زوجوها هو بكامل ارادتهم ويمنعوها تسافر معاه

هذي القصه لاقرب انسانه لي في الدنيا
وحقيقي استغرب واتمنى لو اقدر اتخل في هذي الامور العائليه ولكن كيف يكون التصرف الصحصح بدون عصبيه

هذي الانسانه من اسره قبيليه جدا بسيطه ولكن محافظه ولكن جزء كبير جدا من محافظتها هو فقط بسبب سماع كلام الناس والخوف من كلام الناس مو عشان رب العالمين وهي والكل عارف
جاها انسان محافظ ولكنه منفتح ومن اسره متحضره وهو حضري يعني مو قبيلي ولكن من ناحية العلم والعقل والتفكير احسن من كل اهلها
انسان مثقف ومنصبه كبير وهي اكبر اخوانها معاه المتوسطه ومتشدد بدون اي حكمه
اللي تستغربه انهم وافقو على زواجها ولكن كأنهم مو راضين عن الرجال ولا يحبوه
بعد عشرة سبع سنين وبعد ماصارلها منه ولد وبنت وكلهم في الروضه جا لزوجها بعثه خارج المملكه لبلد اجنبي وهو طلب منها يبيعو عفش البيت وتسافر معاه ويكونو يد وحده وهي مبسوطه ومرتاحه عارفين ليه؟؟
والله ان اهلها مايسألو عنها الا بعد فتره طويله --- اهلها مايعبروها حتى في المناسبات يحاولو انها ماتعرف انه فيه مناسبه عشان لاتجي هي وزوجها
يستعرو منها ومن زوجها لايجو مناسباتهم ويتفشلو من زوجها بدون اي حق
احسن واحد في اقاربها كلهم معاه الثانوي واخوها الكبير معاه المتوسطه
العلم عندهم ماله اي معنى
وظايفهم بسيطه جدا
التزامهم مو لأجل الله ولكن من اجل الرياء والنفاق اغلبه والله اعلم
الاشياء التافهه يقعدو فيها حرام وحلا
والاشياء الكبيره يتغاضو عنها اعطيكم مثال
الموسيقى واللبس العريان للحريم وقت المناسبات حرام وكشف الزوجات على اخوان الزوج عادي وتقليد مايستغنو عنه
التصوير حرام بالكاميرا والفيديو لكن بالجوال عادي جدا هههههههههههههههه تخلف والله
وزوجها مترفع عن كل هذي الامور ومعروف اصلا ومنصبه عالي شويه وسيرته رائعه وسط الناس والكل يحسدها عليه من صديقاتها وزوجي يقول عنه محترم جدا وابن حلال ورجال محافظ ومتزن وعاقل وهاديء وعمره ماتصدر منه العيبه
تصدر من اهلها امور كثيره تخللي الناس تضحك عليهم ويفشلوها ومع ذلك باره فيهم وتحب تسعدهم وهم يظهرولها العكس

الآن اللي فتح الجروح وعلى الرغم من انها سافرت مع زوجها مرات كثيره من اجل السياحه والعمل ولكن مافي سفره مرت بدون مشاكل من اهلها وغضبهم يقولو السفر لخارج المملكه حرام وفساد مع انها محجبه حتى خارج المملكه وزوجها محافظ
وعلى الرغم من تدخلاتهم في خصوصياتها مع زوجها وطريقة حياتهم وصمتها الطويل الا انه جا اليوم اللي تلاقي اكثر من كل اللي فات
اهلها قعدولها في الموضوع وقالولها لو سافرتي لاانتي بنتنا ولا نعرفك -- خليه هو يسافر وانتي اقعدي هنا ليش رايحه ؟؟ ايش تبغي بره؟؟ بالله عليكم ناس زي هذولا ايش الواحد يرد عليهم ؟؟
امها تقول لها تبغي تفشلينا ايش يقولو الناس عنا سافرت بلاد الكفار ويمكن تفسخ الحجاب
وابوها يقول انا وافقت على زواجك بس مو معناه وين ماراح تروحي معاه
بالله عليكم وبدون قهر زي ماني محروق دمي وبنفجر ولكن ماابغى ازيد الطين بله قولولي ايش ينرد على ناس زي هذولا جهله وفاشلين وكمان يبغو يتحكمو في مصير بنتهم بطريقه غلط تضيعها ماتبني حياتها ؟؟؟
عارفه انه ارتفع ضغطكم بس والله ماراح يفيدنا هذا الآن
نبغى الحل البنت راسها بينفجر وتقول بسافر مع زوجي لو مهما صار بس كيف اخللي ابويه وامي يرضو عني ومااسافر وهم زعلانين ؟؟ واذا سافرت وهم زعلانين ياترى ربي بيزعل مني؟؟ ولا ادور على شيخ يعطيني وجه ويجي معايه يفهمهم انه مايصير اترك زوجي واني ابغى اكون معاه وهو يبغاني اكون معاه؟؟
علما انها لو جلست في بيتها هنا والله محد يطالع فيها لو احتاجت شي
انا ماراح انام من العصبيه الليله وهي في حال مايعلم بها الا الله ولكن نبغى الحل
انا رايي وهي مسافره تروح تسلم عليهم وتقعد معاهم يوم كامل ولما تكون خارجه تقول لهم ماعمري جا يوم وفكرت ازعلكم فيه بس اسمحولي ماراح اترك زوجي لوحده وبسافر معاه وان شاء الله بكلمكم دايما اطمئن عليكم وادعولي بدال ماتزعلو مني مالي بعد الله غير زوجي وعيالي والله يخليكم لي
بالله ايش رايكم