفض قال مو اللحين بعدين تخيلو البنت ليله زواجها ترتاح ولا تزين اظافرها وهالمسكينه جالسه تنظف شقتها وياليته تنظيف العاده لا لسي العمال مخلصين من البويات وباقي الحدايد والعده والبراميل والسطول حقت البويه والسلالم والزقاير ( الي يرقون عليها ) والسراميك يبي له صنفره والله انها يا حرام جالسه هي وامها واخوها ينظفونها والمصيبه ان الزواج كان مختصر مجرد رجال وامه وخواته فقط يعني ما خسر شي والمهر 30 الف بس
حتي الشبكه الي قام فيها ابوها من والي تخسروا فيها حوالي 15 الف ولما جاب لها الذهب جايب لها من المستعمل وسكتت قالت بشوف عزموها اهله وامه نادت خواتها وخوات زوجها وماحطوا لها عشاء زي الناس حاطين دجاج ولحم بيت ولما عطتها امه الهديه وررربي تفشل قطم يا دوبه يبان وسكتت واليوم الثاني جت لاهلها وهو راح لخوياه وجلس عندهم لحد الساعه 3 اللليل ولما قالت له ما يصير تونا متزوجين تسهر هالسهر مو زينه بحقي قدام اهلي قال ما بعد شفتي شي يعني اسلوووبه زفففت واذا تعرفون الهديه حقت ام الزوجه متي عطاء امها
واول يوم داوم فيه قالت له البس جزمه توك عريس اكشخ قال مالك دخل فيني ولا تقول الناس اذا قالت بنت عمي او الناس او او قال لاتقولين الناس مالك دخل فيهم حتي اذا جاء ياخذها ما يعرف يلبس ماغير دشداشه حقت البيت (قميص) راح جاي فيه حتي وحده من خالاته قالت لصديقتي ليه مخليته يلبس دشداشه ليه ماخليتيه يلبس ثوب قالت انا قلت له ومجهزه له كل شي هو الي ما يبي تخيلوا اول مره يشوفونه خالاته وعماته بعد الزواج جاي بدشداشه والمصيبه انه بااااارد ومافيه من العقل حبه تخيلو زعلت عند اهلها سبوعين ووضحت انها متضايقه بسبب المعاشره الزوجيه لانها تاكل حبوب تخاف انه يجي يوم ويقول ابيك وتقول ما اقدر جاني العذر وهي خجلانه ومعانيه كل يوم والثاني شايله ومسويه استعدادها وهو ولا حاسس اخر شي قال انشأ الله بيتغير كل شي ووووو ودخل امه وابوه المهم ماعرفوا السبب الرئيسي بس الامور الثانيه وتفاهموا المهم يوم جاء بياخذها قامت ام صديقتي دقت علي زوج بنتها وقالت له اكسب زوجتك بهديه بكلمه كويسه تري الحرمه مايهمها شي غير الكلام الزين خذا لها ورده ساعه اي شي رمزي اطلعوا غيروا جو المهم قال انشأ الله وجاء وخذا البنت والله لا هديه ولا كلمه طيبه ولا حاجه وحتي العشاء سندوشات << قمه الرومنسيه :mad:
ولماقالت ان اهلي بيحطون عزيمه لنا قال لا ماله داعي تري انا موب جاي قالت هم حاطينها عشانك قال لا حتي قولي لعمامك لايحطون عزايم انا ماراح اجي ولا اروح لاحد انا ما احب
وجلست معه اسبوع المهم قال لها لا تستعجلين علي موضوع المعاشره بعدين تعرفين ليه ؟
هي خااافت ولما جاء نهيه الاسبوع رجعت لاهلها
وقالت لامها السالفه من والي والحين هي عايففففته ماعاد تبغاااااه تقول مافيه شي مؤهل عشان اجلس عشانه وانا خايفه يكون فيه مرض
يا عقم ولا برود جنسي او ضعف وادفن عمري مع واحد مافيه مؤهلات عشان اصبر عليها
وهو متعلق فيها لانها مشاء الله جميييييييييييييييله ويحلم انه ماخذ وحده مثلها حتي انه هو يقوله يقول اني اصدق واكذب انك زوجتي << من حظها المقرود :44:
الحين هو يحاول ترجع وهي رافضه وشايله هم المشاكل وخايفه يكون ما فيه شي وسليم وبكره بيقول جيبوا حقي ونفس الشي ما تبي تكون عند المحكمه لان ابوها ما يعرف السالفه واذا عرف بيفضحه ويقول انه مريض وكل من بيساله ويقول ليه بنتك تطلقت بيقول الرجال عاجز او من هالقبيل وهي ما تبي هالاشياء تصير مو عشانه عشان ربها بس وابوها المصيبه ماعلي فمه غطاء
وش رايكم يا بنات معها حق تطلب الطلاق لانها لما عدينا الايام الي جلست عنده جلست 25 يوم بالله فيه رجال في صحته وعافيته يقاوم هالفتره خصوصا ان البنت تلبس القصير والبدي والمخصر والمحمر والمشمر :44: ما ادري هو حقران لها ولا وش السالفه بس استغربت ان امه عارفه انه ما جاها ؟ وهذا خلاني احس ان الدعوه فيها ان ليه قال لها ؟ ليه ماكمل البيت ؟ ليه ماحط زواج ؟ حتي الذهب ماجاب مثل الناس؟ وهذا الولد بكره ابوه وامه وحالتهم الماديه ممتازه جدا وزوجي لما قلت له السالفه قال يمكن فيه شي واحد شار عليه قال يمكن اذا تزوجت وشفت قدامك الحرمه يتغير فيك شي
بنات البنت طالبه مشورتكم بالله وش السواه
اللهم فرج عنها وخذا حقها يارب العالمين
الشووووق جابك @alshooook_gabk
عضوة نشيطة
يلزم عليك تسجيل الدخول أولًا لكتابة تعليق.
بصمة عطر
•
الله يكتب لها اللي فيه الخير يارب
لا تعيش معه الي هذا اولها ينعاف تاليها
ما قدرها ولا احترامها لا هي ولا اهلها
احسن حل تنفصل عنه توها بنت
والله يعوضعا خير منه
ما قدرها ولا احترامها لا هي ولا اهلها
احسن حل تنفصل عنه توها بنت
والله يعوضعا خير منه
الصفحة الأخيرة