زوجوني وطلقوني

السلام عليكم
من زمان وانا اتردد في طرح موضوعي وبقول بالمختصر وبعد ارشادكن ونصحكن راح احذف الموضوع
انا مطلقه واحب طليقي ويحبني وبيننا ولد وبنت
لو تكلمت عن طليقي من هينا لبكره مراح اوفي حقه
وهو يحبني واحبه
..
تزوجته وهو زميل لاخي وبعد سنوات كثر الكلام وهددوه اخواني واقاربي ..يطلقني واخذوني من بيتي
واخذو مني جوالي وبعد شهرين في بيت اهلي جات ورقة طلاقي
والان انا على تواصل مع طليقي ومو قادرين نسوي شي انا وهو رغم ان اخواني وخالي غيرو شريحتي وهددني احد اخواني لو كلمت طليقي يصوب الرصاص في راسي
كل هذا وهم من زوجوني حتى احببته وبعدها طلقوني واصبحت جسد بلا روح ونفسيتي صفر وكرهت اهلي واتخذت على نفسي قرار ماكلم احد الا ثنتين من خواتي لانهم عارفين اني مظلومه
..
سبب مطالبتهم بالطلاق يقولو جانا خبر موثوق ان زوجك هافي اصل وعدم تكافو النسب بينا وبينه وينزل راسنا عند جماعتنا ويقولو عن طليقي اصل جده من ذاك البلد
والان لي 9 شهور مطلقه