زوجى مسافر اعمل ايه

4زوجى مسافر هو واحشني جدا مع انه جاى قريب الا انى خايفه جدا وقلقانه لانه بيحاول يجهز ورق علشان ياخدني معاه وهو مسافر تاني بس هي دي المشكله اللي قلقاني لانه لحد الان مش عارف يخلص الورق وخلاص هيجي ويسافر تاني ويسبنى ؤانا مقدرش علي كده معظم الايام انام وانا ببكي محتجاله جدا مش هي دى المشكله الوحيده الشىء التاني هو ان اهل زوجي مش عايزينه يسافر تاني واذا سافر لا ياخذني لانهم متعلقين جدا بحفيدهم اللى هو ابني اعمل ايه هل لو زوجي اخدنا وهم رافضين يكون كده عقوق لوالديه انا مش قادره اعيش من غيره ومحتجاله جدا وهو كمان وفي نفس الوقت مش عايزه اكون السبب في ان اهله يزعلو منه اعمل ايه النقطه التانيه هى ان احنا لو سافرنا معاه الراتب هيكفينا بس مش هنحوش اي شىء طب ويبقى لزومه ايه السفر زوجي متشبس بموضوع السفر اعمل ايه انا فى حيره معلش دي اول مره اشارك اعزروني اذا كنت اطلت وساعدوني ان كان في حد مر بالتجربه دي لا يبخل بالنصح والسلام ختام